Header Ads

ແຊດ່ວນ! ເຕືອນໄພ ມິດສາຊີບ ລັກເງິນ! ມີຄລິບ!


ສະບາຍດີ ໂທລະໂຄງ ລົບກວນຂໍແບ່ງປັນປະສົບການ ກ່ຽວກັບມິດສາຊີບຊາວຕ່າງປະເທດທີ່ມາອາໄສຢູ່ບ້ານເຮົາເພື່ອມາເຮັດແນວບໍ່ດີ ເລື່ອງມັນເກີດຂຶ້ນໃນວັນທີ 09/08/2017 ເວລາປະມານ 12:55 ຢູ່ທີ່ຮ້ານຂາຍຢາ ແຖວຫນ້າໂຮງຫມໍແຫ່ງຫນຶ່ງ ມັນມານຳກັນສາມຄົນ ທຳອິດແມ່ນຜູ້ຍິງມາກ່ອນ ມັນມາໃນຮູບແບບລູກຄ້າ ມາຊື້ຢາແຕ່ໃຊ້ແຕ່ພາສາມື ບໍ່ເວົ້າແມ້ແຕ່ຄວາມດຽວ(ຕາມທີ່ເຫັນໃນຄລິບ) ມາຊື້ຢາຕິດບາດເກັບລ້າງບາດ(ຄືມາເບິ່ງລາດລາວ)ແລ້ວກໍ່ອອກໄປ ຜ່ານໄປບຶດຫນຶ່ງມີຜູ້ຊາຍມາໃນຮູບແບບດຽວກັນ ແຕ່ຊາຍຄົນນີ້ເຂົ້າໄປໃນຮ້ານ ແລ້ວກໍ່ມີຜູ້ຊາຍອີກຄົນຫນຶ່ງນຳມາ ພໍມັນໄດ້ຢາມັນກໍ່ຈົກເງິນມາຈ່າຍເປັນເງິນຕາຕ່າງປະເທດ (1000ບາດ)ມັນສວຍໂອກາດຕອນຫລານສິໄປທອນເງິນແລ້ວມັນຍ່າງນຳໄປຫາຕູ້ເງິນແລ້ວກໍ່ໄປຍາດໄຈ້ເງິນໃນມືຫລານ ແລ້ວຫລານອີກຄົນຫນຶ່ງເຫັນທ່າບໍ່ດີເລີຍງັວກໄປເບິ່ງ ແຕ່ຊາຍອີກຄົນຫນຶ່ງທີ່ຢູ່ນອກຮ້ານໄດ້ເອົາກ່ອງຢາເຄາະໃສ່ຫລັງເພື່ອບ່ຽງເບນຄວາມສົນໃຈ ແລ້ວຊາຍທີ່ຢູ່ໃນຮ້ານກໍ່ເຮັດຊີ້ໄປຫາຢາໂຕນັ້ນໂຕນີ້ເພື່ອໃຫ້ຫລານສັບສົນແລ້ວສວຍໂອກາດລັກຖອດເອົາເງິນ ມັນເຮັດແບບນີ້ສອງເທື່ອ (ສັງເກດໃນມືຂອງມັນ)ມັນໃຫ້ຫລານແລກເງິນໃຫ້ມັນແລ້ວມັນອອກໄປຈ່າຍຄ່າຢາຢູ່ຫນ້າຮ້ານ ແລ້ວມັນກໍ່ໄປ  

 . . ເຫດການຄັ້ງນີ້ມັນບໍ່ໄດ້ເກີດກັບຄອບຄົວຂ້ອຍເປັນຄອບຄົວທຳອິດ ຈິ່ງຢາກໃຫ້ໂທລະໂຄງຊ່ວຍເຜີຍແຜ່ເຫດການຄັ້ງນີ້ເພື່ອໃຫ້ພໍ່ແມ່ປະຊາຊົນ ພໍ່ຄ້າຊາວຂາຍໄດ້ຮັບຮູ້ແລະໃຫ້ມີສະຕິລະວັງໂຕຫລາຍຂຶ້ນ ບໍ່ຢາກໃຫ້ໃຜຕ້ອງມາເຈິເຫດການແບບນີ້ສຸດທ້າຍນີ້ຂໍໃຫ້ເຈົ້າຫນ້າທີ່ບ້ານເມືອງຈັບກຸມພວກຄົນບໍ່ດີກຸ່ມນີ້ ມາລົງໂທດໃຫ້ໄດ້ ເພື່ອບໍ່ໃຫ້ມັນເຮັດແບບນີ້ກັບໃຜອີກ ຂອບໃຈໂທລະໂຄງທີ່ຊ່ວຍເປັນອີກຫນຶ່ງແຮງໃນການຊ່ວຍເຫລືອສັງຄົມ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



ກົດພາບອ່ານລາຍລະອຽດ ກົດພາບອ່ານລາຍລະອຽດ

No comments

Powered by Blogger.