Header Ads

ເປີດການສ້າງຕັ້ງ ກຸ່ມແມ່ຍິງນັກການທູດອາຊຽນ ທີ່ນະຄອນຫລວງວຽງຈັນ


​ວັນ​ທີ 01 ສິງຫາ 2017 ນີ້ ທີ່​ນະຄອນ​ຫລວງ​ວຽງ​ຈັນ ສະຫະພັນ​ແມ່ຍິງ​ ກະຊວງ​ການ​ຕ່າງປະ​ເທດ ​ໄດ້​ຈັດ​ພິທີ​ເປີດ​ການ​ສ້າງ​ຕັ້ງ ​ກຸ່ມ​ແມ່​ຍິງ​ນັກ​ການ​ທູດ​ອາ​ຊຽນ ທີ່​ນະຄອນຫລວງ​ວຽງ​ຈັນ (ກຍອວ) ຢ່າງ​ເປັນ​ທາງ​ການ ​ໂດຍ​ການ​ເປັນ​ປະທານ​ ຂອງ​ທ່ານ ນາງ ອາ​ລຸ​ນີ ກົມມະ​ສິດ ພັນ​ລະ​ຍາ​ທ່ານ​ລັດຖະມົນຕີ​ ກະຊວງ​ການ​ຕ່າງປະ​ເທດ, ປະທານ​ກິ​ດຕິ​ມະ​ສັກ ​ສະຫະພັນ​ແມ່ຍິງ ກະຊວງ​ການ​ຕ່າງປະ​ເທດ ທັງ​ເປັນ​ປະທານ​ກິ​ຕິ​ມະ​ສັກ ​ກຸ່ມ​ແມ່ຍິງ​ນັກ​ການ​ທູດ​ອາ​ຊຽນ ທີ່​ນະຄອນຫລວງ​ວຽງ​ຈັນ ​ໃຫ້​ກຽດ​ເຂົ້າ​ຮ່ວມ​ມີ​ທ່ານ ປ້າ ນາລີ ສີ​ສຸ​ລິດ ພັນ​ລະ​ຍາ​ທ່ານ​ນາຍົກລັດຖະມົນຕີ, ທ່ານ​ ສະ​ເຫລີ​ມ​ໄຊ ກົມມະ​ສິດ ລັດຖະມົນຕີ​ ກະຊວງ​ການ​ຕ່າງປະ​ເທດ, ທ່ານ ນາງ ອິນ​ລາ​ວັນ ​ແກ້ວ​ບຸນ​ພັນ ປະທານ​ສູນ​ກາງ ​ສະຫະພັນ​ແມ່ຍິງ​ລາວ, ມີ​ບັນດາ​ເອກ​ອັກຄະ​ລັດຖະທູດ ​ອາ​ຊຽນປະຈຳ ສປປ ລາວ ​ແລະ ​ບັນດາ​ນັກ​ການ​ທູດ​ຍິງ​ ຈາກ​ສະຖານທູດ​ອາ​ຊຽນ ພ້ອມ​ດ້ວຍ​ເອື້ອຍ​ນ້ອງ​ແມ່ຍິງ​ ຈາກ​ກະຊວງ​ການ​ຕ່າງປະ​ເທດ​ ເຂົ້າ​ຮ່ວມ.


ການ​ສ້າງ​ຕັ້ງ​ກຸ່ມ​ແມ່ຍິງ​ ນັກ​ການ​ທູດ​ອາ​ຊຽນ ​ເພື່​ອ​ເຮັດ​ໃຫ້​ແມ່ຍິງ​ ນັກ​ການ​ທູດ​ອາ​ຊຽນ ​ໄດ້​ມີ​ການ​ເຄື່ອນ​​ໄຫວ​ກິດຈະກຳ​ ທາງ​ສັງຄົມ​ຮ່ວມ​ກັນ ​ແນ່​ໃສ່​ສົ່ງ​ເສີມ​ຄວາມ​ສາມັກ​ຄີ, ການ​ຮ່ວມ​ມື ​ແລະ ການ​ສ້າງ​ຄວາມ​ເຂົ້າ​​ໃຈ ​ເຊິ່ງກັນ ​ແລະ ກັນ, ​ເປັນ​ຕົ້ນ​ ແມ່ນ​ການ​ແລກປ່ຽນ​ວັດທະນະທຳ ​ທີ່​ແຕກ​ຕ່າງ​ກັນ ​ແລະ ການ​ຮ່ວມ​ກິດຈະກຳ​ ເພື່ອ​ຊ່ວຍ​ເຫລືອ​ສັງຄົມ ​ເພື່ອ​ປະກອບສ່ວນ​ໃຫ້​ແກ່​ ການ​ສ້າງ​ຄວາມ​ເຂັ້ມ​ແຂງ ​ແລະ ​ເຮັດ​ໃຫ້​ອາ​ຊຽນ ກ້າວ​ໄປ​ສູ່​ການ​ເປັນ​ປະຊາ​ຄົມ ທີ່​ມີ​ປະຊາຊົນ​ເປັນກາງ, ມີ​ສະຖຽນ​ລະ​ພາບ ​ແລະ ຄວາມ​ໝັ້ນຄົງ​ໃນ​ການ​ເຊື່​ອມ​ໂຍງ​ ທາງ​ດ້້ານ​​ເສດຖະກິດ ​ແລະ ການ​ເຊື່ອມ​ຕໍ່.

ທ່ານ ນາງ ພິມ​ພາ ​ແກ້ວ​ມີ​ໄຊ ປະທານ​ສະຫະພັນ​ແມ່ຍິງ​ ກະຊວງ​ການ​ຕ່າງປະ​ເທດ ​ໄດ້​ຂຶ້ນ​ສະ​ເໜີ​ໂຄງ​ປະກອບ​ ການຈັດ​ຕັ້ງຂອງ ກຍອວ; ຫລັງ​ຈາກ​ນັ້ນ ທ່ານ ນາງ ​ເບ​ລິນ​ດາ ມາລີ​ອາ​ໂນ ອັນ​ເຕ ​ເອກ​ອັກຄະ​ລັດຖະທູດ ​ຟີ​ລິບ​ປິນ ປະຈຳ ສປປ ລາວ ​ແລະ ​ທ່ານ ນາງ ອາ​ລຸ​ນີ ກົມມະ​ສິດ ​ໄດ້​ໃຫ້​ກຽດ​ມີ​ຄຳ​ເຫັນ ​ເຊິ່ງ​ໄດ້​ເນັ້ນ​ເຖິງ​ບົດບາດ​ຂອງ​ແມ່ຍິງ ​ນັກ​ການ​ທູດ​ອາ​ຊຽນ ​ແລະ ຮຽກຮ້ອງ​ສະມາຊິກກຸ່ມ ກຍອວ ຈົ່ງ​ພ້ອມ​ກັນ​ ມີ​ຫົວຄິດ​ປະດິ​ດສ້າງ ປະກອບສ່ວນ​ເຂົ້າ​ໃນ​ການ​ເຄື່ອນ​ໄຫວ ​ກິດຈະກຳ​ຂອງ ກຍອວ ​ໃຫ້​ໄດ້​ຮັບ​ຜົນສຳ​ເລັດ​ໃນ​ຕໍ່ໜ້າ.

ທີ່ມາ: ຂປລ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com
ກົດພາບອ່ານລາຍລະອຽດ

ກົດພາບອ່ານລາຍລະອຽດ

No comments

Powered by Blogger.