Header Ads

ພະແນກສະກັດ ແລະ ຕ້ານຢາເສບຕິດ ລົງເຮັດບົດບັນທຶກສືກສາອົບຮົມກ່າວເຕືອນເປົ້າມາຍເສບຢາເສບຕິດ



ໃນວັນທີ່ 6 ກັນຍາ ທີ່ຜ່ານມານີ້ ພະແນກ ສະກັດກັ້ນ ແລະ ຕ້ານຢາເສບຕິດ ຫ້ອງຕຳຫຼວດ ປກສ ແຂວງບໍ່ແກ້ວ ໄດ້ລົງເຮັດບົດບັນທຶກ ແລະ ສືກສາອົບຮົມກ່າວເຕືອນໃຫ້ແກ່ເປົ້າໝາຍທີ່ເສບຢາເສບຕິດຢູ່ທີ່ບ້ານຫ້ວຍມ່ອນ ເມືອງຫ້ວຍຊາຍ ແຂງບໍ່ແກ້ວ ໂດຍການເປັນປະທານຂອງທ່ານ ພັທ ສົມລອງ ພົມມະສັກ ຄະນະພັກກອງບັນຊາການ ຫົວໜ້າຫ້ອງຕໍາຫຼວດ ປກສ ແຂວງບໍ່ແກ້ວ ມີຫົວໜ້າພະແນກ ຮອງພະແນກ ອຳນາດການປົກຄອງບ້ານ ຕະຫຼອດຮອດພໍ່ແມ່ປະຊາຊົນບ້ານຫ້ວຍມ່ອນເຂົ້າຮ່ວມຢ່າງພ້ອມພຽງ.



ພິທີດັ່ງກ່າວແມ່ນໄດ້ຮັບຄວາມຮ່ວມມືຈາກອຳນາດການປົກຄອງບ້ານ ແລະ ພໍ່ແມ່ປະຊາຊົນເປັນຢ່າງດີ ໃນການປຸກລະດົມໃຫ້ບັນດາເປົ້າໝາຍໄດ້ເຂົ້າມາຮັບຟັງ ເຊິ່ງຈຸດປະສົງໃນພິທີດັ່ງກ່າວແມ່ນເພື່ອແນໃສ່ໂຄສະນາເຖິງຜົນຮ້າຍຂອງຢາເສບຕິດ ແລະ ສືກສາອົບຮົມກ່າວເຕືອນກຸ່ມເປົ້າໝາຍທີ່ຫຼົງກະທຳຜິດໃນສິ່ງທີ່ບໍ່ດີ ໃຫ້ກັບຕົວກັບໃຈມາເປັນຄົນດີ ແລະ ໄດ້ເຮັດບົດບັນທືກສືກສາອົບຮົມປະໄວ້ ຖ້າຫາກວ່າກຸ່ມເປົ້າໝາຍນີ້ຍັງບໍ່ປ່ຽນແປງຕົນເອງ ແລະ ຍັງກະທຳຜິດອີກ ທາງເຈົ້າໜ້າທີ່ຂອງພວກເຮົາກໍ່ຈະນໍາຕົວມາດຳເນີນຄະດີຕາມລະບຽບກົດໝາຍ.





 


ໃນຕອນທ້າຍກໍ່ຍັງໄດ້ຮັບຟັງຄຳໂອ້ລົມຂອງທ່ານ ພັທ ສົມລອງ ພົມມະສັກ ກ່ອນອື່ນທ່ານກໍ່ໄດ້ກ່າວຄຳຂອບໃຈທີ່ພໍ່ແມ່ປະຊາຊົນ ແລະ ກຸ່ມເປົ້າໝາຍ ທີ່ໄດ້ມີຄວາມຕື່ນຕົວເຂົ້າມາຮັບຟັງສຶກສາອົບຮົມ ແລະ ເຮັດບົດບັນທຶກໃນຄັ້ງນີ້ ເຊິ່ງທ່ານກໍ່ໄດ້ຍົກໃຫ້ເຫັນເຖິງຜົນຮ້າຍຂອງຢາເສບຕິດ ແລະ ປຸກລະດົມໃຫ້ບັນດາກຸ່ມເປົ້າໝາຍໃຫ້ຫັນອອກຈາກຢາເສບຕິດ ບໍ່ໃຫ້ໄປຫຍຸ້ງກ່ຽວໃນສິ່ງທີ່ບໍ່ດີ ແລະ ໃຫ້ຫັນກັບກາຍມາເປັນຄົນດີຂອງສັງຄົມ.

ຂ່າວ: ຮຕ ລິນດາ ດວງປະເສີດ/ປກສ ແຂວງບໍ່ແກ້ວ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.