Header Ads

ດອກສຸຣິ ຈັດໜັກພາກກາງຂອງລາວ 15 ກັນຍາ! ກໍາລັງມຸ້ງໜ້າ ມານະຄອນຫຼວງວຽງຈັນ ເຊົ້າ 16 ກັນຍາ ແນ່ນອນ!


ສະພາບອາກາດ: ລາຍງານຈາກ ປະຊາຊົນ ພາກກາງ ແຕ່ສະຫວັນນະເຂດ, ຄຳມ່ວນ ແລະ ບໍລິຄໍາໄຊ, ລວມໄປເຖິງບາກເຂດຂອງ ໄຊສົມບູນ ແມ່ນໄດ້ມີສະພາບ ຟ້າລົມຝົນຕົກ ແຕ່ເຊົ້າ ວັນທີ 15 ກັນຍາ 2017. ສະພາບດັ່ງກ່າວ ໄດ້ເຮັດໃຫ້ຫຼາຍເຂດໄດ້ຮັບຜົນກະທົບ. ຕົ້ນໄມ້ໃຫຍ່ແຄມທາງ ຫັກ ເຮັດໃຫ້ການສັນຈອນ ໄປມາຍາກ ໃນຫຼາຍບອ່ນ.



ຜົນເສຍຫາຍ ທາງຊີວິດອິນຊີ ແລະ ຊັບສິນຂອງປະຊາຊົນ ແມ່ນຫຍັງບໍ່ທັນມີລາຍງານ. ກໍ່ໃຫ້ທຸກຄົນລະມັດລະວັງ.

ຈາກການພະຍາກອນ ພາຍຸລູກນີ້ ຈະເຄື່ອນຕົວ ຂຶ້ນມາຮອດ ນະຄອນຫຼວງວຽງຈັນ ເວລາປະມານ 9:00 ວັນທີ 16 ກັນຍາ 2017. ແນ່ນອນ ຈະເຮັດໃຫ້ເກີດມີສະພາບຝົນຕົກໝົດມື້ ແລະ ອາດມີລົມແຮງຕາມມາ. ກໍ່ໃຫ້ທຸກຄົນກຽມພ້ອມ ແລະ ມີສະຕິລະວັງຕົວ.  ຈາກນັ້ນ ມັນກໍ່ຈະຜ່ານໄປທາງໄຊຍະບູລີ ແລະ ບາງສ່ວນຂອງຫຼວງພະບາງ ຄວາມແຮງອາດຫຼຸດລົງ ແຕ່ ປະລິມານນໍ້າຝົນ ອາດຍັງຫຼາຍ ເພາະສະນັ້ນ ເຂດພາກເໜືອ ຂໍໃຫ້ລະວັງ ນໍ້າຖ້ວມກະທັນຫັນ ແລະ ນໍ້າປ່າຊຸແຮງ.


ສະພາບຄວາມເສຍຫາຍ ທີ່ສະຫວັນນະເຂດ ແລະ ຄຳມ່ວນ








ຂ່າວກ່ອນໜ້ານີ້


ລະວັງພາຍຸມາສອງລູກ ວັນທີ 15-17 ກັນຍາ 2017 ພາກກາງ ແລະ ພາກເໜືອ ລະວັງ! ອ່ານແລະແຈ້ງໃຫ້ທຸກຄົນໄດ້ຮັບຊາບແດ່ເດີ.

ແຈ້ງ​ເຕືອນ​ໄພ ພາ​ຍຸ​ໝຸນ​ເຂດ​ຮ້ອນ ໃນ​ໄລ​ຍະ​ວັນ​ທີ 15 – 17 ກັນ​ຍາ 2017
ກົມອຸຕຸນິຍົມວິທະຍາ ໄດ້ອອກແຈ້ງເຕືອນກ່ຽວກັບພາຍຸໝຸນເຂດຮ້ອນ ດອກສຸຣິ (Doksuri) ເຊິ່ງກຳລັງເຄື່ອນທີ່ຈາກເຂດທະເລຈີນໃຕ້ ເຂົ້າສູ່ປະເທດລາວດ້ວຍຄວາມໄວ 20 ກິໂລແມັດຕໍ່ຊົ່ວໂມງ.

ໂດຍໃນວັນທີ 14 ກັນຍາ ພາຍຸຫົວນີ້ໄດ້ເພີ່ມກຳລັງແຮງເປັນພາຍຸໃຕ້ຝຸ່ນ ເຊິ່ງຈະເຄື່ອນທີ່ເຂົ້າຜ່ານແຂວງ ບໍລິຄຳໄຊ, ໄຊສົມບູນ ແລະ ຊຽງຂວາງ ໃນຕອນເຊົ້າຂອງວັນທີ 16 ກັນຍານີ້. ຈາກນັ້ນຈຶ່ງຫຼຸດກຳລັງລົງເປັນພາຍຸດີເປຣສຊັນໃນວັນທີ 17 ກັນຍາ ເຊິ່ງແຂວງທີ່ໄດ້ຮັບຜົນກະທົບປະກອບມີ: ຫຼວງພະບາງ, ອຸດົມໄຊ ແລະ ບໍ່ແກ້ວ.ການເຄື່ອນທີ່ຂອງພາຍຸຫໄົວນີ້ຈະເຮັດໃຫ້ເກີດມີຝົນຕົກໃນລະດັບປານກາງຫາໜັກຢູ່ບໍລິເວນແຂວງພາກກາງ ແລະ ພາກເໜືອທີ່ກ່າວມາຂ້າງຕົ້ນໃນລະຫວ່າງວັນທີ 15 ຫາ 17 ກັນຍານີ້.

ສະນັ້ນ ທຸກຄົນທີ່ອາໄສຢູ່ໃນພາກກາງ ແລະ ພາກເໜືອຈົ່ງມີສະຕິກຽມພ້ອມຮັບມືພາຍຸໝຸນເຂດຮ້ອນດັ່ງກ່າວ ເຊິ່ງອາດເຮັດໃຫ້ເກີດນໍ້າຖ້ວມໄຫຼຊຸ, ດິນເຈື່ອນ, ນໍ້າຖ້ວມອັ່ງ ແລະ ລົມພັດແຮງ. ພ້ອມທັງກະກຽມເຄື່ອນຍ້າຍຊັບສິນ ແລະ ສັດລ້ຽງໄປໄວ້ບ່ອນທີ່ປອດໄພ ແລະ ຕິດຕາມການລາຍງານສະພາບອາກາດຈາກກົມອຸຕຸນິຍົມວິທະຍາ ແລະ ອຸທົກກະສາດຢ່າງເປັນປົກກະຕິ.


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com





loading...

No comments

Powered by Blogger.