Header Ads

ສຕລ ກຽມຈັດການແຂ່ງຂັນຟຸດຊໍລີກ ເດືອນກັນຍານີ້

- ອີງຕາມ: ການຕົກລົງເຫັນດີຂອງ ຄະນະປະທານສະຫະພັນບານເຕະແຫ່ງຊາດລາວ.
- ອີງຕາມ: ແຜນການເຄື່ອນໄຫວພັດທະນາບານເຕະຟຸດຊໍ ຂອງສະຫະພັນບານເຕະແຫ່ງຊາດປີ 2017.
   ສະຫະພັນບານເຕະແຫ່ງຊາດລາວ ມີຄວາມຍິນດີແຈ້ງເຖິງບັນດາສະໂມສອນບານເຕະຟຸດຊໍທີ່ສົນໃຈຢາກຈະເຂົ້າຮ່ວມແຂ່ງຂັນຟຸດຊໍລີກ ( 5 ຄົນ ) Lao Futsal League 2017 ເຊິ່ງຈະເລີ່ມແຂ່ງຂັນ ວັນທີ 9 ກັນຍາ ປີ 2017 ເປັນຕົ້ນໄປຢູ່ທີ່ເດີ່ນຮົ່ມຂອງ ສະຫະພັນບານເຕະແຫ່ງຊາດລາວ ( ບ້ານຫ້ວຍຫົງ ). ເພື່ອເປັນການພັດທະນາບານເຕະຟຸດຊໍໃຫ້ມີຄວາມກ້າວໜ້າ ແລະ ເພື່ອສັນຫານັກກິລາຜູ້ທີ່ມີພອນສະຫວັນ ແລະ ຄວາມສາມາດບັນຈຸເຂົ້າຝຶກແອບນັກກິລາທີມຊາດ ເພື່ອກະກຽມເຂົ້າຮ່ວມແຂ່ງຂັນຟຸດຊໍຊິງແຊັມອາຊ້ຽນ ທີ່ປະເທດຫວຽດນາມ ໃນທ້າຍປີນີ້.

   ສໍາລັບ ເງື່ອນໄຂຂອງທີມທີ່ຈະເຂົ້າຮ່ວມແຂ່ງຂັນ ມີດັ່ງນີ້:
- ການແຂ່ງຂັນລາຍການນີ້ບໍ່ໃຫ້ນັກກິລາທີ່ເຂົ້າຮ່ວມແຂ່ງຂັນ ລາວພຣີເມຍລີກ ປະຈຳປີ 2017 ເຂົ້າຮວ່ມແຂ່ງຂັນຢ່າງເດັດຂາດ. ແຕ່ລະດັບສາຍ ກໍ ແລະ ອື່ນໆ ສາມາດເຂົ້າຮ່ວມແຂ່ງຂັນໄດ້.
- ຄ່າສະໝັກ 500,000 ກີບ/ທີມ (ຫ້າແສນກີບ) 
- ສະໂມສອນທີ່ເຂົ້າຮ່ວມ ແລະ ປະຕິບັດຕາມກົດລະບຽບຈະໄດ້ຮັບເງິນອຸດໜູນທີມ 1,000,000 ກີບ.
- ທີມທີ່ໄດ້ເຂົ້າຮ່ວມຈະໄດ້ຮັບ ຫມາກບານຟຸດຊໍ ທີມລະ 5 ໜ່ວຍ.
- ເປີດຮັບສະໝັກຕັ້ງແຕ່ມື້ນີ້ຈົນເຖິງວັນທີ 31/08/2017 ເວລາ 16,00 ໂມງ.
- ລາຍລະອຽດ: ມາຕິດຕໍ່ເອົາແບບຟອມໃບສະຫມັກ ແລະ ລົງທະບຽນນັກກິລາທີ່ ສະຫະພັນບານເຕະແຫ່ງຊາດລາວ ວັນຈັນ ເຖິງ ວັນສຸກ ໃນໂມງລັດຖະການ ທີ່ໜ່ວຍງານຟຸດຊໍ ໂທ: 020 78575554, 55411932, E-mail: futsal-bsoccer@laoff.org.la, duke.khampasong@gmail.com, ແລະ ສາມາດດາວໂຫລດແບບຟອມໄດ້ທີ່ເວບໄຊ: www.laoff.org.la 




------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com







ກົດພາບອ່ານລາຍລະອຽດ

No comments

Powered by Blogger.