Header Ads

ແນວລາວຊ້າງຊາດ ແຂວງເຊກອງ ມອບເຄື່ອງຊ່ວຍເຫຼືອໃຫ້ເມືອງລະມາມ ແລະ ທ່າແຕງ




ເຊກອງ:  ໃນວັນທີ 3 ສິງຫາ 2017 ນີ້ ທີ່ຫ້ອງການແນວລາວສ້າງຊາດແຂວງເຊກອງ, ທ່ານ ຄຳໄມ ດວງກັນຍາ ປະທານ
 ແນວລາວສ້າງຊາດແຂວງ ໄດ້ມອບເຄື່ອງຊ່ວຍເຫຼືອປະເພດເຄື່ອງນຸ່ງຫົ່ມໃຫ້ເມືອງລະມາມ ແລະ ເມືອງທ່າແຕງ, ເມືອງລະ 70 ສອບຄິດເປັນມູນຄ່າ 90 ລ້ານກີບ.




ກ່າວຮັບຕາງໜ້າຄະນະພັກອໍານາດການປົກຄອງເມືອງທ່າແຕງ ໂດຍແມ່ນທ່ານ ລົດແກ້ວ ເພັງພູນສະຫວັດ ປະທານແນວລາວສ້າງຊາດເມືອງທ່າແຕງ ແລະ ຕາງໜ້າຄະນະພັກອໍານາດການປົກຄອງເມືອງ ລະມາມ ແມ່ນທ່ານ ວິໄຊ ຈິດຕະວົງ ຮອງປະທານແນວລາວສ້າງຊາດເມືອງລະມາມ ໂດຍຊ້ອງໜ້າພະນັກງານວິຊາການ ແລະ ຂະແໜງການກ່ຽວຂ້ອງເຂົ້າຮ່ວມເປັນສັກຂີພິຍານ.




ທ່ານ ຄຳໄມ ດວງກັນຍາ ກ່າວວ່າ: ເຄື່ອງທີ່ນຳມາມອບໃນຄັ້ງນີ້ ແມ່ນໄດ້ຮັບຈາກສູນກາງແນວລາວສ້າງຊາດຮ່ວມກັບອົງການພຸດທະສາດສາໜາສຳພັນລາວ ແລະ ມູນນິທິຊ່ວຍເຫຼືອປະຊາຊົນບັນດາເຜົ່າຜູ້ທຸກຍາກລະດົມໄດ້ຈາກສັງຄົມ ທັງນີ້ ກໍຍ້ອນຄວາມເປັນຫ່ວງເປັນໄຍຂອງພັກ ແລະ ລັດຖະບານ ກໍຄືສູນກາງແນວລາວສ້າງຊາດທີ່ມີຕໍ່ປະຊາຊົນຊາວແຂວງເຊກອງ. ໂອກາດດຽວກັນນີ້ ທ່ານ ລົດແກ້ວ ເພັງພູນສະຫວັດ ຕາງໜ້າໃຫ້ການນຳສອງເມືອງ ກໍຄືຕາງໜ້າປະຊາຊົນບັນດາເຜົ່າກໍໄດ້ກ່າວສະແດງຄວາມຂອບອົກຂອບໃຈມາຍັງສູນກາງແນວລາວສ້າງຊາດ ກໍ່ຄືປະທານແນວລາວສ້າງຊາດແຂວງເຊກອງ ທີ່ເປັນຫ່ວງເປັນໄຍຕໍ່ຄວາມສຸກ-ທຸກຂອງປະຊາຊົນ ແລະ ສັນຍາວ່າ ຈະນຳເອົາເຄື່ອງດັ່ງກ່າວໄປແຈກຢາຍໃຫ້ປະຊາຊົນ ຢ່າງທົ່ວເຖິງ.

ຂ່າວ-ພາບ : ສັນຍາ ແກ້ວໄຊຍະວົງ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


ກົດພາບອ່ານລາຍລະອຽດ ກົດພາບອ່ານລາຍລະອຽດ

No comments

Powered by Blogger.