Header Ads

ປກສ ແຂວງ ບໍ່ແກ້ວ ໄດ້ມ້າງຄະດີກຸ່ມແກ້ງລັກລົດ ແລະ ມີອາວຸດເສີກໄວ້ໃນການຄອບຄອງ



ໃນວັນທີ 4 ກັນຍາ 2017 ນີ້ ຫ້ອງຕໍາຫຼວດ ພະແນກ ສືບສວນສອບສວນ ປກສ ແຂວງ ບໍ່ແກ້ວ ໄດ້ມ້າງຄະດີກຸ່ມແກ້ງລັກລົດ ແລະ ມີອາວຸດເສີກໄວ້ໃນການຄອບຄອງ.


ໃນຄັ້ງວັນທີ 1 ກັນຍາ 2017 ທາງເຈົ້າໜ້າທີ່ພະແນກສືບສວນ-ສອບສວນພວກເຮົາ ໄດ້ກັກຕົວຜູ້ຖືກຫາຕາມຄໍາສັ່ງຈັບຕົວຂອງຫົວໜ້າອົງການການໄອຍະການ ປະຊາຊົນ ແຂວງບໍ່ແກ້ວທີ່ຖືກສັກທອດ ຈາກກຸ່ມແກ້ງລັກສັບຂອງພົນລະເມືອງມາສືບສວນ-ສອບສອນ.



ເຊິ່ງໃນຂະບວນການມີ ທ້າວ ອຸ່ນສັກ ຄໍາໄຊ ອາຍຸ 27 ປີ ອາຊີບຫວ້າງງານ, ສັນຊາດລາວ, ຊົນເຜົ່າ ກຶມມຸ, ປັດຈຸບັນຢູ່ບ້ານໃຫຍ່ຫ້ວຍຊາຍເໜືອ, ເມືອງຫ້ວຍຊາຍ, ແຂວງບໍ່ແກ້ວ ຜູ້ກ່ຽວຮັບສາລະພາບວ່າມີວັດຖຸລະເບີດໄວ້ໃນການຄອບຄອງ, ພົວພັນກັບຢາເສບສິດ ແລະ ລັກຊັບ ພົນລະເມືອງໂດຍມີກຸ່ມແກ້ງນໍາກັນຄື: ທ້າວ ໄຊ ວິໄລສັກ ອາຍຸ 25 ປີອາຊີບຫວ່າງງານ, ສັນຊາດລາວ, ປັດຈຸບັນຢູ່ບ້ານ ຫ້ວຍຕາບ ເມືອງຫ້ວຍຊາຍແຂວງບໍ່ແກ້ວ, ທ້າວສົມສັກ ແກ້ວມະນີ ອາຊີບຫວ່າງງານ, ຊົນເຜົ່າ ກຶມມູ, ປັດຈຸບັນຢູ່ບ້ານປ່າອ້ອຍ, ເມືອງຫ້ວຍຊາຍ ແຂວງບໍ່ແກ້ວທ້າວ ປ້ອມ ບຸນຕີ ອາຍຸ 36ປີ, ອາຊີບເຮັດນາ, ສັນຊາດລາວ, ຊົນເຜົາລາວລຸ່ມ, ປັດຈຸບັນຢູ່ບ້ານຫ້ວຍຕາບ, ເມືອງຫ້ວຍຊາຍ, ແຂວງບໍ່ແກ້ວ, ທ້າວ ທູນສັກ ປັນຍາວິຈິດ ອາຍຸ 28 ປິ, ອາຊີບ ກໍາມະກອນ, ສັນຊາດລາວ, ຊົນເຜົ່າ ລາວລຸ່ມ, ປັດຈຸບັນຢູ່ບ້ານບໍ່ແກ້ວ, ເມືອງຫ້ວຍຊາຍ, ແຂວງບໍ່ແກ້ວ
ທັງໝົດໃຫ້ການສາລະພາບວ່າໄດ້ເຄື່ອນໄຫວລັກຊັບພົນລະເມືອງມາແລ້ວຫຼາຍໆຄັ້ງ, ໂດຍສະເພາະແມ່ນການລັກລົດຈັກ ແລະ ວັດຖຸມີຄ່າທີ່ສາມາດນໍາມາຂາຍໄດ້ ສ່ວນເງິນທີ່ໄດ້ມານັ້ນແມ່ນແບ່ງກັນ ເອົາໄປຈ່າຍຫຼິ້ນກິນຈົນໝົດ ແລະ ຊື້ຢາເສບຕິດເສບ, ລົດຈັກທີ່ນໍາມາບາງຄັນກໍດັດແປງສະພາບລົດ ພົ່ນສີ ດັດແປງເຕັກນິກເພື່ອບໍ່ໃຫ້ເຈົ້າໜ້າທີ່ກວດພົບເຫັນ...ເຈົ້າໜ້າທີ່ຍັງໄດ້ກວດພົບເຫັນປ້າຍລົດຈໍານວນ 2 ປ້າຍ ເງິນບາດ 2ພັນບາດ, ລະເບີດ 1 ລູກ, ປືນແກັບ 1 ກະບອກ, ງ້າວ 1 ດວງ.




ໃນຕອນທ້າຍທ່ານ ພັທ ຄໍາດີ ເກດພິນດາ ຮອງຫ້ອງຕໍາຫຼວດ ປກສ ແຂວງບໍ່ແກ້ວ ກໍ່ຍັງໃຫ້ຄວາມຄິດເຫັນກ່ຽວກັບເຫດການໃນຄັ້ງນີ້ ແລະ ຝາກມາຍັງພໍ່ແມ່ປະຊາຊົນໃຫ້ມີຄວາມລະມັດລະວັງກ່ຽວກັບສັບສິນອັນມິຄາ,ຈົ່ງມີສະຕິທຸກຍາມ, ເພື່ອບໍ່ໃຫ້ເປັນທີ່ລໍ້ໃຈແກ່ຄົນບໍ່ດີ ແລະ ຊ່ວຍເປັນຫູຕາໃຫ້ແກ່ເຈົ້າໜ້າຂອງພວກເຮົາ.....ເຈົ້າໜ້າທີ່ເຮົາຍັງໄດ້ມອບລົດຈັກທີ່ຖືກລັກໄປມອບຄືນໃຫ້ແກ່ເຈົ້າຂອງເດີມ.




ຂ່າວ: ຮທ ວິທູນ ແກ້ວກັນຍາ/ປກສ ແຂວງບໍ່ແກ້ວ 
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com




No comments

Powered by Blogger.