Header Ads

ກອງປະຊຸມໃຫຍ່ ຂອງສະຫະພັນແມ່ຍິງ ຮາກຖານບ້ານບີໜີ ຄັ້ງທີ່ 5



ໄດ້ຈັດຂື້ນ ໃນຕອນເຊົ້າຂອງວັນທີ່ 26 ກັນຍາ 2017 ນີ້. ຢູ່ທີ່ຫໍປະຊຸມບ້ານບີໜີ ເມືອງເງິນ ແຂວງໄຊຍະບູລີ ພາຍໃຕ້ການເປັນປະທານ ຂອງສຫ ນາງ ສາຍເງິນ ວິທີແພງ  ປະທານສະຫະພັນແມ່ຍິງຮາກຖານບ້ານບີໜີ. ເຂົ້າຮ່ວມເປັນກຽດ ມີ ສຫ ນາງ ບົວຄຳ ຈັນທະວິໄລ ສະມາຊິກສະພາປະຊາຊົນຂັ້ນແຂວງ, ຄະນະບໍລິຫານງານ ສະຫະພັນ ແມ່ຍິງແຂວງ ກຳມະການພັກເມືອງ ປະທານ ສະຫະພັນແມ່ຍິງເມືອງ, ມີເລຂາໜ່ວຍພັກ,ນາຍບ້ານ, ອົງການຈັດຕັ້ງມະຫາຊົນ, ແຂກຖືກເຊີນ ຕະຫຼອດຮອດ ສະມາຊິກສະຫະພັນແມ່ຍິງພາຍໃນບ້ານເຂົ້າຮ່ວມ 171 ສຫ ໃນນີ້ມີຜູ້ແທນສົມບູນ 164 ສຫ.  


          

ສຫ ນາງ ສາຍເງິນ ວິທີແພງ ປະທານສະຫະພັນແມ່ຍິງຮາກຖານບ້ານ ກໍ່ໄດ້ຂື້ນກ່າວໄຂກອງປະຊຸມໃຫ່ຍຂອງສະຫະພັນແມ່ຍິງຮາກຖານບ້ານບີໜີ ຄັ້ງທີ 5 ຢ່າງເປັນທາງການ.ຈາກນັ້ນສຫນາງສາຍພອນ ໄຊຍະວົງ ກໍ່ໄດ້ຂື້ນ ຜ່ານຮ່າງລາຍງານການເມືອງທັງ 2 ພາກ ເຊີ່ງໄດ້ຍົກໃຫ້ເຫັນຜົນງານການເຄື່ອນໄຫວ ແລະ ຊີ້ນຳໆພາ ຕະຫຼອດໄລຍະ 5 ທີ່ຜ່ານມາ. ເປັນຕົ້ນແມ່ນໄດ້ເຊື່ອມຊືມເອກະສານ ກໍ່ຄື ມະຕິຄໍາສັ່ງ ໃຫ້ສະມາຊິກ ສະຫະພັນແມ່ຍິງ ຜ່ານການເຊື່ອມຊຶມໄດ້ເຮັດໃຫ້ເອື້ອຍນ້ອງແມ່ຍິງ ມີຄວາມຫ້າວຫັນຕໍ່ໜ້າທີ່ວຽກງານ ສະແດງອອກການປະກອນສ່ວນ ເຂົ້າໃນການສ້າງສາພັດທະນາບ້ານເມືອງ ຢ່າງຕັ້ງໜ້າ ແລະ ແຂງແຮງ ການຕີລາຄາ ແບ່ງປະເພດ ໄດ້ປະເພດແຂງ 162  ສຫ ກາງ 9 ສຫສ້າງເງິນຄັງລວມໄດ້ 15.000.000ກີບ ແລະ ປະຕິບັດຂໍ້ແຂ່ງຂັນ 3 ດີຂອງແມ່ຍິງ ລາວວາງອອກໄດ້ດີ.ສາມາດຄັດເລືອກໄດ້ບຸກຄົນພົນລະເມືອງດີ 171 ສຫ ພັດທະນາດີ 156 ສຫ ສ້າງຄອບຄົວດີມີ 162 ຄອບຄົວ ທິດທາງຕໍ່ໜ້າ ສືບຕໍ່ໂຄສະນາ ສຶກສາອົບຮົບການເມືອງແນວຄິດໃຫ້ສະມາຊິກແມ່ຍິງ ໃຫ້ກວ້າງຂວາງເລິກເຊີ່ງ, ຕັ້ງໜ້າແຂ່ງຂັນກັນຈັດຕັ້ງປະຕິບັດຂໍ້ແຂ່ງຂັນຮັກຊາດ ພັດທະນາ ແລະ ຂໍ້ແຂ່ງຂັນ 3 ດີຂອງແມ່ຍິງ, ເອົາໃຈໃສ່ສ້າງເສດຖະກິດແກ້ໄຂຊີວິດການເປັນຢູ່ຂອງເອື້ຍນ້ອງແມ່ຍິງໃຫ້ນັບມື້ນັບດີຂື້ນເປັນກ້າວໆ. ສູ້ຊົນສ້າງຄອບຄົວຕົວແບບຕໍ່າຫູກທໍ້ໄໜໃຫ້ 1-2 ຄອບຄົວ ລ້ຽງສັໃຫ້ໄດ້ 1-3 ຄອບຄົວ ປູກຝັງໃຫ້ໄດ້ 1 ຄອບຄົວ  ຂະຫຍາຍສະມຊິກ ສະຫະພັນແມ່ຍິງ ໃຫ້ໄດ້ເຂົ້າເປັນສະມາຊິກພັກ 3 ສຫ ໃນ 5 ປີຕໍ່ໜ້າ.

          ກອງປະຊຸມ  ໄດ້ໃຊ້ສິດປະຊາທິປະໄຕ ປ່ອນບັດຄັດເລືອກເອົາ ຄະນະສະຫະພັນແມ່ຍິງຮາກຖານບ້ານຊຸດໃໝ່: ເຊີ່ງມີຜູ້ສະມັກ 7 ສຫ ເລືອກເອົາ 5 ສຫ. ໄດ້ສຫ ນາງ ສາຍເງິນວິທີແພງ ເປັນປະທານສະຫະພັນແມ່ຍິງຮາກຖານບ້ານບີໜີຊຸດໃໜ່, ສຫ ນາງ ສາຍພອນ ໄຊຍະວົງ  ເປັນຮອງ, ສຫ ນາງ  ແສງແກ້ວ ພົມມະຂັນ ເປັນຮອງ, ສຫ ນາງ ຂັນເງິນ ເປັນຄະນະ,  ສຫ ນາງ ສີໄພ ພົມມະຂັນ ເປັນຄະນະ.
ໂດຍ: ສຸລິຍາ ແສງເດືອນ








------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com




loading...

No comments

Powered by Blogger.