Header Ads

ສຸກນາລີ ຢືນຢັນ ບໍ່ມີເງິນຈ່າຍ! ຢາກໄດ້ໃຫ້ຟ້ອງເອົາ! ສະມາຊິກ ບໍ່ຖອຍ ພ້ອມສູ້ຕໍ່ 12/9/2017


ບົດສະຫຼຸບ ຕະຫຼອດວັນແຕ່ ເຊົ້າຈຳເດີກ ຂອງການຊຸມນຸມ ຮຽກຮ້ອງເງິນຄືນຈາກ ບໍລິສັດ ພີເອັສ. ສາມາດສະຫຼຸບ ໃຫ້ເຫັນດັ່ງນີ້

1. ສະມາຊິກ ຫຼາຍພັນ ຄົນມາເຕົ້າໂຮມ ຂໍເຂົ້າພົບ ແຕ່ 6-7 ໂມງເຊົ້າ ຂອງວັນທີ 11 ກັນຍາ 2017. ປະທານ ສັ່ງປິດປະຕູ ບໍ່ໃຫ້ເຂົ້າ. ສະມາຊິກ ຈິ່ງຮ້ອງໂຫ່ ປະທ້ວງ

2. ຮອດເວລາປະມານ 13:30 ນາງສຸກນາລີ ແລະ ທ້າວ ປໍເຮີ ອອກມາພົບ ພ້ອມກັບ ການປະທະຄຳເວົ້າ.ຕ່າງໆນາໆ. ສະມາຊິກ ຢືນຢັນ ຕ້ອງເຂົ້າໄປເຈລະຈາ ແລະ ຕ້ອງສົ່ງເງິນຄືນ.



 3. ປະມານ 14:00 ພີເອັສ ເປີດປະຕູຮົ້ວ ໃຫ້ສະມາຊິກ ເຂົ້າພົບ. ດຳເນີນການເຈລະຈາ ໂດຍຊ້ອງໜ້າ ຕົວແທນຈາກຫຼາຍຝາຍ, ທັງ ປກສ, ທາງເຈົ້າໜ້າທີ່ເມືອງໄຊທານີ ແລະ ຫຼາຍໆພາກສ່ວນ. ຢືນຢັນຄຳເດີມ, ສະມາຊິກ ຕ້ອງການເງິນຄືນ. ປະທານປະຕິເສດ ພ້ອມບ່າຍບຽງວ່າ ສະມາຊິກ ເຂົ້າດ້ວຍຄວາມສະໝັກໃຈ.

 


4. ການເຈລະຈາ ດຳເນີນໄປຈົນຄຳ, ມີການປະທະ ແລະ ເກືອບມີມວຍຫຼາຍຄັ້ງ. ແຕ່ກໍ່ບໍ່ທັນມີການຕົກລົງທີ່ຈະສົ່ງເງິນຄືນ ສະມາຊິກ.




ສະມາຊິກທີ່ເດີນທາງມາແຕ່ທາງໄກ ແມ່ນພາກັນນອນເຝົ້າ ທີ່ສະໂມສອນຂອງ ບໍລິສັດ ແລະ ພ້ອມລຸຍຕໍ່ ໃນມື້ອື່ນ.

ຂໍເປັນກຳລັງໃຈ ໃຫ້ພໍ່ແມ່ປະຊາຊົນ ທຸກຄົນ ແລະ ວອນໃຫ້ ພາກສ່ວນກ່ຽວຂ້ອງໄດ້ ເຂົ້າມາໃຫ້ການຊ່ວຍເຫຼືອ ແກ້ໄຂບັນຫາ ກ່ອນຈະມີແນວບໍ່ຄາດຄິດ ເກີດຂຶ້ນ ໜັກໄປກວ່ານີ້.



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com








1 comment:

  1. ບໍລິສັດເວົ້າຖືກ ແຕ່ລະຄົນລ້ວນຢາກລວຍແລະສະມັກໃຈເອົາເງິນໄປຮ່ວມລົງທືນ,ຖ້າຈະເອົາຜິດຕ້ອງລາກຄໍຜູ້ໄປຫລອກລວງປະຊາຊົນມາຕັດຖີ້ມ

    ReplyDelete

Powered by Blogger.