Header Ads

ແມ່ຮັກ ແລະ 1624 ໄດ້ນຳຕົວ ສາວນ້ອຍເສື້ອເຫຼືອງ ເຂົ້າຮັບການປິ່ນປົວ ແລ້ວ!


ພາຍຫຼັງທີ່ຕົກເປັນຂ່າວ ແລະ ກາຍເປັນເນັດໄອດໍ້ ທາງອ່ອນລາຍ ມາເປັນເວລາຫຼາຍເດືອນ. ສາວເສື້ອເຫຼືອງ ຫຼື  ຫຼາຍຄົນຕັ້ງສາຍາວ່າ ສາວຂາລັກ ນັ້ນ. ຄົງຈະບໍ່ໄດ້ເປັນດັ່ງທີ່ວາຕໍ່ໄປ ເພາະ ທາງ ນາງ ນິພູນ ອ່ວນມີໄຊ ໄດ້ຮ່ວມມືກັບ ໜ່ວຍງານ 1624 ສະມາຄົມອາສາກູ້ໄພ ນະຄອນຫຼວງໄດ້ ຕິດຕາມເອົາ ຕົວນາງ ແລະ ປະສານງານ ຂໍການຊ່ວຍເຫຼືອ ຈາກຫຼາຍໜ່ວຍງານ ເພື່ອ ຫາທາງເອົາຜູ່ກ່ຽວໄປບໍາບັດ ແລະ ປິ່ນປົວ.



ຫຼ້າສຸດ ລາຍງານຈາກ 1624​ ໃຫ້ຮູ້ວ່າ ສາມາດ ນຳຕົວນາງມາໄດ້ ແລະ ໄດ້ປະສານງານ ເພື່ອຝາກກັບໜ່ວຍງານ ສູນສົງເຄາະນະຄອນຫຼວງວຽງຈັນ. ເຊິ່ງເວົ້າໄດ້ວ່າ ນີ້ເປັນ ຂັ້ນເລີ່ມຕົ້ນ ທີ່ຈະໄດ້ ຊ່ວຍປິ່ນປົວ ແລະ ໃຫ້ຊີວິດໃໝ່ ແກ່ນາງນ້ອຍຜູ່ນີ້ ໃຫ້ກັບມາເປັນຄົນທີ່ດີ ແລະ ໄດ້ຮັບປິນປົວສຸຂະພາບຈິດ.

ນີ້ເປັນກໍລະນີຕົວຢ່າງ ແລະ ຖືເປັັນສຳຄັນ ໃນວຽກງານ ຊ່ວຍຜູ່ດ້ອຍໂອກາດ ໂດຍສະເພາະ ແມ່ນແມ່ຍິງ ແລະ ເດັກນ້ອຍ. ຊົມເຊີຍ ທຸກພາກສ່ວນ ທີ່ຊ່ວຍໃຫ້ໂອກາດແດ່ລາວ.

ສຳລັບທ່ານໃດ ທີ່ມີຈິດໃຈ ຕ້ອງກາຊ່ວຍ ອຸປະກາລະ ແລະ ໃຫ້ການຊ່ວຍເຫຼືອ ກໍ່ສາມາດພົວພັນ ກັບ ໜ່ວຍງານ 1624 ຕາມຂໍ້ມູນຂ້າງລຸ່ມ

THE ASSOCIATION OF VOLUNTARY RESSCUE VIENTIANE
ເລກບັນຊີLAK...01012000099390 2001 
ທະນາຄານການຄ້າຕ່າງປະເທດລາວມະຫາຊົນ
ໂທ: 020 9669 7373, 5885 7373 ຫຼື ສາຍດ່ວນ 1624




ຂ່າວກ່ອນໜ້ານີ້



ກາຍເປັນກະແສ ທີ່ຖືກເວົ້າເຖິງ ແລະ ແຊກັນ ຢ່າງຫຼວງຫຼາຍທາງເຟສບຸກ ກັບພາບ ສາວໃສ່ເສື້ອສີເຫຼືອອ່ອນ ທີ່ມີພຶດຕິກໍາບໍ່ຄ່ອຍດີ ທີ່ຜູ່ກ່ຽວໄດ້ລັກເຄື່ອງຂອງ ໃນຫຼາຍບ້ານ ຫຼາຍເມືອງ ແຕ່ເໜືອລົງມາຮອດໃຕ້. ຫຼ້າສຸດແມ່ນໄດ້ຍິນວ່າມາຮອດປາກຊັນ. ເຊິ່ງຜູ່ພົບເຫັນ ຕ່າງກໍ່ຖ່າຍຮູບ ແລະ ໂພດລົງເຕືອນໄພລົງເຟສບຸກ.

ເວົ້າໄດ້ວ່າກະແສ ສາວເສືອເຫຼືອງ ທີ່ໄດ້ສາຍາວ່າ ສາວຂາລັກ ນັ້ນມາແຮງກວ່າ ພາຍຸລະດູຝົນອີກ.

ເຖິງຢ່າງໃດກໍ່ຕາມ ກໍ່ຢາກໃຫ້ໜ່ວຍງານ ປົກປ້ອງສິດທິແມ່ຍິງ ໄດ້ໃຫ້ການກວດສອບ ແລະ ຊ່ວຍເຫຼືອລາວແດ່ ວ່າລາວມີບັນຫາຫຍັງ? ບ້ານເກີດເມືອງນອນຢູ່ໃສ, ພີ່ນ້ອງເດ ຢູ່ໃສ ແລະ ຫາທາງອອກ, ໃຫ້ຄໍາປຶກສາ ຊ່ວຍລາວແດ່.

ສຳລັບບັນດາທ່ານທີ່ ອອກຄໍາເຫັນ ຫຼື ວິພາກວິຈານ ກໍ່ຢາກໃຫ້ຢູ່ບົນຫຼັກການເຫດແລະຜົນ. ຜູ້ກ່ຽວທີ່ກະທໍາຜິດອາດຈະມີບັນຫາ ທີ່ພວກເຮົາບໍ່ເຂົ້າໃຈ ແລະ ຕ້ອງການຄວາມຊ່ວຍເຫຼືອ.




------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.