Header Ads

ທຄຕລ ສາຂາແຂວງເຊກອງ ເລື່ອນສະມາຊິກພັກສໍາຮອງຂຶ້ນເປັນສົມບູນ



ຕອນແລງວັນທີ 17 ສິງຫາ ຜ່ານມາ ຫນ່ວຍພັກຮາກຖານ ທະນາຄານການຄ້າຕ່າງປະເທດລາວ ມະຫາຊົນ (ທຄຕລ) ສາຂາແຂວງເຊກອງ ໄດ້ມີພິທີເລື່ອນສະມາຊິກພັກສໍາຮອງຂຶ້ນເປັນສະມາຊິກສົມບູນ ໂດຍການເປັນປະທານຂອງ ສະຫາຍ ເລັດສະຫມອນ ໄຊບົວເງິນ ເລຂາຫນ່ວຍພັກ, ວ່າການຫົວຫນ້າສາຂາ ທຄຕລ ສາຂາແຂວງເຊກອງ, ໃຫ້ກຽດເຂົ້າຮ່ວມຂອງ ສະຫາຍ ອ້ວນຄໍາ ທຸງໄຊ ກໍາມະການພັກແຂວງ ຫົວຫນ້າຄະນະຈັດຕັ້ງແຂວງ, ມີບັນດາຄະນະຫນ່ວຍພັກອ້ອມຂ້າງ ແລະ ແຂກຖືກເຊີນ ພ້ອມດ້ວຍສະມາຊິກພັກສົມບູນ-ສໍາຮອງ ພາຍໃນຫນ່ວຍເຂົ້າຮ່ວມ.

ໃນພິທີ ສະຫາຍ ກາວິນ ແກ້ວຈັນທະວົງ ຕາງຫນ້າຄະນະຈັດຕັ້ງແຂວງ ຂຶ້ນຜ່ານມະຕິຕົກລົງຂອງຄະນະພັກຂັ້ນເທິງວ່າດ້ວຍການເລື່ອນສະມາຊິກພັກສໍາຮອງຂຶ້ນເປັນສະມາຊິພັກສົມບູນ ທີ່ສັງກັດຢູ່ໜ່ວຍພັກຮາກຖານ ທຄຕລ ສາຂາແຂວງເຊກອງ ຈໍານວນ 3 ສະຫາຍຄື: ມະຕິຕົກລົງສະບັບເລກທີ 199/ຄຈພຂ ລົງວັນທີ 13/7/2017 ຕົກລົງ ເລື່ອນສະຫາຍ ເພັດທະໄລ ໄຊສົງຄາມ ອາຍຸ 28 ປີ; ມະຕິຕົກລົງສະບັບເລກທີ 200/ຄຈພຂ ລົງວັນທີ 13/7/2017 ຕົກລົງເລື່ອນ ສະຫາຍ ວັນນາ ສີສັກ ອາຍຸ 30 ປີ ແລະ ມະຕິຕິຕົກລົງສະບັບເລກທີ 201/ຄຈພຂ ລົງວັນທີ 13/7/2017 ຕົກລົງເລື່ອນ ສະຫາຍ ເອກທະວີ ສຸວັນນະຫົງຄໍາ ອາຍຸ 31 ປີ ຂື້ນເປັນສະມະຊິກພັກສົມບູນ ຢ່າງສົມກຽດ.


ຈາກນັ້ນ ສະຫາຍ ອ້ວນຄໍາ ທຸງໄຊ ກໍໄດ້ໃຫ້ກຽດໂອ້ລົມ ແລະ ເນັ້ນຫນັກໃຫ້ສະມາຊິກພັກສົມບູນໃຫມ່ທຸກສະຫາຍຈົ່ງພ້ອມກັນອຸທິດຕົນໃຫ້ແກ່ພາລະກິດລວມຂອງພັກກໍຄືຂອງປະເທດຊາດ, ສືບຕໍ່ຝຶກຝົນຫລໍ່ຫລອມຕົນເອງໃຫ້ເປັນສະມາຊິກພັກທີ່ສາມາດຕີລົບທົບໄດ້, ມີຄວາມອົດທົນພະຍາຍາມສູງ ມີໄຫວພິບໃນການແກ້ໄຂບັນຫາກໍຄືສະພາບການຕ່າງໆທີ່ຈະໄດ້ປະເຊີນໃນຕໍ່ຫນ້າ. ຄຽງຄູ່ກັນນີ້ ສະມາຊິກພັກທຸກສະຫາຍພາຍໃນຫນ່ວຍ ທຄຕລ ຈົ່ງເອົາໃຈໃສ່ໃນການເສີມສ້າງຄວາມສາມັກຄີເປັນເອກະພາບພາຍໃນພັກໃຫ້ມີຄວາມຫນັກແຫນ້ນເຂັ້ມແຂງ, ປັບປຸງຝຶກຜົນຫລໍ່ຫລອມຕົນເອງໃຫ້ເປັນສະມາຊິກທີ່ດີເດັ່ນ ຍອມເສຍສະຫລະຕົນເອງເພື່ອປະເທດຊາດ ແລະ ປະຊາຊົນ, ອຸທິດຕົນຢ່າງສຸດກົກສຸດປາຍໃຫ້ແກ່ການປະຕິວັດອັນສູງສົ່ງຂອງພັກປະຊາຊົນປະຕິວັດລາວທີ່ມີກຽດສະຫງ່າ


ຂ່າວ-ພາບ: ນາລີວັນ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.