Header Ads

ກອງປະຊຸມກວດກາວຽກງານຮອບດ້ານປະຈຳປີ 2017 ຂອງສະຫະພັນແມ່ຍິງ ຮາກຖານບ້ານນໍ້າເງິນ



ໄດ້ຈັດຂື້ນ ໃນຕອນເຊົ້າຂອງວັນທີ 21 ກັນຍາ 2017 ນີ້. ຢູ່ທີ່ຫໍປະຊຸມບ້ານ ນໍ້າເງິນ ເມືອງເງິນ ແຂວງໄຊຍະບູລີ ພາຍໃຕ້ການເປັນປະທານ ຂອງສຫ ນາງວຽງພອນ ຫຼຽນວິໄລສັກ,  ປະທານສະຫະພັນແມ່ຍິງຮາກຖານບ້ານນໍ້າເງິນ. ເຂົ້າຮ່ວມເປັນກຽດ ມີ ສຫ ນາງ ບົວຄຳ ຈັນທະວິໄລ, ສະມາຊິກສະພາປະຊາຊົນຂັ້ນແຂວງ, ຄະນະບໍລິຫານງານ ສະຫະພັນ ແມ່ຍິງແຂວງ ກຳມະການພັກເມືອງ ປະທານ ສະຫະພັນແມ່ຍິງເມືອງ, ມີເລຂາໜ່ວຍພັກ, ນາຍບ້ານ, ອົງການຈັດຕັ້ງມະຫາຊົນ, ແຂກຖືກເຊີນ ຕະຫຼອດຮອດ ສະມາຊິກສະຫະພັນແມ່ຍິງພາຍໃນບ້ານເຂົ້າຮ່ວມ 115 ສະຫາຍ (ສຫ)

  
     

 ກອງປະຊຸມ ສຫ ນາງວຽງພອນ ຫຼຽນວິໄລສັກ,  ປະທານສະຫະພັນແມ່ຍິງ ຮາກຖານ ບ້ານ ນໍ້າເງິນ. ກໍ່ໄດ້ຂື້ນຜ່ານບົດສະຫຼຸບ ຜົນຂອງການກວດກາວຽກງານຮອບດ້ານປະຈຳປີ 2017 ຂອງສະຫະພັນແມ່ຍິງ ຮາກຖານບ້ານ ນໍ້າເງິນ ມີສຳມະຊິກສະຫະພັນແມ່ຍິງທັງໜົດ 123 ສຫ ແບ່ງອອກເປັນ 7 ໜ່ວຍຮ່ວມຊິວິດຜ່ານມາໄດ້ເອົາໃຈໃສ່ສຶກສາອົບຮົບ ການເມືອງແນວຄິດ ໂດຍຕິດພັນກັບການຈັດຕັ້ງປະຕິບັດເນື້ອໃນແຂ່ງຂັນ 3 ດີ ສູນກາງສະຫະພັນແມ່ຍິງວາງອອກ, ຂໍ້ແຂ່ງຂັນຮັກຊາດພັດທະນາ ສະແດງອອກ ການປະເມີນຕີລາຄາແບ່ງປະເພດ ຂອງສະມາຊິກໄດ້ປະເພດແຂງ 97 ສຫ, ກາງ 26 ສຫ ປະເພດໜ່ວຍໄດ້ປະເພດແຂງ 4 ໜ່ວຍ, ກາງ 3 ໜ່ວຍ, ປະເພດຮາກຖານໄດ້ປະເພດແຂງ.

        

  ທິດທາງໃນຕໍ່ໜ້າ ສືບຕໍ່ໂຄສະນາສຶກສາອົບຮົມການເມືອງແນວຄິດໃຫ້ສະມາຊິກສະຫະພັນແມ່ຍິງ. ສູ້ຊົນສ້າງສະມາຊິກສະຫະພັນແມ່ຍິງ ໃຫ້ໄດ້ເຂົ້າເປັນສະມາຊິກພັກໃຫ້ໄດ້ 2 ສະຫາຍຂື້ນໄປ. ເອົາໃຈໃສ່ ປັບປຸງແບບແຜນວິທີເຮັດວຽກແບບແຜນການນຳພາ ພ້ອມກັນຊຸກຍູ້ສົ່ງເສີມໃຫ້ເອື້ອຍແມ່ຍິງສ້າງເສດຖະກິດ,ຄອບຄົວໃຫ້ແຂງແຮງ ຕັ້ງໜ້າກໍ່ສ້າງສະມາຊິກ ເປັນພົນລະເມືອງດີໃຫ້ໄດ້ 100% ສ້າງຄອບຄົວຜາສຸກໃຫ້ໄດ້ 100%ສ້າງສະມາຊິກພັດທະນາດີໃຫ້ໄດ້100% ແລະ ສ້າງສະມາຊິກ 3 ດີປະເພດໜຶ່ງໃຫ້ໄດ້100%.

ໂດຍ: ອິນແປງ ແຫວນຄຳ
ພາບ: ອິນແປງ ແຫວນຄຳ


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



loading...

No comments

Powered by Blogger.