Header Ads

ອົງການໄອຍະການປະຊາຊົນແຂວງສາລະວັນໄດ້ຢັ້ງຢືນເປັນໜ່ວຍພັກແຂງ-ຮູ້ນຳພາຮອບດ້ານຄັ້ງທີ VI


ໜ່ວຍພັກອົງການໄອຍະການປະຊາຊົນ ແຂວງສາລະວັນໄດ້ຮັບໃບຢັ້ງຢືນເປັນໜ່ວຍພັກແຂງຮູ້ນໍາພາຮອບດ້ານເປັນຄັ້ງທີ VI ຕໍ່ເນື່ອງປະຈຳປີ 2016 ເຊິ່ງພິທີດັ່ງກ່າວໄດ້ໄຂຂຶ້ນໃນວັນທີ 4 ສິງຫາ 2017ຢູ່ທີ່ຫ້ອງປະຊຸມຂອງຕົນໃຫ້ກຽດເຂົ້າຮ່ວມໂດຍທ່ານ ຄຳຈັນ ແຈ່ມສະໝອນ, ຄະນະປະຈຳພັກແຂວງ, ປະທານກວດກາພັກ-ລັດແຂວງສາລະວັນ, ທ່ານ ຄຳປຸນ ອະໄພຈິດ ຮອງປະທານອົງການໄອຍະການປະຊາຊົນແຂວງ ແລະແຂກຖືກເຊີນຈາກກຸ່ມປົກປ້ອງກົດໝາຍອ້ອມຂ້າງແຂວງ, ພ້ອມດ້ວຍສະມາຊິກພັກພາຍໃນເຂົ້າຮ່ວມ.


ທ່ານ ຄຳປຸນ ອະໄພຈິດ ຮອງເລຂາໜ່ວຍພັກ, ຮອງປະທານອົງການໄອຍະການປະຊາຊົນ ແຂວງສາລະວັນ ໄດ້ຜ່ານບົດສະຫລຸບຕີລາຄາການນຳພາຮອບດ້ານປີ 20136 ວາງທິດທາງແຜນການ ປີ 2017ສະແດງໃຫ້ເຫັນການນຳພາຂອງພະນັກງານສະມາຊິກພັກມີຄວາມໜັກແໜ້ນເຂັ້ມແຂງ, ເປັນແບບຢ່າງທີ່ດີໃຫ້ແກ່ມະຫາຊົນ ມີແນວຄິດອຸ່ນອ່ຽນທຸ່ນທ່ຽງ ເຊື່ອໝັ້ນຕໍການນຳພາຂອງພັກ, ມີຄວາມເປັນເອກະພາບຕໍ່ແນວທາງປ່ຽນແປງໃໝ່, ຮູ້ຈຳແນກມິດ ແລະສັດຕູ, ເອົາໃຈໃສ່ກໍ່ສ້າງ ແລະປັບປຸງພັກໃຫ້ປອດໃສ-ເຂັ້ມແຂງ ແລະໜັກແໜ້ນ. ການປະຕິບັດສ້າງໜ່ວຍພັກແຂງ-ຮູ້ນຳພາຮອບດ້ານ, ແມ່ນໄດ້ປະຕິບັດຕາມ 5 ມາດຖານດ້ວຍການເຜີຍແຜ່ເຊື່ອມຊຶມແນວທາງນະໂຍບາຍຂອງພັກມະຕິຄຳສັ່ງ ແລະບັນດາເອກະສານຕ່າງໆທີ່ສຳຄັນຂອງພັກ, ຂອງຊາດ, ປັບປຸງລະບົບການບໍລິຫານລັດໃຫ້ຈະແຈ່ງ, ເຮັດວຽກໃຫ້ມີແຜນການ, ມີການຕິດຕາມກວດກາ, ສະຫຼຸບຕີລາຄາດ້ານດີ-ດ້ານອ່ອນ ແລະ ຂໍ້ຄົງຄ້າງ, ໄດ້ມີການກຳນົດພາລະບົດບາດ ແລະ ກຳນົດຕຳແໜ່ງງານນັບແຕ່ຂັ້ນແຂວງລົງຮອດຂັ້ນເມືອງ ແລະ ກຸ່ມບ້ານກໍ່ມີຜົນສຳເລັດ.




ຈາກນັ້ນໃນພິທີກໍ່ໄດ້ມີການມອບໃບຢັ້ງຢືນເປັນໜ່ວຍພັກແຂງ-ຮູ້ນຳພາຮອບດ້ານເປັນຄັ້ງທີ VI ມອບໂດຍທ່ານ ຄຳຈັນ ແຈ່ມສະໝອນ, ຄະນະປະຈຳພັກແຂວງ, ປະທານກວດກາພັກ-ລັດແຂວງສາລະວັນ, ຮັບໂດຍ ທ່ານ ຄຳປຸນ ອະໄພຈິດ ຮອງປະທານອົງການໄອຍະການປະຊາຊົນແຂວງສາລະວັນ.





ທີ່ມາ: ໜັງສືພິມ ສາລະວັນ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


ກົດພາບອ່ານລາຍລະອຽດ ກົດພາບອ່ານລາຍລະອຽດ

No comments

Powered by Blogger.