Header Ads

ແນວລາວສ້າງຊາດບ້ານບີໝີ ໄດ້ສຳເລັດ ກອງປະຊຸມໃຫຍ່ ຄັ້ງທີ່ 3 ຂອງຕົນ


ກອງປະຊຸມດັ່ງກ່າວໄດ້ຈັດຂື້ນໃນວັນທີ່ 7 ກັນຍາ 2017 ນີ້ ຢູ່ທີ ຫໍປະຊຸມບ້ານບີໝີ ເມືອງເງິນ ແຂວງ ໄຊຍະບູລີ. ພາຍໃຕ້ການເປັນປະທານ ຂອງ ທ່ານ ຫນານແສງ ເພັດສີຄຳ ປະທານແນວລາວສ້າງຊາດບ້ານ. ເຂົ້າຮ່ວມເປັນກຽດມີ ທ່ານ ຫນານອົ້ນ ໃຈແກ້ວ ຮອງປະທານແນວລາວສ້າງຊາດເມືອງ, ມີເລຂາໜ່ວຍພັກນາຍບ້ານ, ມີບັນດາແຂກ ແລະ ຜູ້ແທນເຂົ້າຮ່ວມທັງໝົດ 136 ທ່ານ, ຍິງ 58 ທ່ານ.

ທ່ານ ໜານເຕັມ ສີວັນຄຳ ຮອງປະທານແນວລາວສ້າງຊາດບ້ານ ໄດ້ຜ່ານຮ່າງລາຍງານການເມືອງທັງ 2 ພາກ. ເພື່ອເປັນການສະຫຼຸບຕີລາຄາຜົນການຈັດຕັ້ງປະຕິບັດ ຂອງແນວລາວສ້າງຊາດ. ຕະຫຼອດໄລຍະ 5 ປີຜ່ານມາ ຄະນະກຳມະການແນວລາວສ້າງຊາດແມ່ນສາມາດຮັກສາຄຸນທາດການເມືອງ, ແນວຄິດ, ຄຸນສົມບັດ ສິນທຳປະຕິວັດ ເປັນແບບຢ່າງທີດີໃຫ້ແກ່ປະຊາຊົນ. ເປັນຕົ້ນ ແມ່ນການອານຸລັກ ທາງດ້ານການນຸ່ງຖື, ການປາກເວົ້າ, ຮັກສາວັດທະນະທຳອັນດີງາມຂອງຊາດຂອງເຜົ່າ. ແຜນການປີ 2018-2022 ສືບຕໍ່ສຶກສາອົບຮົມການເມືອງແນວຄິດ, ເຊື່ອມຊືມບັນດາແນວທາງນະໂຍບາຍຂອງພັກ ໃຫ້ແນວລາວສ້າງຊາດບ້ານ ມີຄວາມໜັກແໜ້ນເຂັ້ມແຂງ, ມີຄວາມສາມັກຄີປອງດອງ ເປັນເອກະພາບກັນໃນວຽກງານທຸກດ້ານ, ຕ້ານແລະ ສະກັດກັ່ນທຸກການກະທຳ ທີ່ເປັນການທຳລາຍແບ່ງແຍກຄວາມສາມັກຄີ. ເພີ່ມທະວີການເຕົ້າໂຮມຄວາມສາມັກຄີໃຫ້ເປັນປຶກແຜນ ປະຕິບັດຂໍ້ແຂ່ງຂັນຂອງແນວລາວສ້າງຊາດ ຕິດພັນກັບຂໍ້ແຂ່ງຂັນຮັກຊາດ ແລະ ພັດທະນາ.



ກອງປະຊຸມໄດ້ໃຊ້ສິດປະຊາທິປະໄຕ ປະຊາມະຕິເອົາຄະນະກຳມະການແນວລາວສ້າງຊາດບ້ານ ຈຳນວນ 15 ທ່ານ, ພຣະ ສົງ 1 ອົງ ແລະ ຍິງ 5 ທ່ານ. ກອງປະຊຸມຄັ້ງປະຖົມມະລຶກໄດ້ເລືອກເອົາປະທານ ແລະ ຮອງປະທານແນວລາວສ້າງຊາດບ້ານຜູ້ໃໝ່ ເຊີ່ງໄດ້ ທ່ານ ຫນານແສງ ເພັດສີຄຳ ປະທານແນວລາວສ້າງຊາດບ້ານ, ທ່ານ ຫນານເນດ  ພົມມະຂັນ ເປັນຮອງ.

ໂດຍ: ອິນແປງ ແຫວນຄຳ



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.