Header Ads

ຍ່າງເພື່ອສຸຂະພາບສະຫລອງວັນສ້າງຕັ້ງອາຊຽນຄົບຮອບ 50 ປີ


ພິທີຍ່າງເພື່ອສຸຂະພາບແຕ່ປະຕູໄຊຫາຫໍຄໍາແລ້ວກັບຄືນປະຕູໄຊ ເພື່ອສະເຫລີມສະຫລອງວັນສ້າງຕັ້ງອາຊຽນຄົບຮອບ 50 ປີ (8 ສິງຫາ1967-8 ສິ່ງຫາ 2017) ແລະ ຄົບຮອບ 20 ປີທີ່ ສປປ ລາວ ເຂົ້າເປັນສະມາຊິກອາຊຽນ (23 ກໍລະກົດ 1997-23 ກໍລະກົດ 2017) ໄດ້ຈັດຂຶ້ນໃນເຊົ້າວັນທີ 12 ສິງຫານີ້, ໂດຍການໃຫ້ກຽດເຂົ້າຮ່ວມຂອງທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ, ມີບັັນດາລັດຖະມົນຕີ, ທູຕານຸທູດ, ອົງການຈັດຕັ້ງສາກົນ, ພ້ອມດ້ວຍມວນຊົນຊາວນະຄອນຫລວງວຽງຈັນເຂົ້າຮ່ວມຢ່າງເປັນຂະບວນຟົດຟື້ນ.

ທ່ານ ສະເຫລີມໄຊ ກົມມະສິດ ລັດຖະມົນຕີກະຊວງການຕ່າງປະເທດ ກ່າວວ່າ: ຕະຫລອດໄລຍະ 50 ປີຜ່ານມາ, ອາຊຽນໄດ້ມີຜົນສໍາເລັດໃນຫລາຍດ້ານ ແລະ ນັບແຕ່ ສປປ ລາວ ເຂົ້າເປັນສະມາຊິກອາຊຽນແມ່ນ ໄດ້ເອົາໃຈໃສ່ເຄື່ອນໄຫວວຽກງານອາຊຽນຢ່າງຕັ້ງໜ້າ, ໂດຍສະເພາະໃນຂົງເຂດການຮ່ວມມືພາຍໃຕ້ 3 ເສົາຄໍ້າປະຊາຄົມອາຊຽນ, ພ້ອມທັງໄດ້ປະຕິບັດພັນທະຕ່າງໆຂອງຕົນເປັນຢ່າງດີ, ອັນໄດ້ນໍາເອົາຜົນປະໂຫຍດຕ່າງໆມາສູ່ປະເທດຊາດ ແລະ ປະຊາຊົນ ແລະ ໃນປີ 2016 ຜ່ານມາ, ສປປ ລາວ ກໍໄດ້ຮັບກຽດເປັນປະທານອາຊຽນຄັ້ງທີສອງ ແລະ ໄດ້ຮັບຜົນສໍາເລັດອັນຈົບງາມ, ຊຶ່ງໄດ້ສົ່ງເສີມຖານະບົດບາດຂອງ ສປປ ລາວ ໃນເວທີພາກພື້ນ ແລະ ສາກົນໃຫ້ສູງເດັ່ນຂຶ້ນ.


 ທີ່ມາ: ຂປລ 
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


ກົດພາບອ່ານລາຍລະອຽດ

No comments

Powered by Blogger.