Header Ads

3​ ຄອບຄົວເຄາະຮ້າຍ ຈາກໄຟໄໝ້ເຮືອນ ທີ່ບ້ານຮ່ອງແກ່ໄດ້ຮັບນໍ້າໃຈຈາກມູນນິທິ ແລະ ສັງຄົມ!


ນະຄອນຫຼວງວຽງຈັນ: ທ່ານປ້າ ສີສະຫຼຽວ ທຳມະເທວາ ປະທານມູນນິທິ ຊວ່ຍເຫຼືອຄົນທຸກຍາກ ແຫ່ງ ສ ປ ປ ລາວ ແລະ ທ່ານປ້າ ພູທອນ ພູມສະຫວັນ ທີ່ ປຶກສາກິດຕິມະສັກ ຂອງ ມູນນິທິ ຊວ່ຍເຫຼືອຄົນທຸກຍາກ ພອ້ມດວ້ຍ ດຣ ຄັນທະລາດ ພິລາພັນເດດ ທີ່ ປຶກສາມູນນິທິຮວ່ມໃຈ ແລະ ນອ້ງໆ ໜວ່ຍກູ້ໄພມູນິທິ ຊ່ວຍເຫຼືອຄົນທຸກຍາກ ແຫ່ງ ສປປລາວ 1623 ແລະ ມູນນິທິຮວ່ມໃຈ ຮວ່ມທັງຄູບາອາຈານ ພໍ່ແມ່ ພີ່ນອ້ງຜູ້ໃຈບຸນ ໄດ້ພອ້ມພຽງກັນມາມອບເຄື່ອງອຸປະໂພກບໍລິໂພກ ເຄື່ອງໃຊ້ ທີ່ຈຳເປັນໃນການດຳລົງຊີວິດ ປະຈຳຕໍ່ໄປ ເພື່ອເປັນຂວັນກຳລັງໃຈໃຫ້ຜູ້ປະສົບເຫດໄຟໄໝ້ໃນຄັ້ງວັນທີ 17/09/2017 ທີ່ຜ່ານມາ ຈຳນວນ 3 ຄອບຄົວ.



ເຄື່ອງດັ່ງກ່າວ ທີ່ນຳມາມອບໃນຄັ້ງນີ້ ລວມມູນຄ່າ 4.300.000 ກີບ ເປັນສີ້ນເສື້ອເຄື່ອງນຸ່ງຫົ່ມ ເຄື່ອງໃຊ້ແມ່ນໃໝ່ໝົດ ທຸກຢ່າງ ແລະເງິນສົດທີ່ໄດ້ທອ້ນໂຮມກັນ ຈາກທ່ານຜູ້ໃຈບຸນອີກໄດ້ ຈຳນວນເງິນສົດ ມອບໃຫ້ 3 ຄອບຄົວລວມ ມູນຄ່າ 2.800.000 ກີບ,  ລວມມູນຄ່າມອບໃນຄັ້ງນີ້ 7.100.000 ກີບ.



ໃນນາມປະທານມູນນິທິ ຊວ່ຍເຫຼືອຄົນທຸກຢາກ ຂໍຂອບໃຈນຳ ທ່ານພຣະ ອາຈານເຫຼືອມ ເດດມຸງຄົນ ເຈົ້າອະທິການ ວັດໜອງສ້າງທໍ່ ທີ່ຍາມໃດກໍ່ໃຫ້ການຊວ່ຍເຫຼືອ ມູນນິທິ ແລະ ສັງຄົມມາຕະຫຼອດ
ແລະທີ່ລື່ມຂອບໃຈບໍ່ໄດ້ແມ່ນພໍ່ແມ່ຜູ້ໃຈບຸນທຸກທ່ານລວມທັງນອ້ງອາສາສະໝັກ ຂອງ 2 ມູນນິທິ ທີ່ເຂົາຮວ່ມຊວ່ຍສັງຄົມໃນຄັ້ງນີ້.

ໝາຍເຫດ : ທ່ານຜູ້ໃຈບຸນທ່ານໃດຢາກບໍລິຈາກຊຸກຍູ້ຊວ່ຍເຫຼືອຄອບຄົວ ທີ່ ຖືກໄພໄໝ້ ເຊີນໄດ້ເລີຍ ທີ່ ຫອ້ງການ ບ້ານ ຮອ່ງແກ ໃນໂມງລາດສະການ ຫຼື ຮວ່ມ ບໍລິຈາກໄດ້ ທີ່ ໜວ່ຍກູ້ໄພມູນນິ 1623 ແລະ ມູນນິທິຮ່ວມໃຈ (02059444400) ໄດ້ທຸກຈຸດ ຕະຫຼອດ 24 ຊົ່ວໂມງ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com




loading...

No comments

Powered by Blogger.