Header Ads

ເມືອງປາກຊ່ອງເປີດກອງປະຊຸມປຶກສາຫາລືກ່ຽວກັບການກວດກາ ແລະຄຸ້ມຄອງການເກັບຊື້ຜົນຜະລິດກາເຟ.



ກອງປະຊຸມປຶກສາຫາລືກ່ຽວກັບການກວດກາ ແລະຄຸ້ມຄອງການເກັບຊື້ຜົນຜະລິດກາເຟຢູ່ເຂດພູພຽງບໍລະເວນ ປະຈຳປີ 2017 ຈັດຂຶ້ນທີ່ສະໂມສອນເມືອງປາກຊ່ອງ ແຂວງຈຳປາສັກ ໃນຕອນເຊົ້າວັນທີ 8 ກັນຍາ 2017 ໂດຍການເປັນປະທານ ຂອງທ່ານ ວິຈິດ ແກ້ວບົວພາ ເຈົ້າເມືອງໆປາກຊ່ອງ,ທ່ານ ຄຳໝັ້ນ ພັນທະລາ ຮອງຫົວໜ້າພະແນກອຸດສະຫະກຳ ແລະ ການຄ້າແຂວງ,ມີຜູ້ຕາງໜ້າສະມາຄົມກາເຟລາວ,ຫົວໜ້າ ແລະຮອງຕະຫຼອດຮອດພະນັກງານຫ້ອງການອຸດສະຫະກຳ - ການຄ້າເມືອງ,ບັນດາບໍລິສັດເກັບຊື້ກາເຟ,ສະຫະກອນ ແລະ ຕົວແທນຊາວສວນຜູ້ຜະລິດກາເຟເຂົ້າຮ່ວມ.



ກອງປະຊຸມຄັ້ງນີ້ໄດ້ສະຫຼຸບຕີລາຄາສະພາບການກວດກາ ແລະເກັບຊື້ຜົນຜະລິດກາເຟໃນປີ 2016 ຜ່ານມາ,ຍົກໃຫ້ເຫັນຂໍ້ສະດວກ,ຂໍ້ຫຍຸ້ງຍາກ ແລະແຜນການກວດກາ,ຄຸ້ມຄອງ ແລະແກ້ໄຂການໃນປີຕໍ່ໄປ 2017 - 2018.




ໃນປີ 2016 ຜ່ານມາທົ່ວເມືອງປາກຊ່ອງມີເນື້ອທີ່ປູກກາເຟທັງໝົດ 50.000 ເຮັກຕາ,ໃນນັ້ນເນື້ອທີ່ສາມາດໃຫ້ໝາກໄດ້ 44.000 ເຮັກຕາ,ມີບໍລິສັດເກັບຊື້ກາເຟທົ່ວເມືອງປາກຊ່ອງ 13 ບໍລິສັດ,ລາຄາເກັບຊື້ກາເຟກາຕີມໍໝາກແດງ ຕໍ່າສຸດ1.500 ກີຕໍ່ກິໂລ,ສູງສຸດ 3.500 ກີບຕໍ່ກິໂລ,ໝາກຂາວຕໍ່າສຸດ 10.000 ກີບຕໍ່ກິໂລ,ສູງສຸດ 15.000 ກີບຕໍ່ກິໂລ,ກາເຟ ໂຣບຸດສະຕາ ໝາກສີ ລາຄາ ແຕ່ 16.000 ກີບຫາ 16.800 ກີບຕໍ່ກິໂລ.ສ່ວນສະພາບການຊື້ -ຂາຍທາງດ້ານລາຄາ ແມ່ນອີງຕາມການຂຶ້ນ,ລົງຂອງຕະຫຼາດໂລກ.ກາເຟທີ່ຜະລິດຈາກພູພຽງບໍລະເວນເມືອງປາກຊ່ອງແມ່ນໄດ້ສົ່ງໄປຂາຍຢູ່ຕ່າງປະເທດຈໍານວນ 23 ປະເທດ ລວມທັງໝົດ 23.000 ກ່ວາໂຕນເທົ່າກັບ 80% , ໃນນັ້ນນັ້ນຂາຍພາຍໃນ 20%.




ເພື່ອເຮັດໃຫ້ການກວດກາ ແລະຄຸ້ມຄອງການເກັບຊື້ຜົນຜະລິດກາເຟມີປະສິດທິພາບ,ເປັນເອກະພາບກັນປະຕິບັດຢ່າງເຂັ້ມງວດ ໃນການເຄື່ອນໄຫວທຸລະກິດດ້ານກາເຟ ໃນກອງປະຊຸມຍັງໄດ້ເຜີຍແຜ່ຄຳສັ່ງ - ແຈ້ງການຂອງສຳນັກງານນາຍົກລັດຖະມົນຕີ ແລະ ຂອງກະຊວງກະສີກຳ - ປ່າໄມ້ວ່າດ້ວຍການເພີ່ມທະວີຄວາມເອົາໃຈໃສ່ຕໍ່ການກວດກາ ແລະຄຸ້ມຄອງການເກັບຊື້ຜົນຜະລິດກາເຟ ແລະ ບາງເນື້ອໃນຍຸດທະສາດການພັດທະນາກາເຟລາວແຕ່ປີ 2016 - 2025 .ພ້ອມທັງໄດ້ຜັດປ່ຽນກັນປະກອບຄຳຄິດຄຳເຫັນເນັ້ນໃສ່ຫາທາງອອກຊ່ວຍກັນໃນການປັບປຸງການຄຸ້ມຄອງເກັບຊື້ກາເຟ ໃຫ້ເປັນລະບົບລວມສູນ ບໍເອົາລັດເອົາປຽບຊາວສວນທາງດ້ານລາຄາ ຈິ່ງຈະນຳຜົນປະໂຫຍດຕົວຈິງມາສູ່ລັດ,ລວມໝູ່ ແລະ ບຸກຄົນກໍຄືຜູ້ຜະລິດນັບມື້ນັບຫຼາຍເທົ່າທີ່ຈະຫຼາຍໄດ້.




ທີ່ມາ: ວິທະຍຸກະຈາຍສຽງແຫ່ງຊາດ 
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.