Header Ads

ກຜທ ເຜີຍແຜ່ກົດໝາຍວ່າດ້ວຍການ ຕ້ານການ ສໍ້ລາດບັງຫລວງ


ຄະນະພັກ, ພະນັກງານຫລັກແຫລ່ງ ທົ່ວກະຊວງ​ແຜນການ ​ແລະ ການ​ລົງທຶນ ​ໄດ້​ເຂົ້າຮ່ວມຮັບຟັງການເຜີຍ​ແຜ່ ​ເນື້ອ​ໃນ​ກົດ​ໝາຍ ວ່າ​ດ້ວຍ​ການ​ຕ້ານ ​ກາ​ນສໍ້​ລາດ​ບັງ​ຫລວງ ​ແຕ່​ນີ້​ຮອດ​ປີ 2020, ແນະ​ນໍາ​ການ​ແຈ້ງ​ຊັບ​ສິນ ​ແລະ ລາຍ​ຮັບຂອງ​ພະນັກງານ-ລັດຖະກອນຮອບສອງ. ພ້ອມ​ທັງບັນດາເນື້ອໃນຕົ້ນຕໍ ຂອງດໍາລັດລະບັບເລກທີ 159/ລບ, ວ່າດ້ວຍການແຈ້ງຊັບສິນ-ລາຍຮັບ, ບົດແນະນໍາວ່າດ້ວຍການ ຈັດຕັ້ງປະຕິບັດດໍາລັດ ວ່າດ້ວຍການແຈ້ງຊັບສິນ (ສະບັບປັບປຸງ) ສະບັບເລກທີ 46/ອກລ.




ກອງປະຊຸມດັ່ງກ່າວ, ໄດ້ຈັດຂຶ້ນໃນ​ວັນ​ທີ 7 ກັນຍາ 2017, ​ໂດຍ​​ການເປັນ​ປະທານ​ຂອງທ່ານ ຄໍາ​ລຽນ ພົນ​ເສນາ ຄະນະ​ພັກ, ປະທານ​ຄະນະ​ກວດກາ​ພັກ, ຮອງ​ລັດຖະມົນຕີ​ກະຊວງ​ແຜນການ ​ແລະ ການ​ລົງທຶນ, ມີ​ບັນດາ​ຄະນະພັກ, ຫົວໜ້າ​ກົມ-ຮອງ​ກົມ, ສູນ, ພະນັກງານ-ລັດຖະກອນທົ່ວ​ກະຊວງ, ພ້ອມ​ດ້ວຍ​ພາກ​ສ່ວນ​ທີ່​ກ່ຽວຂ້ອງ ​ເຂົ້າຮ່ວມ.

ທ່ານ ນາງ ຄໍາ​ຈັນ ວົງ​ແສນບຸນ ຮອງ​ລັດຖະມົນຕີ ​ກະຊວງ​ແຜນການ ​ແລະ ການ​ລົງທຶນ ​ໄດ້​ມີ​ຄໍາ​ເຫັນ​​ໃນບາງ​ຕອນ​ວ່າ: ຕາມ​ທິດ​ລວມຂອງ​ພັກ​ ຕໍ່​ກັບ​ການ​ແກ້​ໄຂ​ບັນຫາ​ ປະກົດ​ການ​ຫຍໍ້​ທໍ້​ຕ່າງໆ ​ທີ່​ເກີດ​ຂຶ້ນ​ນັ້ນ ກ່ອນ​ອື່ນ​ໝົດ​ຕ້​ອງ​ເອົາ​ໃຈ​ໃສ່ ​ສຶກສາ​ອົບຮົມ​ທັດສະນະ​ແນວ​ຄິດ, ຄວາມ​ຮູ້ ​ແລະ ຄວາມ​ເຂົ້າ​ໃຈ​ຕໍ່​ຜົນ​ຮ້າຍ​ຂອງ​ການ ​ສໍ້​ລາດ​ບັງ​ຫລວງ, ຕ້ອງ​ມີ​ຄວາມ​ເປັນ​ເອກະ​ພາບ​ສູງ ​ແຕ່​ເທິງ​ລົງ​ລຸ່ມ ​ເລີ່​ມຈາກ​ພະນັກງານ​ນໍາພາ-ຄຸ້ມ​ຄອງ​ແຕ່ລະ​ຂັ້ນ ​ແລະ ຕ້ອງ​ສຸມ​​ໃສ່​ແກ້​ໄຂ​ການ​ເຊື່ອ​ມຖອຍ ​ດ້ານ​ຄຸນ​ທາດ​ການ​ເມືອງ, ຄຸນສົມບັດ​ສິນ​ທໍາ​ປະຕິະບັດ, ​ແກ້​ໄຂ​ແນວ​ຄິດ​ຄອງ​ເດີມ, ອັດຕະວິ​ໄສ, ​ເຫັນ​ແກ່​ຍາດ​ພີ່ນ້ອງ, ຈູມ​ເຈື້ອ​ເຊື້​ອສາຍ, ພັກ​ພວກ ການ​ສວຍ​ໃຊ້​ໜ້າ​ທີ່​ຕໍ​າ​ແໜ່ງ ​ເພື່ອ​ຫາ​ຜົນ​ປະ​ໂຫຍ​ດສ່ວນ​ຕົວ.

​ກອງ​ປະຊຸມ​ ຍັງ​ໄດ້​ລົງ​ເລິກ​​ ເນື້ອ​​ໃນ​ກົດໝາຍ​ວ່າ​ດ້ວຍ​ການ​ຕ້ານ​ການ​ສໍ້​ລາດ​ບັງ​ຫລວງ ​ບາງໝວດ​, ບາ​ງມາດຕາ ເພື່ອແນ່ໃສ່ໃຫ້ສະມາຊິກພັກ, ພະນັກງານ-ລັດຖະກອນ ໄດ້ຮັບຮູ້ ແລະ ກໍາແໜ້ນເຖິງຄວາມຮັບຜິດຊອບ ຂອງຜູ້ແຈ້ງຊັບສິນ-ລາຍຮັບ ດໍາເນີນຢ່າງຈະແຈ້ງຖືກຕ້ອງ ແລະ ໂປ່ງໃສ.

ຂ່າວ: ຂັນ​ໄຊ ,ພາບ:ສິດ/ ຂປລ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.