Header Ads

ກອງປະຊຸມ 3 ຝ່າຍລະຫວ່າງພາກລັດ, ນັກທຸລະກິດ ແລະ ອົງການປົກຄອງບ້ານປະຈຳປີ 2017



ກອງປະຊຸມໄດ້ຈັດຂຶ້ນໃນຕອນເຊົ້າຂອງວັນທີ 22 ກັນຍາ 2017 ນີ້ ຢູ່ທີ່ສະໂມສອນເມືອງເງິນ ແຂວງ ໄຊຍະບູລີ ພາຍໃຕ້ການເປັນປະທານຂອງທ່ານ ບຸນສົດ ອີນທະປັນຍາ ຮອງເລຂາພັກເມືອງ, ຮອງເຈົ້າເມືອງ ຜູ້ຊີ້ນຳວຽກງານເສດຖະກິດ ມີຄະນະປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການ, ເລຂາຄະນະພັກຮາກຖານ, ນາຍບ້າຍ, ບໍລິສັດ, ນັກທຸລະກິດຜູ້ປະກອບການເຂົ້າຮ່ວມ 50 ກວ່າຄົນ ຍິງ 8 ຄົນ.

          ກອງປະຊຸມ ທ່ານຄຳນວນ ແກ້ວວັນໄຊ ປະທານສາມາຄົມ ສົ່ງເສີມກະສິກຳເພື່ອສົ່ງອອກເມືອງເງິນ-ຫົງສາ ໄດ້ຂຶ້ນຜ່ານບົດສະຫຼຸບການຈັດຕັ້ງປະຕິບັດວຽກງານສາມາຄົມໃນໄລຍະ 1 ປີຜ່ານມາ ແມ່ນໄດ້ສົ່ງເສີມພໍ່ແມ່ປະຊາຊົນບັນດາເຜົ່າ ປູກພືດກະສິກຳ ເປັນຕົ້ນສາລີ, ໜາກເດືອຍ ແລະ ພືດກະສິກຳອື່ນໆ ພ້ອມທັງເກັບຊື້ ແລະ ສົ່ງອອກ ໄດ້ທັງໝົດ 1,140 ໂຕນ ລວມມູນຄ່າ ທັງໝົດ 1,172 ລ້ານກີບ ທິດທາງຕໍ່ໜ້າສືບຕໍ່ສົມທົບກັບຂະແໜງການທີ່ກ່ຽວຂ້ອງເປັນຕົ້ນແມ່ນໜ່ວຍບໍລິການປະຕູດຽວ ໃຫ້ລົງຕິດຕາມກວດກາພ້ອມທັງສະກັດກັ້ນ ການລັກລອບສິນຄ້າປະເພດຕ່າງໆ ເປັນຕົ້ນ ສັດລ້ຽງ, ພຶດກະສິກຳ ແລະ ເຄື່ອງປ່າຂອງດົງ ທີ່ບໍ່ໄດ້ຮັບອານຸຍາດເຄື່ອນຍ້າຍ ຈາກຂະແໜງການທີ່ກ່ຽວຂ້ອງ. ເອົາໃຈໃສ່ຊຸກຍູ້ສົ່ງເສີມພໍ່ແມ່ປະຊາຊົນ ປູກພືດກະສິກຳໃຫ້ຫຼາຍເພື່ອເພີ່ມ ມູນຄ່າການສົ່ງອອກ ແລະ ຫລຸດຜ່ອນການນຳເຂົ້າພຶດກະສິກຳຈາກຕ່າງປະເທດ.


          ກອງປະຊຸມ ກໍ່ໄດ້ຄົ້ນຄວ້າປືກສາຫາລື ກ່ຽວກັບລາຄາໜາກເດືອຍ, ສາລີ ແຕ່ລະປີສິນຄ້າຕົກລາຄາ ຍ້ອນຜູ້ຜະລິດບໍ່ມີຄວາມຮັບຜິດຊອບສູງ ສ່ວນຫຼາຍການເກັບກ່ຽວພືດກະສິກຳຍັງອອ່ນ, ຕາກບໍ່ແຫ້ງ, ມີຄວາມຊຸ່ມຊື່ນ ເຮັດໃຫ້ພໍ່ຄ້າກົດລາຄາລົງ, ມາດຕະການໃນການປະຕິບັດໃນຕໍ່ໜ້າ ຜູ້ຜະລິດຕ້ອງມີຄວາມຮັບຜິດຊອບສູງໃນການເກັບມ້ຽນ ແລະ ຮັກສາພືດກະສິກຳໃຫ້ດີ ລາຄາຈຶ່ງຈະແນ່ນອນ. 


ໂດຍ: ສຸລິຍາ ແສງເດືອນ



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com




loading...

No comments

Powered by Blogger.