Header Ads

ກອງບັນຊາການ ປກສ ແຂວງບໍ່ແກ້ວ ໄດ້ປິດຝຶກອົບຮົບວຽກງານວ່າດ້ວຍການຕ້ານແລະສະກັດກັ້ນການຄ້າມະນຸດ




ໃນວັນທີ 22 ກັນຍາ ທີ່ຜ່ານມານີ້ພະແນກ ຕ້ານການຄ້າມະນຸດ ຫ້ອງຕໍາຫຼວດ ກອງບັນຊາການ ປກສ ແຂວງບໍ່ແກ້ວ ໄດ້ປິດຝຶກອົບຮົບວຽກງານວ່າດ້ວຍການຕ້ານແລະສະກັດກັ້ນການຄ້າມະນຸດໂດຍການເປັນປະທານຂອງທ່ານ ພັທ ສະຫວາດ ວັນນະສິນ ຮອງເລຂາຄະນະພັກ ຮອງກອງບັນຊາການ ປກສແຂວງບໍ່ແກ້ວ ໂດຍການໃຫ້ກຽດເຂົ້າຮ່ວມຂອງທ່ານ ພັທ ສາລີ ພຸດທະວົງ ຮອງຫົວໜ້າກົມຕໍາຫຼວດ ຕ້ານສະກັດກັ້ນການຄ້າມະນຸດມີຫົວໜ້າ ພະແນກ ຮອງພະແນກ ບັນດານັກສໍາມະນາກອນເຂົ້າຮ່ວມ.

 


ທ່ານ ພັທ ສາລີ ພຸດທະວົງ ຮອງຫົວໜ້າກົມຕໍາຫຼວດ ຕ້ານສະກັດກັ້ນການຄ້າມະນຸດກໍ່ໄດ້ສະຫຼຸບໂດຍຫຍໍ້ກ່ຽວກັບວຽກງານ ແລະ ບົດຮຽນທີ່ໄດ້ຮຽນມາ ຕອບຄໍາຖາມກ່ຽວກັບບັນຫາທີ່ນັກສໍາມະນາກອນ ຍັງຄ້າງຄາໃຈ ຍັງບໍ່ເຂົ້າໃຈເລີກເຊິ່ງ ທ່ານໄດ້ອະທິບາຍເຖິງສະພາຍການຄ້າມະນຸດແມ່ນການເຄື່ອນໄຫວຫຼາຍຮູບແບບ, ຫຼາຍວິທີການໂດຍສະເພາະບັນຫາການຕົວະຍົວະຫຼອກລວງໃຫ້ແຕ່ງງານກັບຄົນຕ່າງປະເທດ, ການໄປອອກແຮງງານຢູ່ຕ່າງປະເທດ, ການຂູດຮີດທາງເພດ ແລະ ອື່ນໆ
ການຝຶກອົົບຮົບ ໃນຄັ້ງນີ້ແມ່ນມີຄວາມໝາຍສໍາຄັນຕໍ່ກັບພະນັກງານ ເຮັດໃຫ້ວຽກງານການຕ້ານການຄ້າມະນຸດ ພາຍໃນແຂວງບໍ່ແກ້ວ ແລະ ບັນດາເມືອງຕ່າງໆທີ່ມາເຂົ້າຮ່ວມຝຶກອົບຮົບ...ເພື່ອເຮັດໃຫ້ພະນັກງານເຈົ້າໜ້າທີ່ ທີ່ເຮັດວຽກງານດັ່ງກ່າວໄດ້ມີຄວາມຮັບຮູ້ ແລະ ເຂົ້າໃຈຕໍ່ໜ້າວຽກຂອງຕົນເອງໂດຍສະເພາະການແກ້ໄຂບັນຫາທີ່ເກີດຂຶ້ນ ຈາກການຄ້າມະນຸດ ໃຫ້ທັນກັບສະພາບການ ຖືກຕ້ອງຕາມຫຼັກການວິຊາສະເພາະ ແລະ ສອດຄ້ອງກັບສະພາບຕົວຈິງ.




ການຝຶກອົບຮົມດັ່ງກ່າວໄດ້ຍົກລະດັບຄວາມຮັບຮູ້ ໃຫ້ແກ່ພະນັກງານມີຄວາມສໍາຄັນ ໃນການປັບປຸງວຽກງານວິຊາສະເພາະຂອງຕໍ່າຫຼວດສະກັດກັ້ນ ແລະ ຕ້ານການຄ້າມະນຸດ ໃຫ້ມີຄວາມໜັກແໜ້ນຂຶ້ນເລື້ອຍໆ. ໃນຕອນທ້າຍ ທ່ານ ພັທ ສະຫວາດ ວັນນະສິນ ຮອງເລຂາຄະນະພັກ ຮອງກອງບັນຊາການກໍ່ໄດ້ມອບໃບຍັ່ງຢືນໃຫ້ແກ່ນັກສໍາມະນາກອນທີ່ຈົບການຝຶກອົບໃນຄັ້ງນີ້.


ຂ່າວ ຮທ ວິທູນ ແກ້ວກັນຍາ/ປກສ ແຂວງບໍ່ແກ້ວ  

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com





loading...

No comments

Powered by Blogger.