Header Ads

ກົມຈັດຕັ້ງ ແລະ ພະນັກງານ ກະຊວງ ຮສສ ປະກາດແຕ່ງຕັ້ງຍົກຍ້າຍ ຈຳນວນ ສາມ ຕໍາແໜ່ງ



ວັນທີ 25 ກັນຍາ 2017 ນີ້ ທີ່ກະຊວງແຮງງານ ແລະ ສະຫວັດດີການສັງຄົມ ( ຮສສ )ໄດ້ມີພິທີປະກາດແຕ່ງຕັ້ງ ຍົກຍ້າຍ ພະນັກງານ ຈຳນວນ ສາມ ທ່ານ ; ເພື່ອປະຕິບັດໜ້າທີ່ວຽກງານ, ການຊີ້ນຳ, ນຳພາ ທາງການເມືອງ ໃຫ້ມີການເຕີບໃຫຍ່ຂະຫຍາຍຕົວ ໃນຂົງເຂດວຽກງານແຮງງານ ແລະ ສະຫວັດດີການສັງຄົມ ເວົ້າລວມ, ເວົ້າສະເພາະກໍຄື ວຽກງານຢູ່ໃນ ກົມຈັດຕັ້ງ ແລະ ພະນັກງານ ໃນປັດຈຸບັນ ຢ່າງກ້ວາງຂວາງ ແລະ ເຂັ້ມແຂງກວ່າເກົ່າ; ພິທີດັ່ງກ່າວໂດຍການເຂົ້າຮ່ວມ ຂອງ ທ່ານ ຄຳຂານ ພິນສະຫວັນ ຫົວໜ້າກົມຈັດຕັ້ງ-ພະນັກງານ ກະຊວງແຮງງານ ແລະ ສະຫວັດດີການສັງຄົມ ( ຮສສ ), ມີບັນດາ ຫົວໜ້າພະແນກ, ຮອງພະແນກ ແລະ ວິຊາການຜາຍໃນກົມດັ່ງກ່າວ ເຂົ້າຮ່ວມ. 



ພິທີປະກາດແຕ່ງຕັ້ງ ຍົກຍ້າຍ ພະນັກງານ ຂອງກົມຈັດຕັ້ງ ແລະ ພະນັກງານ ໃນຄັ້ງນີ້ ປະກອບດ້ວຍ ການປະກາດ ແຕ່ງຕັ້ງ ແລະ ຍົກຍ້າຍ ທ່ານ ສາຍທອງ ອິດທິພົນ ຮອງຫົວໜ້າກົມຈັດຕັ້ງ ແລະ ພະນັກງານ ໄປເປັນຮອງກົມກວດກາ, ທ່ານ ນ. ອານົງຮັກ ຫວ່າງວັນທານຸວົງ ຫົວໜ້າພະແນກນະໂຍບາຍ ແລະ ຈັດການ ຂື້ນເປັນ ຮອງຫົວນ້າກົມຈັດຕັ້ງ ແລະ ພະນັກງານ ແລະ ທ່ານ ພົງທະວີ ໂຄດໂຍທາ ຫົວນ້າພະແນກກົງຈັກ-ພະນັກງານ ຂື້ນເປັນ ຮອງກົມຈັດຕັ້ງ ແລະ ພະນັກງານ.




ໃນໂອກາດດັ່ງກ່າວນີ້, ທ່ານ ຄຳຂານ ພິນສະຫວັນ ກໍໄດ້ໃຫ້ກຽດໂອ້ລົມ ແລະ ໃຫ້ທິດຊີ້ນໍາ ຕໍ່ບັນດາທ່ານຫົວໜ້າ ທີ່ໄດ້ຖືກແຕ່ງຕັ້ງ ແລະ ຍົກຍ້າຍ ຄັ້ງນີ້, ຈົ່ງເອົາໃຈໃສ່ເພີ່ມທະວີ ຄວາມຮັບຜິດຊອບ ແລະ ຄວາມເປັນເຈົ້າການ ໃນການຄົ້ນຄ້ວາ, ການບໍລິຫານວຽກງານຂອງຕົນ ໃຫ້ມີປະສິດທິພາບສູງຂຶ້ນ ເພື່ອຕອບສະໜອງຄວາມຮຽກຮ້ອງຕ້ອງການ ຂອງໜ້າທີ່ການເມືອງ ໃນປັດຈຸບັນ ກໍຄື ການບໍລິຫານ ວຽກງານແຮງງານ ແລະ ສະຫວັດດີການສັງຄົມ ໃຫ້ເຂົ້າສູ່ລວງເລິກ, ເປັນລະບົບທົ່ວເຖິງສັງຄົມ, ສຶກສາອົບຮົມ ການເມືອງແນວຄິດໃຫ້ ສະມາຊິກພັກ-ພະນັກງານ-ລັດຖະກອນ ໄດ້ເຊື່ອມຊຶມ ແລະ ເຊື່ອໝັ້ນຕໍ່ການນໍາພາ ຂອງພັກ ໃຫ້ມີ ຄວາມສາມັກຄີກົມກຽວ, ບຸກບືນຫ້າວຫັນຕໍ່ໜ້າທີ່ ວຽກງານທີ່ໄດ້ຮັບ ມອບ-ໝາຍ, ປະຕິບັດລະບຽບ ວິໄນຕໍ່ການຈັດຕັ້ງ, ມະຕິຄໍາສັ່ງ, ລະບຽບກົດໝາຍຂອງ ພັກ-ລັດ ວາງອອກຢ່າງເຂັ້ມງວດ; ພ້ອມນີ້, ກໍຕ້ອງໄດ້ມີການປະສານສົມທົບ ຢ່າງໜັກແໜ້ນ ແລະ ກົມກຽວຮ່ວມກັບບັນດາ ກົມໜ່ວຍງານວິຊາການຕ່າງໆ ທີ່ກ່ຽວຂ້ອງ ພາຍໃນກະຊວງ ແລະ ທ້ອງຖິ່ນ ເພື່ອເຮັດໃຫ້ວຽກງານ ເຄື່ອນໄຫວໄປຕາມ ພາລະບົດບາດ, ໜ້າທີ່, ຂອບເຂດສິດ ແລະ ລະບຽບກົດໝາຍ ກໍານົດໄວ້./.


ໂດຍ: ເພັດສະໄໝ/ ກະຊວງແຮງງານ ແລະ ສະຫວັດດີການສັງຄົມ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



loading...

No comments

Powered by Blogger.