Header Ads

ພິທີປະດັບຫລຽນໄຊເອກະລາດຊັ້ນ III ຂອງປະທານປະເທດ ແຫ່ງ ສສ ຫວຽດນາມໃຫ້ແກ່ການນຳແຂວງຫຼວງນໍ້າທາ




ແຂວງຫຼວງນໍ້າທາ 08 ກັນຍາ 2017 : ພິທີປະດັບຫລຽນໄຊເອກະລາດຊັ້ນ III ຂອງປະທານປະເທດແຫ່ງ ສສ ຫວຽດນາມໃຫ້ແກ່ອາດີດການນຳແຂວງຫຼວງນໍ້າທາ ໄດ້ຈັດຂື້ນໃນວັນທີ 8 ກັນຍາ 2017 ຢູ່ທີ່ສະໂມສອນແຂວງ ເປັນກຽດເຂົ້າຮ່ວມຂອງທ່ານ ບຸນຍີ ແກ້ວຄູນເມືອງ ຮອງເລຂາພັກແຂວງ ຮອງເຈົ້າແຂວງໆຫຼວງນໍ້າທາ ສປ ປ ລາວພ້ອມດ້ວຍຄະນະ, ທ່ານ ຫງວ່ຽນ ຮື່ວດົງ ກຳມະການສຳຮອງສູນກາງພັກ ຮອງເລຂາພັກແຂວງເຊີນລາ ແຫ່ງສສຫວຽດນາມພ້ອມດ້ວຍຄະນະ, ມີບັນດາພະນັກງານວິຊາການທີ່ກ່ຽວຂ້ອງທັງສອງຝ່າຍເຂົ້າຮ່ວມ.



ການປະດັບຫລຽນໄຊໃຫ້ແກ່ການນຳແຂວງຫຼວງນໍ້າທາໃນຄັ້ງນີ້ມີ ບັນດາທ່ານທີ່ມີຜົນງານໄດ້ຮັບຫລຽນໄຊມີ 4 ທ່ານ ຄື: ທ່ານ ບຸນຍີ ແກ້ວຄູນເມືອງ ຮອງເລຂາພັກແຂວງ ຮອງເຈົ້າແຂວງ, ທ່ານ ປອ ເພັງພາວັນ ດາວພອນຈະເລີນ ຄະນະປະຈຳພັກແຂວງ ຮອງເຈົ້າແຂວງ ແຂວງຫຼວງນໍ້າທາ, ທ່ານ ສີມູນ ທູນພູວຽງ ອາດີດຮອງເລຂາພັກແຂວງຮອງເຈົ້າແຂວງ ແລະ ທ່ານ ພັນທອງ ພິດທຸມມາ  ອາດີດ ຮອງເຈົ້າແຂວງ, ຈາກນັ້ນການນຳທັງສອງຝ່າຍຍັງໄດ້ຮ່ວມກັນມອບ - ຮັບສະໂມສອນຫລັງໃໝ່ໃຫ້ໂຮງຮຽນສາມັນກິນນອນຊົນເຜົ່າແຂວງຫຼວງນໍ້າທາ, ໄດ້ຮັບທືນຊ່ວຍເຫລືອລາຈາກແຂວງເຊີນລາ ສສ ຫວຽດນາມ 5 ຕື້ດົງ ແລະ ບໍລິສັດສົມປະສົງກໍ່ສ້າງຊ່ວຍເຫລືອ 310 ລ້ານດົງລວມມູນຄ່າທັງໝົດ 1 ຕື້ 969 ລ້ານ 3 ແສນກ່ວາກີບ.

ຂ່າວ- ພາບ ສົມພອນ ຂຸນດາວົງ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.