Header Ads

ທ່ານຮອງເຈົ້າແຂວງອັດຕະປື ເປັນກຽດມອບເງິນຈຳນວນ 380 ລ້ານກວ່າກີບໃຫ້ຄອບຄົວຜູ້ເສຍຊີວິດປາງສົງຄາມ



ວັນທີ 7 ກັນຍາ 2017 ຜ່ານມານີ້ ພະແນກແຮງງານ ແລະ ສະຫວັດດີສັງຄົມແຂວງ ອັດຕະປື ໄດ້ນໍາເງິນຈໍານວນ 380 ລ້ານກວ່າກີບໃຫ້ຄອບຄົວພະນັກງານການປະຕິວັດທີ່ເສຍຊີວິດໃນປາງສົມຄາມ ເຊິ່ງພິທີມອບ-ຮັບເງິນນະໂຍບາຍອຸດໜູນໄດ້ຈັດຂຶ້ນທີ່ພະແນກດັ່ງກ່າວ ໂດຍໃຫ້ກຽດເຂົ້າຮ່ວມຂອງ ທ່ານ ສຸກສະໄໝ ຈັນທະມາດ ຮອງເຈົ້າແຂວງອັດຕະປື, ມີທ່ານ ນາງ ອຳຄາ ສີຫາລາດ ຫົວໜ້າພະແນກແຮງງານ ແລະ ສະຫວັດດີການສັງຄົມແຂວງ, ມີບັນດາທ່ານພະນັກງານກ່ຽວຂ້ອງ ແລະຕ່າງໜ້າຄອບຄົວຜູ້ເສຍຊີວິດເຂົ້າຮ່ວມ.

ເງິນນະໂຍບາຍອຸດໜູນນີ້ແມ່ນໄດ້ມອບໃຫ້ຕາງໜ້າຄອບຄົວພະນັກງານນັກຮົບຜູ້ຖືກເສຍຊີວິດ ຢູ່ 2 ເມືອງຄື: ເມືອງຊານໄຊ ມີຈຳນວນ 22 ທ່ານ ແລະ ເມືອງໄຊເສດຖາມີ 16 ທ່ານ ລວມເງີນນະໂຍບາຍທັງໝົດ 380 ລ້ານກວ່າກີບ, ນັບແຕ່ປີ 2011 ມາຮອດປັດຈຸບັນແຂວງ ອັດຕະປື ໄດ້ນະໂຍບາຍອຸດໜູນພະນັກງານປະຕິວັດລວມທັງອອກການເຄິ່ງທາງ ແລະ ເສຍຊີວິດສະໄໝສົງຄາມມີຈຳນວນ 225 ທ່ານ ລວມເປັນເງິນນະໂບຍາຍທັງໝົດ 4 ຕື້ 900 ລ້ານກວ່າກີບ. ສຳລັບໃນຕໍ່ໜ້າທາງພະແນກແຮງງານ ແລະ ສະຫວັດດີການສັງຄົມແຂວງຈະສົມທົບກັບການນຳກ່ຽວຂ້ອງຂັ້ນແຂວງ ສືບຕໍ່ຊົດເຊີຍອຸດໜູນຕາມຕົວເລກທີ່ຍັງມີຢູ່ຈຳນວນ 7000 ກວ່າກຄົນ ຕື່ມອີກ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com




No comments

Powered by Blogger.