Header Ads

ໜີບໍ່ລອດ ໂຈນດຶງກະເປົ໋າຕາມເສັ້ນທາງ ຖືກເຈົ້າໜ້າທີ່ກັກຕົວ



ເຈົ້າໜ້າທີ່ ປກສ ເມືອງສີສັດຕະນາກ ນະຄອນຫຼວງວຽງຈັນ ໄດ້ເຂົ້າ ຈັບທ້າວ ສາຍທະວີສອນ ຫຼື ແໜ່ງ ອາຍຸ 30 ປີ ແລະ ທ້າວ ອາດສະ ພັງທອງ ຫຼື ສີອຸ້ຍ ອາຍຸ 30 ປີ ຢູ່ບ້ານທົ່ງພານທອງ ທັງສອງຢູ່ເມືອງ ສີນາກ ນະຄອນ ຫຼວງວຽງຈັນ ທີ່ຮ່ວມກັນກໍ່ເຫດຊິງຊັບຂອງພົນລະ ເມືອງ ( ດຶງກະເປົ໋າ ) ຂອງຍິງສາວຢູ່ເສັ້ນທາງເສັ້ນທາງຮ່ອມບ້ານໂພນສີ ນວນ ໃກ້ກັບກົງສູນໄທ ເມືອງສີສັດຕະນາກ. ໃນເວລາປະມານ 13:00 ໂມງຂອງ ວັນທີ 6 ສິງຫາ 2017 ເຮັດໃຫ້ຜູ້ຍິງທີ່ເສຍຫາຍໄດ້ບາດເຈັບ ຫຼາຍສົມຄວນ ໂດຍຖືກຄົນຮ້າຍດຶງລາກໄປຕາມເສັ້ນທາງຫຼາຍແມັດ. ຈົນມີຄລິບອອກ ເຜີຍແຜ່ກາຍເປັນຂ່າວໃນສື່ອອນລາຍ.

ຈາກເຫດການດັ່ງກ່າວ, ເຈົ້າໜ້າທີ່ວິຊາສະເພາະໄດ້ລົງຕິດຕາມເກັບ ກໍາຂໍ້ມູນຫຼັກຖານ. ຈາກນັ້ນ, ພຽງແຕ່ 3 ວັນ ກໍສາມາດກັກຕົວພວກ ກ່ຽວໄດ້ 2 ຄົນ ພ້ອມລົດຈັກທີ່ໃຊ້ກໍ່ເຫດຊິງຊັບ. ຜ່ານການກວດຄົ້ນ ຫ້ອງຂອງພວກກ່ຽວ ພົບຂອງກາງກະເປົ໋າພາຍຂອງຜູ້ຖືກຊິງຊັບມາ ຫຼາຍສິບໜ່ວຍ, ເຊິ່ງຜ່ານການສອບສວນຂອງເຈົ້າໜ້າທີ່ໃນເບື້ອງ ຕົ້ນຮູ້ວ່າ: ພວກກ່ຽວເຄີຍກໍ່ເຫດຊິງຊັບມາແລ້ວບໍ່ຕໍ່າກວ່າ 20 ຄັ້ງ.

ປັດຈຸບັນ, ເຈົ້າໜ້າທີ່ ປກສ ໄດ້ກັກພວກກ່ຽວໄວ້ຢູ່ຄ້າຍຄຸມຂັງ ເພື່ອ ສືບສວນ-ສອບສວນ ສະຫຼຸບສຳນວນຄະດີສົ່ງໃຫ້ສານຕັດ ສິນຕາມ ຂັ້ນຕອນຂອງກົດໝາຍ.

ເຖິງຢ່າງໃດກໍດີ, ບັນດາຜູ້ຂັບຂີ່ລົດຈັກ ກ່ອນຈະອອກຈາກເຮືອນ ໄປ-ມາ ກໍຄວນມີສະຕິລະມັດລະວັງຕົວຂຶ້ນຕື່ມ ໂດຍສະເພາະແມ່ຍິງ ເວລາຂີ່ລົດຈັກໄປຕາມເສັ້ນທາງ ບໍ່ຄວນພາຍກະເປົ໋າ ແບບເປິດແປນ ເກີນໄປ, ຄວນພາຍກະເປົ໋າກອນ ແລ້ວຈຶ່ງນຸ່ງເສື້ອໃຫຍ່ປົກຄຸມ ເພື່ອ ປ້ອງກັນບໍ່ໃຫ້ມີຊ່ອງຫວ່າງຂອງພວກຄົນບໍ່ດີ ຫຼື ອີກຢ່າງໜຶ່ງ ບໍ່ຄວນ ພົກພາສິ່ງຂອງທີ່ມີຄ່າໃສ່ກະເປົ໋າຫຼາຍເກີນໄປ ເພື່ອຫຼີກລ່ຽງຄວາມ ເສຍຫາຍ ຕົວຢ່າງໃນກໍລະນີເຫດການທີ່ກ່າວມາຂ້າງເທິງນັ້ນ.
( ສຳລັບພໍ່-ແມ່ປະຊາຊົນທ່ານໃດທີ່ສົງໄສວ່າຖືກ 2 ຄົນໃນຮູບພາບນີ້ ດຶງກະເປົາໃຫ້ໄປພົວພັນກັບເຈົ້າໜ້າທີ່ ປກສ ເມືອງສີສັດຕະນາກ ເພື່ອແຈ້ງຄວາມເພີ່ມກ່ຽວກັບເຄື່ອງຂອງເສຍຫາຍ)

   ຂອບໃຈຂໍ້ມູນ: ຫນັງສືພິມຄວາມສະຫງົບ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


ກົດພາບອ່ານລາຍລະອຽດ

No comments

Powered by Blogger.