Header Ads

ເຈົ້າໜ້າທີ່ພະແນກຕຳຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງຫຼວງນໍ້າທາ ຈັບຕົວຜູ້ຖືກຫາໄດ້ 1 ຄົນ ພ້ອມຢາບ້າ 20 ມັດ ເທົ່າກັບ 40.000 ເມັດ ທີ່ຊຸກເຊື່ອງໃນຖົງເປ້




ໃນວັນທີ 19 ກັນຍາ 2017 ຜ່ານມານີ້ ເຈົ້າໜ້າທີ່ໄດ້ສືບຮູ້ວ່າຈະມີການເຄື່ອນໄຫວຄ້າຂາຍຢາເສບຕິດຢູ່ເຂດເມືອງລອງ ໂດຍນຳໃຊ້ລົດຈັກເປັນພາຫະນະຂົນສົ່ງ ຈາກນັ້ນ ເຈົ້າໜ້າທີ່ຈຶ່ງຕັ້ງຈຸດກວດ ເພື່ອສະກັດຈັບຜູ້ຄ້າຂາຍ ຕົກມາຮອດເວລາປະມານ 11:30 ໂມງ ພົບເປົ້າໝາຍທີ່ຖືກສົງໄສ ຂັບຂີ່ລົດຈັກມາຈາກບ້ານຊຽງກົກເກົ່າ ພ້ອມດ້ວຍຖົງເປ້ ເຈົ້າໜ້າທີ່ຈຶ່ງໄດ້ຂໍອະນຸຍາດກວດກາ ພົບຂອງກາງຢາບ້າຊຸກເຊື່ອງໄວ້ໃນຖົງເປ້ ຈຳນວນ 20 ມັດ ແລ້ວກັກຕົວຜູ້ຄ້າຂາຍມາສອບສວນ.

ຜູ້ຖືກຫາຊື່ທ້າວ ຈ່າລໍຊີ ອາຍຸ 25 ປີ ປະຊາຊົນບ້ານຈ່າຢີ ເມືອງລອງ ແຂວງຫຼວງນ້ຳທາ ໄດ້ໃຫ້ການສາລະພາບວ່າ: ຢາບ້າຈຳນວນ 20 ມັດແມ່ນຂອງຕົນເອງແທ້ ໄດ້ໄປຕິດໜີ້ເອົານຳຜູ້ຮ່ວມຂະບວນການ ບໍ່ຮູ້ຊື່ ເປັນຄົນມຽນມາ ແລ້ວຈະມາຂາຍຕໍ່ໃຫ້ຄູ່ຮ່ວມຂະບວນການ ແຕ່ບໍ່ທັນໄດ້ຂາຍ ກໍ່ຖືກເຈົ້າໜ້າທີ່ຮູ້ທັນ ແລະ ຈັບຕົວໄດ້.

ຂ່າວ : VTM (Via ຂ່າວນະຄອນຫຼວງວຽງຈັນ)
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



loading...

No comments

Powered by Blogger.