Header Ads

ການເງິນເມືອງ ທ່າແຕງ ເຜີ່ຍແຜ່ 10 ຂໍ້ຫ້າມຂອງກະຊວງການເງິນໃຫ້ພະນັກງານໃນກົມກອງ.



ກອງປະຊຸມຜັນຂະຫຍາຍເນື້ອໃນການຄຸ້ມຄອງງົບປະມານ- ການເງິນ ເມືອອງທ່າແຕງ ແຂວງເຊກອງໄດ້ມີຂື້ນວັນທີ 8 ສິງຫາ 2017 ນີ້, ທີ່ຫ້ອງປະຊຸມຫ້ອງການ-ການເມືອງດັ່ງກ່າວ, ໂດຍພາຍໃຕ້ເປັນປະທານຂອງທ່ານ ທອນສົມມັກ ຈັນທະສີດາ ຫົວໜ້າພະແນກການເງິນແຂວງ ເຊກອງ, ມີທ່ານ ສົມພຽນ ບຸດຕະລາດ ເລຂາຄະນະພັກຮາກຖານ ຫົວໜ້າຫ້ອງການ-ການເງິນເມືອງ ທ່າແຕງ, ມີບັນດາຂະແໜ່ງການກ່ຽວຂ້ອງ ພ້ອມດ້ວຍພະນັກງານ-ລັດຖະກອນພາຍໃນກົມກອງ ເຂົ້າຮ່ວມ.

ທ່ານ ຄໍາປານ ພິມມະເສນ ຮອງຫົວໜ້າຫ້ອງການບໍລິຫານ-ຈັດຕັ້ງພະນັກງານ ພະແນກການເງິນແຂວງ ເຊກອງ ໄດ້ຜ່ານຂໍ້ຕົກລົງ, ສະບັບເລກທີ 1124/ກງ, ລົງວັນທີ 10 ເມສາ 2017 ວ່າດ້ວຍຂໍ້ຫ້າມ ແລະ ວິໄນຂອງພະນັກງານ-ລັດຖະກອນ ຂະແໜ່ງການເງິນ ລວມມີ 10 ຂໍ້ຫ້າມ, ໂດຍສະເພາະ ຫ້າມສ້າງ ແລະ ລາຍງານຂໍ້ມູນທີ່ບໍ່ຖືກຕ້ອງ ຫຼື ບໍ່ມີມູນຄວາມຈິງ; ຫ້າມສົມຮູ້ຮ່ວມຄິດ, ປົກປ້ອງ, ເຊື່ອງອໍາການກະທໍາຜິດຂອງຜູ້ລະເມີດກົດໝາຍ, ລະບຽບການກ່ຽວກັບພາສີ, ສວຍສາອາກອນ, ຊັບສິນຂອງລັດ, ທີ່ດິນ, ງົບປະມານຂອງລັດ, ກົດໝາຍ, ລະບຽບການອື່ນຂອງຂະແໜ່ງການເງິນ; ຫ້າມສ້າງຄວາມຫຍຸ້ງຍາກ,ຖ່ວງດຶງ, ແກ່ຍາວເວລາຄົ້ນຄ້ວາ, ແກ້ໄຂເອກະສານຕ່າງໆ ເພື່ອທວງເອົາ, ຂໍເອົາສວນແບ່ງໂດຍທາງກົງ ແລະ ທາງອ້ອມ; ຫ້າມເປັນນາຍໜ້າ, ເປັນທີ່ປຶກສາບັນຊີ, ຫົວໜ້າບັນຊີໃຫ້ແກ່ການເຄື່ອນໄຫວທຸລະກິດ, ສ້າງເງື່ອນໄຂອໍານວຍຄວາມສະດວກໃຫ້ແກ່ບຸກຄົນ, ນິຕິບຸກຄົນ ທີ່ຜິດຕໍ່ກົດໝາຍ, ລະບຽບການ; ຫ້າມປອມແປງເອກະສານ,ຖານຂໍ້ມູນ,ໃບຮັບເງິນອາກອນ, ພາສີ, ຊັບສິນ, ຄັງເງິນ, ນໍາໃຊ້ເອກະສານປອມແປງ; ຫ້າມປົກປິດ, ສົມຮູ້ຮ່ວມຄິດເຊື່ອງອໍາຂໍ້ມູນ, ຫຼັກຖານ ຫຼື ບົດລາຍງານການເງິນ; ຫ້າມໃຫ້ສິນບົນແກ່ຜູ້ອື່ນ, ຮັບສິນບົນ, ທວງເອົາ, ຂໍເອົາສ່ວນແບ່ງ (ເປີເຊັນ) ເປັນວັດຖຸ, ເງິນຄໍາ ໃນທຸກຮູບແບບຈາກນັກທຸລະກິດ ແລະ ຜູ້ປະກອບການອື່ນໆ; ຫ້າມຍັກຍອກ,ສໍ້ໂກງ ເອົາຊັບສິນ, ເງິນຄໍາຂອງລັດ, ລວມໝູ, ຂອງປະຊາຊົນ, ນໍາໃຊ້ງົບປະມານ, ຊັບສິນຂອງລັດ, ລວມໝູ່ ຫຼື ປຸກລະດົມການອຸປະຖໍາໃນຮູບແບບຕ່າງໆ ເພື່ອເອົາໄປເຮັດຂອງຂັວນຂອງຕ້ອນ; ຫ້າມສວຍໃຊ້ໜ້າທີ່ໃນການຕົກລົງ, ປອມແປງມາດຖານເຕັກນິກ, ບໍລິມາດ, ລາຄາຫົວໜ່ວຍການປະມູນ, ການຈັດຊື້-ຈັດຈ້າງ, ສັນຍາສໍາປະທານ, ສັນຍາຮ່ວມມື, ໜັງສື່ຄໍ້າປະກັນ, ການເຊົ່າກິດຈະການ, ຊັບສິນ, ລົງລາຍເຊັນຢັ້ງຢືນເອກະສານທີ່ບໍ່ມີຕົວຕົນ, ເອກະສານລັດຖະການອື່ນໆ; ຫ້າມປະຕິເສດຕໍ່ຂໍ້ຕົກລົງກ່ຽວກັບການມອບໝາຍໜ້າທີ່, ຊັບຊ້ອນວຽກງານເພື່ອຫາຜົນປະໂຫຍດສ່ວນຕົວ, ຄອບຄົວ, ຍາດພີ່ນ້ອງ, ຈຸ້ມເຈື້ອ, ພັກພວກ ຫຼື ໝູ່ຄະນະຢ່າງເຂັ້ມງວດ, ພ້ອມນີ້ ຍັງໄດ້ຮັບຟັງບົດສະຫຼຸບລາຍຮັບ-ລາຍຈ່າຍໃນ 6 ເດືອນຕົ້ນປີ, ເອກະສານຄໍາສັ່ງເລກທີ 09/ນຍ, ລົງວັນທີ 19 ພຶດສະພາ 2017 ວ່າດ້ວຍການປະຢັດລາຍຈ່າຍງົບປະມານຂອງລັດຕື່ມອີກ.


ໂອກາດດັ່ງກ່າວນີ້ ທ່ານ ທອນສົມມັກ ຈັນທະສີດາ ເລຂາຄະນະພັກຮາກຖານ ຫົວໜ້າພະແນກການເງິນແຂວງເຊກອງ ໄດ້ໂອ້ລົມ ແລະ ເນັ້ນຫ້ອງການການເງິນ ເມືອງທ່າແຕງ ແກ້ໄຂບັນຫາວຽກງານໃນຂະແໜ່ງການເງິນ ໃຫ້ມີຄວາມຄ່ອງຕົວຂື້ນກວ່າເກົ່າ, ເອົາໃຈໃສ່ປະຕິບັດ 10 ຂໍ້ຫ້າມຂອງພະນັກງານ-ລັດຖະກອນໃຂຂະແໜ່ງການເງິນ ຕິດພັນກັບທຸກມະຕິ, ຄໍາສັ່ງຂອງຂັ້ນເທິງວາງອອກໃຫ້ໄດ້ຮັບຜົນດີ,ຍົກສູງຄວາມຮັບຜິດຊອບຕໍ່ໜ້າທີ່ການເມືອງ, ຄວາມເປັນແບບຢ່າງຂອງພະນັກງານລັດຖະກອນ, ການຄຸ້ມຄອງ, ລະບຽບວິໄນ, ຈັນຍາບັນ, ຈັນຍາທໍາ, ນໍ້າໃຈຮັບໃຊ້ຊາດ, ຮັບໃຊ້ປະຊາຊົນ, ຍົກສູງບົດບາດ, ຄວາມສາມາດ, ສະກັດກັ້ນຕ້ານພະຍາດອາດຍາສິດ, ປະກົດການຫຍໍ້ທໍ້ຕ່າງໆ, ເພື່ອຮັບປະກັນໃຫ້ພະນັກງານ, ການຈັດຕັ້ງຂັ້ນຕ່າງໆຂອງຂະແໜ່ງການເງິນມີຄວາມໂປ່ງໃສ່, ເຂັ້ມແຂງ, ໜັກແໜ້ນ, ໃນການປະຕິບັດກົດໝາຍ ແລະ ລະບຽບການທີ່ກ່ຽວຂ້ອງຂອງຂະແໜ່ງການເງິນວາງອອກຢ່າງເຂັ້ມງວດ.


ຂ່າວ-ພາບ: ພອນ ບຸນອຸທິດ 020 5632 8844 
(ຂ່າວແຂວງເຊກອງ)

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


ກົດພາບອ່ານລາຍລະອຽດ ກົດພາບອ່ານລາຍລະອຽດ

No comments

Powered by Blogger.