Header Ads

ກອງປະຊຸມຄົບຄະນະບໍລິຫານງານພັກເມືອງພູຄູນ ຄັ້ງທີ 4 ສະໄໝທີ 3



ກອງປະຊຸມຄົບຄະນະບໍລິຫານງານພັກເມືອງພູຄູນ ຄັ້ງທີ 4 ສະໄໝທີ 3 ໄດ້ຈັດຂື້ນໃນທ້າຍເດືອນສິງຫາທີ່ຜ່ານມາ ຢູ່ທີສະໂມສອນໃຫ່ຍຂອງເມືອງ ໂດຍການເປັນປະທານຂອງສະຫາຍ ວຽງທອງ ຫັດສະຈັນ ກຳມະການພັກແຂວງ ເລຂາຄະນະບໍລິຫານງານເມືອງພູຄູນ ມີບັນດາຄະນະປະຈຳ, ກຳມະການພັກເມືອງເຂົ້າຮວມ 21 ສະຫາຍ, ຍິງ 1 ສະຫາຍ.

ໃນວາລະກອງປະຊຸມໄດ້ຮັບຟັງບົດສະຫຼຸບລາຍງານໃນການຈັດຕັ້ງປະຕິບັດວຽກງານຮອບດ້ານ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2017 ເຊິງໄດ້ຍົກຜົນງານທີ່ຜົ້ນເດັ່ນ ພາຍໃຕ້ການຊີ້ນຳ - ນຳພາ ແລະ ເປັນຄວາມຮັບຜິດຊອບຂອງຄະນະພັກແຕ່ລະຂັ້ນ, ຂອງແຕ່ລະຂະແໜງການ ເປັນຕົ້ນແມ່ນການເອົາໃຈໃສ່ ເປັນເຈົ້າການສະກັດກັ້ນ ປະກົດການຫຍໍ້ທໍ້ຕ່າງໆໃນ ສັງຄົມ ເຮັດໃຫ້ທົ່ວເມືອງມີສະຖຽນລະພາບທາງດ້ານການເມືອງ, ສັງຄົມມີຄວາມສະຫງົບປອດໄພ ດ້ານເສດຖະກິດໃນໄລຍະ6ຜ່ານມາ ສາມາດເກັບລາຍຮັບ122ຕື້ກວ່າກີບ ທຽບໃສ່ແຜ່ນການປີ ປະຕິບັດໄດ້ 42% ໃນນີ້ ລວມຍອດຜະລິດຕະພັນກະສີກຳປ່າໄມ້ບັນລຸ 54%; ອຸດສະຫາກຳບັນລຸ 6,68% ແລະ ການບໍລິການບັນລຸ 39,30% ການປູກຝັງແບບກະເສດອິນຊີ-ລ້ຽງສັດແບບເປັນລ໋ອກປູກຫຍ້າລ້ຽງສັດໄດ້ຮັບການຊຸກຍູ້ສົງເສີມ ໄປພ້ອມກັບການອະນຸລັກ-ຮັກສາຊັບພະຍາກອນທຳມະຊາດໃຫ້ມີຄວາມອຸດົມສົມບູນ ໂດຍສະເພາະແມ່ນ ຂະແໜງທີ່ກຽວຂ້ອງໄດ້ລົງເຄື່ອນໄຫວຊຸກຍູ້ສ້າງຄວມເຂັ້ມແຂງຢູ່ຮາກຖານບ້ານ ເພື່ອສຸມໃສ່ເຂົ້າໃນການພັດທະນາພື້ນຖານໂຄງ່ລາງ ສ້າງອາຊີບຕາມທ່າແຮງທ້ອງຖິນ ເຮັດໃຫ້ປະຊາຊົນມີຊີວິດການເປັນຢູ່ທີດີຂື້ນເທື່ອລະກ້າວ ດ້ານການລົງທຶນ ພາຍໃນ 6 ເດືອນຜ່ານມາ ມີການລົງທຶນຈາກພາກສ່ວນຕ່າງໆທັງພາກລັດ ແລະ ເອກະຊົນ ທັງໝົດ 11 ໂຄງການມູນຄ່າ7,5ຕື້ກີບ ກອງປະຊຸມໃນຄັ້ງນີ້ຍັງໄດ້ຍົກເອົາຫຼາຍບັນຫາເພື່ອນຳມາພິຈາລະນາ, ຄົ້ນຄ້ວາ ນັບທັງຂໍ້ຂາດຕົກບົກຜ່ອງ, ບົດຮຽນທີຖອດຖອນຂອງຄະນະພັກ ເພື່ອກະກຽມໃຫ້ແກ່ໂຄງການດຳເນີນງານ 4 ເດືອນທ້າຍປີ 2017ໃຫ້ໄດ້ຮັບຜົນສຳເລັດຕາມລະດັບຄາດໝາຍທີວ່າງໄວ້. 

ຂ່າວ: ວັນທຽນ ຄຳທະສິດ/ຂ່າວສານຫຼວງພະບາງ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



loading...

No comments

Powered by Blogger.