Header Ads

ລັດຖະມົນຕີກະຊວງປ້ອງກັນປະເທດ ແຫ່ງ ສປ ຈີນ ເຄື່ອນໄຫວ ຢ້ຽມຢາມ ແລະ ເຮັດວຽກ ຢູ່ ສປປ ລາວ



ໃນວັນທີ 13 ກັນຍາ 2017 ,ທີ່ກະຊວງປ້ອງກັນປະເທດ ທ່ານ ພົນໂທ ຈັນສະໜອນ ຈັນຍາລາດ ກຳມະການກົມການເມືອງສູນກາງພັກ, ລັດຖະມົນຕີກະຊວງປ້ອງກັນປະເທດ ແຫ່ງ ສປປ ລາວ ໄດ້ຕ້ອນຮັບຄະນະຜູ້ແທນ ການທະຫານຂັ້ນສູງ ສປ ຈີນ ເຊິ່ງນຳໂດຍ ທ່ານ ພົນເອກ ສາງວ້ານສວນ ທີ່ປຶກສາແຫ່ງລັດ ,ລັດຖະມົນຕີກະຊວງປ້ອງກັນປະເທດ ແຫ່ງ ສປ ຈີນ ໂອກາດ ທີ່ຄະນະເດີ່ນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ລະຫວ່າງວັນທີ 13-14 ກັນຍານີ້.



ພິທີຕ້ອນຮັບໄດ້ຈັດຂື້ນຢ່າງສົມກຽດ ຈາກນັ້ນ,ໄດ້ມີການພົບປະສອງຝ່າຍເຊິ່ງ ທັງສອງ ກອງທັບ ລາວ-ຈີນ ໄດ້ແຈ້ງສະພາບແຜນການເຄື່ອນໄຫວໃຫ້ກັນຊາບກ່ຽວກັບສະພາບພົ່ນເດັ່ນທາງດ້ານການເມືອງ ເສດຖະກິດ-ສັງຄົມຂອງສອງປະເທດໂດຍສະເພາະແມ່ນດ້ານວຽກງານປ້ອງກັນຊາດທີ່ຕ່າງຝ່າຍມີຄວາມສົນໃຈ ແລະ ໄດ້ທົບທວນຄືນການຮ່ວມມືລະຫວ່າງ ສອງກະຊວງປ້ອງກັນປະເທດ ລາວ-ຈີນ,ຈີນ-ລາວ ໃນໄລຍະຜ່ານມາແລະທິດທາງຮ່ວມມືໃນຕໍ່ຫນ້າ,ທັງນີ້ຍັງແນ່ໃສ່ເພີ່ມທະວີການຮ່ວມມືດ້ານການທະຫານຢ່າງຮອບດ້ານລະຫວ່າງສອງກະຊວງປ້ອງກັນປະເທດ ລາວ-ຈີນ ໃຫ້ມີຄວາມເຂັ້ມແຂງ ແລະ ຂະຫຍາຍຕົວຢ່າງບໍ່ຢຸດຢັ້ງ. ສອງຝ່າຍຍັງໄດ້ ລົງນາມແຜນການຮ່ວມມືນຳກັນ ໃນການແລກປ່ຽນຄະນະຜູ້ແທນການທະຫານຂັ້ນສູງ,ການກໍ່ສ້າງບຸກຄະລາກອນ,ປັບປຸງກົນໄກຄົບຖ້ວນວຽກງານການຮ່ວມມືປ້ອງກັນຊາຍແດນ,ວຽກງານການເມືອງ ແລະ ສປ ຈີນ ເຫັນດີຈະສືບຕໍ່ໃຫ້ການຊ່ວຍເຫລືອທາງດ້ານອຸປະກອນເຕັກນິກທາງການທະຫານ ໃຫ້ແກ່ກອງທັບປະຊາຊົນ ລາວ. 





ໂອກາດນີ້, ທ່ານ ພົນໂທ ຈັນສະໝອນ ຈັນຍາລາດ ໄດ້ສະແດງຄວາມຍິນດີຕ້ອນຮັບ ແລະ ຕີລາຄາສູງຕໍ່ການເດີນທາງມາຢ້ຽມຢາມ ແລະ ເຮັດວຽກ ຢູ່ ສປປ ລາວ ຂອງທ່ານ ພົນເອກ ສາງວ້ານສວນ ພ້ອມຄະນະຜູ້ແທນການທະຫານຂັ້ນສູງ ສປ ຈີນ ເຊິ່ງເປັນການປະກອບສ່ວນເຂົ້າໃນການເສີມຂະຫຍາຍສາຍພົວພັນການຮ່ວມມື ລະຫວ່າງປະຊາຊົນສອງຊາດ ລາວ-ຈີນ ໃຫ້ໄດ້ຮັບການເພີ່ມພູນຄູນສ້າງ ແລະ ຂະຫຍາຍຕົວທັງທາງກວ້າງ ແລະ ທາງເລິກ ພ້ອມທັງສະແດງຄວາມຂອບໃຈ ຕໍ່ລັດຖະບານ ສປ ຈີນ ກໍ່ຄື ກະຊວງປ້ອງກັນປະເທດ ສປ ຈີນ ທີ່ໄດ້ໃຫ້ການສະໜັບສະໜູນ, ຊ່ວຍເຫລືອ ແກ່ ສປປ ລາວ ດ້ວຍດີຕະຫລອດມາ.ພ້ອມດຽວກັນ,ໄດ້ມີພິທີປະດັບຫລຽນໄຊພັດທະນາ ຊັ້ນ I ຢ່າງສົມກຽດໃຫ້ແກ່ ກອງທັບປົດປ່ວຍປະຊາຊົນ ຈີນ ທີ່ມີຜົນງານຄຸນງາມຄວາມດີປະກອບສ່ວນຊ່ວຍເຫລືອລ້າທາງດ້ານວັດຖຸ-ອຸປະກອນ ແລະພາຫະນະເຂົ້າໃນການກະກຽມແລະຈັດກອງປະຊຸມລັດທະມົນຕີປ້ອງກັນປະເທດອາຊຽນ ຄັ້ງທີ 10 ທີ່ກະຊວງປ້ອງກັນປະເທດ ແຫ່ງ ສປປ ລາວ ຮັບກຽດເປັນເຈົ້າພາບ ໄດ້ຮັບຜົນສຳເລັດເປັນຢ່າງດີ .ຜົນງານດັ່ງກ່າວເປັນການປະກອບສ່ວນທີ່ສຳຄັນໃນການເສີມຂະຫຍາຍພົວພັນມິດຕະພາບແລະການຮ່ວມມືຮອບດ້ານລະຫວ່າງ ລາວ-ຈີນ




ພາບ ແລະ ຂ່າວ: CRI FM 93 
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.