Header Ads

ໜວ່ຍກຳມະບານຮາກຖານ ອຍກ-ຊກ ສຳເລັດກອງປະຊຸມໃຫ່ຍ ຄັ້ງທີ II



ກອງປະຊຸມໃຫ່ຍຄັ້ງທີ່ II ຂອງໜ່ວຍກຳມະບານຮາກຖານ ອົງການໄອຍາການປະຊາຊົນແຂວງ ເຊກອງ (ອຍກ-ຊກ) ໄດ້ໄຂຂຶ້ນ ແລະ ສຳເລັດລົງ ໃນວັນທີ 10 ສິງຫານີ້ ຢູ່ທີ່ຫ້ອງປະຊຸມອົງການດັ່ງກ່າວ, ເປັນກຽດເຂົ້າຮວ່ມຂອງ ທ່ານ ສຸວັນ ວິນາລັດ ຮອງປະທານສະຫະພັນກຳມະບານແຂວງ ເຊກອງ, ທ່ານ ປອ ສົມນິດ ສີລິບຸນລ້ຽງ ກໍາມະການພັກແຂວງ, ເລຂາຄະນະພັກຮາກຖານ ຫົວໜ້າອົງການໄອຍາການປະຊາຊົນແຂວງ ເຊກອງ, ມີອົງການຈັດຕັ້ງມະຫາຊົນ, ໜວ່ຍຮາກຖານກຳມະບານຂົງເຂດປົກປ້ອງກົດໝາຍອ້ອມຂ້າງແຂວງ ພອ້ມດ້ວຍສາມາຊິກກຳມະບານພາຍໃນອົງການດັ່ງກ່າວເຂົ້າຮວ່ມ.
ທ່ານ ແສງມະນີ ຕ່ອງບົວເກືອມ ປະທານໜ່ວຍກຳມະບານຮາກຖານ (ອຍກ-ຊກ )ໄດ້ລາຍງານການເຄື່ອນໄຫວຊີ້ນໍາ-ນໍາພາ ໜ່ວຍກໍາມະບານຮາກຖານອົງການໄອຍະການປະຊາຊົນແຂວງເຊກອງ ໃນໄລຍະ 3 ປີຜ່ານມາວ່າ: ຄະນະໜ່ວຍ ໄດ້ຖືເອົາວຽກງານການເມືອງແນວຄິດເປັນກົກ ເພື່ອສຶກສາອົບຮົມ ແລະ ຕໍານິສົ່ງຂ່າວຢ່າງເປັນປົກກະຕິ ເພື່ອເຮັດໃຫ້ສະມາຊິກກໍາມະບານ ກໍາແໜ້ນນະໂຍບາຍຂອງພັກ, ມີຄຸນທາດການເມືອງໜັກແໜ້ນ, ມີຄຸນສົມບັດສິນທໍາປະຕິວັດ, ມີຈັນຍາບັນທີ່ຖືກຕ້ອງ ແລະ ເປັບແບບຢ່າງໃນການເຄົາລົບປະຕິບັດລະບຽບກົດໝາຍ ດ້ວຍການເອົາບັນດາມະຕິຄໍາສັ່ງ, ຄໍາແນະນໍາ ແລະ ແຈ້ງການ ຕ່າງໆຂອງຂັ້ນເທິງມາເຜີຍແຜ່ ໃຫ້ເຊື່ອມຊຶມ ແລະຈັດຕັ້ງປະຕິບັດຢ່າງກວ້າງຂວາງ, ພ້ອມນັ້ນ ກໍ່ໄດ້ສຸມໃສ່ຈັດຕັ້ງປະຕິບັດຂໍ້ແຂ່ງຂັນ ຂອງອົງການຈັດຕັ້ງກໍາມະບານ ພ້ອມທັງຄັດເລືອກຜົນງານດີເດັ່ນປະຈໍາປີທຸກໆປີໃນກົມກອງ. 



ນອກນັ້ນ, ຍັງໄດ້ສຸມໃສ່ປະຕິບັດວຽກງານວິຊາສະເພາະ ສາມາດແກ້ໄຂຄະດີຕ່າງໆໃຫ້ບັນລຸ 95 % ຂຶ້ນໄປ ພ້ອມທັງປັບປຸງແບບແຜນວິທີເຮັດວຽກຂອງຕົນ, ຮັບປະກັນການແກ້ໄຂຄະດີໃຫ້ມີຄວາມວ່ອງໄວໂປ່ງໃສ ແລະ ມີຄວາມຍຸຕິທໍາ ເປັບແບບຢ່າງໃນການປະຕິບັດລະບຽບກົດໝາຍເຊັ່ນ ການຕິດຕາມກວດກາ ແລະ ການສັ່ງຟ້ອງຜູ້ຖືກຫາຂຶນສານ, ໄລຍະ 3 ປີຜ່ານມາ ໄດ້ຮັບສໍານວນຄະດີອາຍາທັງໝົດ 82 ເລື່ອງ ແລະໄດ້ແກ້ໄຂ ຈໍານວນ 81 ເລື່ອງ ໃນນີ້, ສັ່ງຟ້ອງຂຶ້ນສານ 26 ເລື່ອງ, ຊັດມ້ຽນ 18 ເລື່ອງ, ສົ່ງເຈົ້າໜ້າທີ່ 35 ເລື່ອງ, ອອກຄໍາສັ່ງໂຈະ 2 ເລື່ອງ, ປະຈຸບັນຍັງຄ້າງ 1 ເລື່ອງ. ສໍາລັບຄະດີແພ່ງມີ 3 ເລື່ອງ ເຊິ່ງສາມາດແກ້ໄຂໄດ້ທັງໝົດ. 



ຂະນະດຽວກັນກອງປະຊຸມກໍ່ໄດ້ເປັນເອກະສັນກັນ ປ່ອນບັດຄັດເລືອກເອົາ ຄະນະໜ່ວຍຊຸດໃຫ່ມ ເຊິ່ງປະກອບມີບຸກຄະລາກອນຜູ້ທີ່ມີມາດຖານເງື່ອນໄຂຄົບຖວ້ນ ລົງຮັບສະໜັກໃນຄັ້ງນີ້ 5 ສະຫາຍ, ເລືອກເອົາ 3 ສະຫາຍ, ໃນນີ້ເຫັນດີເລືອກເອົາສະຫາຍ ແສງມະນີ ຕ່ອງບົວເກືອມ ເປັນປະທານໜ່ວຍ, ສະຫາຍ ນາງ ສົມສະໜຸກ ຍາດຕິວົງ ເປັນຮອງປະທານ ແລະ ເຫັນດີເລືອກເອົາສະຫາຍ ກຸຫຼາບທອງ ເພັງອຸໄທ ເປັນຄະນະ ທັງເປັນປະທານກວດກາໜ່ວຍກຳມະບານຮາກຖານ ອົງການໄອຍາການປະຊາຊົນແຂວງເຊກອງ ຊຸດໃຫ່ມ ເພື່ອສືບຕໍ່ຊີ້ນຳ-ນຳພາວຽກງານດັ່ງກ່າວ ໃຫ້ດີຂຶ້ນກວ່າເກົ່າ.



ໃນໂອກາດດຽວກັນນີ້ ທ່ານ ສຸວັນ ວິນາລັດ ຮອງປະທານສະຫະພັນກຳມະບານແຂວງເຊກອງ ກໍໄດ້ເນັ້ນໜັກໃຫ້ຄະນະໜ່ວຍຮາກຖານກຳມະບານ (ອຍກ-ຊກ) ຊຸດໃຫ່ມ ສືບຕໍ່ເອົາໃຈໃສ່ສຶກສາອົບຮົມແນວຄິດ-ການເມືອງ ໃຫ້ສາມາຊິກຂອງຕົນເປັນປົກກະຕິ ແລະ ຊີ້ນຳ-ນຳພາສາມາຊິກ ເອົາໃຈໃສ່ປະຕິບັດຕາມສິດ ແລະ ໜ້າທີ່ຂອງຕົນຢ່າງຕັ້ງໜ້າ ເພື່ອປົກປອ້ງສິດຜົນປະໂຫຍດອັນຊອບທຳຂອງກຳມະກອນລາວ, ຊາວຜູ້ອອກແຮງງານລາວບັນດາເຜົ່າ ຕິດພັນກັບການປະຕິບັດຂໍ້ແຂ່ງຂັນ 5 ເປັນເຈົ້າຂອງສູນກາງກຳມະບານລາວວາງອອກ ໃຫ້ເປັນຂະບວນຟົດຟື້ນ.


ຂ່າວ-ພາບ: ນາລີວັນ/ຂ່າວແຂວງເຊກອງ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


ກົດພາບອ່ານລາຍລະອຽດ ກົດພາບອ່ານລາຍລະອຽດ

No comments

Powered by Blogger.