Header Ads

ລາວໄດ້ໂກຕາສົ່ງອອກເຂົ້າສານໄປຈີນ 20.000 ໂຕນຕໍ່ປີ



(CRI-FM93 ) ລາວໄດ້ໂກຕາສົ່ງເຂົ້າສານໄປຕະຫລາດຈີນ ຈໍານວນ 20.000 ໂຕນຕໍ່ປີ, ໂດຍມອບໃຫ້ ລັດວິສາຫະກິດ Cofco ເປັນຜູ້ນໍາເຂົ້າໂດຍເລັ່ງໃສ່ເຂົ້າຫນຽວເປັນຕົ້ນຕໍ. ປັດຈຸບັນລັດຖະບານແຫ່ງ ສປປ ລາວ ໄດ້ມີນະໂຍບາຍສົ່ງເສີມໃຫ້ປະຊາຊົນຜະລິດເຂົ້າໃຫ້ກາຍເປັນສິນຄ້າເພື່ອການສົ່ງອອກ ແລະ ອື່ນໆ.



ທ່ານ ສົມຫວັງ ນິນທະວົງ ຫົວໜ້າກົມສົ່ງເສີມການຄ້າ ແລະ ພັດທະນາສິນຄ້າ, ກະຊ່ວງອຸດສາຫະກຳ ແລະ ການຄ້າ ໄດ້ລາຍງານໃຫ້ຮູ້ໃນໂອກາດຮ່ວມງານສະແດງສິນຄ້າຈີນ-ອາຊຽນ ຄັ້ງທີ 14 ຢູ່ເມືອງໜານໜິງ ແຂວງກວາງຊີ ສປ ຈີນ, ໃນວັນທີ 14 ກັນຍານີ້ວ່າ: ໃນງານສະແດງສິນຄ້າຈີນ-ອາຊຽນ ຄັ້ງນີ້, ລັດຖະບານ ແຫ່ງ ສປປ ລາວ ໄດ້ເອົາໃຈໃສ່ຊຸກຍູ້ສົ່ງເສີມ ແລະ ຄັດເລືອກເອົາຫົວໜ່ວຍທຸລະກິດນໍາເອົາສິນຄ້າປະເພດຕ່າງໆ ທີ່ເປັນທ່າແຮງຂອງລາວ ເຂົ້າເຈາະຕະຫຼາດຈີນ, ເຊິ່ງມີຫົວໜ່ວຍທຸລະກິດທັງພາກລັດ ແລະ ເອກະຊົນສົ່ງຜະລິດຕະພັນເຂົ້າຮ່ວມຫຼາຍກວ່າ 60 ບໍລິສັດ, ລວມມີ 122 ຮ້ານ, ເຊິ່ງຜະລິດຕະພັນທີ່ນໍາມາວາງສະແດງປະກອບມີເຄື່ອງເຟີນີເຈີ, ໄມ້ແກະສະຫຼັກ, ເຄື່ອງປະດັບອັນຍະມະນີ, ເຄື່ອງຫັດຖະກຳແຜ່ນແພ, ກະສິກຳປຸງແຕ່ງ, ອາຫານເຄື່ອງດື່ມ, ການບໍລິການ-ການທ່ອງທ່ຽວ ແລະ ສິນຄ້າໂອດັອບ. ໃນນັ້ນ ສິນຄ້າທີ່ໄດ້ຮັບຄວາມສົນໃຈຈາກຊາວຈີນ ແມ່ນເຄື່ອງເຟີນີເຈີ ແລະ ເຂົ້າສານ, ເຊິ່ງປີນີ້ລັດຖະບານຈີນໄດ້ມອບໂກຕາການສົ່ງອອກເຂົ້າໄປຕະຫຼາດຈີນ ຈຳນວນ 20.000 ໂຕນ, ໂດຍມອບໃຫ້ລັດວິສາຫະກິດ Cofco ເປັນຜູ້ນໍາເຂົ້າ.

ທີ່ມາ:CRI-FM93
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



loading...

No comments

Powered by Blogger.