Header Ads

ກອງປະຊຸມໃຫຍ່ຄັ້ງທີ່ 6 ຂອງສະຫະພັນແມ່ຍິງ ຮາກຖານບ້ານຫຼວງມີໄຊ


ກອງປະຊຸມໃຫຍ່ຄັ້ງທີ່ 6 ຂອງສະຫະພັນແມ່ຍິງ ຮາກຖານບ້ານຫຼວງມີໄຊ ໄດ້ໄຂຂື້ນຢ່າງເປັນທາງການ. ໃນຕອນເຊົ້າຂອງວັນທີ່ 4 ກັນຍາ 2017 ນີ້ຢູ່ທີ່ຫໍປະຊຸມບ້ານຫຼວງມີໄຊ ເມືອງເງິນ ແຂວງໄຊຍະບູລີ ພາຍໃຕ້ການເປັນປະທານ ຂອງສຫ ນາງແສງເມືອງ ສະທິວົງສາ  ປະທານສະຫະພັນແມ່ຍິງຮາກຖານບ້ານ. ເຂົ້າຮ່ວມເປັນກຽດ ມີ ສຫ ບົວຄຳ ຈັນທະວິໄລ ສະມາຊິກສະພາປະຊາຊົນຂັ້ນແຂວງ, ຄະນະບໍລິຫານງານ ສະຫະພັນ ແມ່ຍິງແຂວງ ກຳມະການພັກເມືອງ ປະທານ ສະຫະພັນແມ່ຍິງເມືອງ, ມີເລຂາໜ່ວຍພັກ,ນາຍບ້ານ, ອົງການຈັດຕັ້ງມະຫາຊົນ, ແຂກຖືກເຊີນ ຕະຫຼອດຮອດ ສະມາຊິກສະຫະພັນແມ່ຍິງພາຍໃນບ້ານເຂົ້າຮ່ວມ 180 ກ່ວາສຫ ໃນນີ້ມີຜູ້ແທນສົມບູນ 161 ສຫ.

        ກອງປະຊຸມ ສຫ ນາງ ແສງທອງ ແຫວນຄຳ ກໍ່ໄດ້ຂື້ນຜ່ານບົດລາຍງານການເມືອງທັງ 2 ພາກ ເຊີ່ງໄດ້ຍົກໃຫ້ເຫັນຜົນງານການເຄື່ອນໄຫວ ແລະ ຊີ້ນຳໆພາ ຕະຫຼອດໄລຍະ 5 ທີ່ຜ່ານມາ ເປັນຕົ້ນແມ່ນໄດ້ເຊື່ອມຊືມເອກະສານ ກໍ່ຄື ມະຕິຄຳສັ່ງ ໄດ້ເປັນຢ່າງດີ. ສະແດງອອກສະມາຊິກ ມີຄວາມຫ້າວຫັນຕໍ່ໜ້າທີວຽກງານ ການປະກອນສ່ວນ ເຂົ້າໃນແຜນພັດທະນາແມ່ຍິງເມືອງ ຂອງໜ່ວຍພັກ ແລະ ປະຕິບັດຂໍ້ແຂ່ງຂັນ 3 ດີຂອງແມ່ຍິງ ລາວວາງອອກໄດ້ດີ. ທິດທາງຕໍ່ໜ້າ ສືບຕໍ່ໂຄສະນາ ສຶກສາອົບຮົບການເມືອງແນວຄິດໃຫ້ສະມາຊິກແມ່ຍິງ ໃຫ້ກວ້າງຂວາງເລິກເຊີ່ງ, ຕັ້ງໜ້າແຂ່ງຂັນກັນຈັດຕັ້ງປະຕິບັດຂໍ້ແຂ່ງຂັນຮັກຊາດ ພັດທະນາ ແລະ ຂໍ້ແຂ່ງຂັນ 3 ດີຂອງແມ່ຍິງ, ເອົາໃຈໃສ່ສ້າງເສດຖະກິດແກ້ໄຂຊີວິດການເປັນຢູ່ໃຫ້ນັບມື້ນັບດີຂື້ນເປັນກ້າວໆ.

        ກອງປະຊຸມ  ໄດ້ໃຊ້ສິດປະຊາທິປະໄຕ ປ່ອນບັດຄັດເລືອກເອົາ ຄະນະສະຫະພັນແມ່ຍິງຮາກຖານບ້ານຊຸດໃໝ່: ເຊີ່ງມີຜູ້ສະມັກ 7 ສຫ ເລືອກເອົາ 5 ສຫ ໄດ້ສຫນາງແສງເມືອງ ສະທິວົງສາ ເປັນປະທານສະຫະພັນແມ່ຍິງຮາກຖານບ້ານຫຼວງມີໄຊຊຸດໃໜ່ ສຫ ນາງ ຂັນທຽມ ສຸດທິໂວຫານ ເປັນຮອງ, ສຫ ນາງ ສອນເພັດ ແຫວນຄຳ ເປັນຮອງ ສຫ ນາງ ລັດດາວອນ ແກ້ວກັນຍາ ເປັນຄະນະ ສຫ ນາງ ອ່ອນສີ ແຫວນຄຳເປັນຄະນະ.


        ຕອນທ້າຍ ສຫ ນາງ ບົວຄຳ ຈັນທະວິໄລ ປະທານສະຫະພັນແມ່ຍິງເມືອງ ໄດ້ໂອ້ລົມເຊິ່ງກ່ອນອື່ນ ສຫໄດ້ສະແດງຍ້ອງຍໍຊົມເຊີຍຕໍ່ຜົນງານການຊີ້ນຳໆພາຂອງຄະນະສະຫະພັນແມ່ຍິງຮາກຖານບ້ານຍາດມາໄດ້ ໃນໄລຍະ 5 ປີຜ່ານມາໃຫ້ພ້ອມກັນສືບຕໍ່ຮັກສາມູນເຊື້ອຄວາມສາມັກຄີ ເອົາໃຈໃສ່ອານຸລັກຮັກສາຮິດຄອງປະເພນີຂອງແມ່ຍິງລາວບັນດາເຜົ່າໃຫ້ຄົງຢູ່ຄູ່ກັບຄົນລາວຕະຫຼອດໄປ ຕັ້ງໜ້າສ້າງເສດຖະກິດແກ້ໄຂຊີວິດການເປັນຢູ່ໃຫ້ນັບມື້ແຂງແຮງ,  ພ້ອມກັນນຳເອົາເນື້ອໃນມະຕິກອງປະຊຸມໃຫຍ່ຄັ້ງນີ້ໄປຈັດຕັ້ງປະຕິບັດໃຫ້ມັນເກີດດອກອອກຜົນຢ່າງແທ້ຈິງ.

ໂດຍ: ສຸລິຍາ ແສງເດືອນ




------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.