Header Ads

ສວນນໍ້າພຸ ທີ່ຖືກປິດລ້ອມດ້ວຍຮົ້ວຂອງຮ້ານອາຫານ ກໍາລັງໄດ້ຮັບການບຸລະນະໃໝ່ ເພື່ອໃຫ້ໄດ້ບັນຍາກາດດັ່ງເດີມຄືນມາ!



ຖ້າທ່ານໃດ ໄດ້ມີໂອກາດ ຂີ່ກາຍເຂດນໍ້າພຸ ນະຄອນຫຼວງວຽງຈັນ ກໍ່ຈະເຫັນວ່າ ກໍາລັງມີການກໍ່ສ້າງ ສ້ອມແປງ.  ສະຖານທີ່ ດັ່ງກ່າວແມ່ນ ພາກເອກະຊົນ ໄດ້ມີການສຳປະທານ ເພື່ອເຮັດການພັດທະນາ ເຮັດເປັນອາຫານອາຫານ ແລະ  ປັບປຸງ ນໍ້າພຸ ໃຫ້ມີຄວາມສວຍງານ.

ເຊິ່ງຫຼາຍທ່ານຄົງຮູ້ດີ ກັບຮ້ານອາຫານ ມິກ ທີ່ໄດ້ເປີດບໍລິການມາໄດ້ຫຼາຍປີ. ແຕ່ສິ່ງທີ່ຫາຍໄປຄືບັນຍາກາດ ຄວາມເປັນສາທາລະນະ ເພາະສວນດັ່ງກ່າວໄດ້ຖືກປິດບັງດ້ວຍຮົ້ວ ແລະ ຮ້ານອາຫານ ທີ່ອ້ອມເກືອບໝົດທຸກດ້ານ. ຜູ້ຄົນທົ່ວໄປ ກໍ່ບໍ່ຄ່ອຍຈະໄປ ທ່ຽວພໍປານໃດ. ຈະມີກໍ່ແຕ່ ລູກຄ້າທີ່ໄປກິນອາຫານ ໂດຍສ່ວນໃຫຍ່.

ຍ້ອນແນວນີ້, ທາງຜູ້ໄດ້ສຳປະທານ ຈິ່ງໄດ້ປັບແນວຄວາມຄິດໃໝ່ ເພື່ອໃຫ້ດຶງເອົາບັນຍາກາດ ແລະ ຄວາມຮູ້ສຶກກ່ອນໆ ເຮັດໃຫ້ຊາວນະຄອນຫຼວງວຽງຈັນ ແລະ ແຂກທ່ອງທ່ຽວ ຍັງຄົງຮູ້ວ່າ ສວນນໍ້າພຸ ຍັງຄົງເປີດໃຫ້ໄປທ່ຽວຊົມ ໂດຍທີ່ບໍ່ເສຍຄ່າ ເຖິງແມ່ນວ່າບໍ່ໄປກິນອາຫານ ທ່ານກໍ່ສາມາດໄປທ່ຽວໄປຊົມໄດ້ດັ່ງແຕ່ກ່ອນ.


ສວນອາຫານນໍ້າພຸ Namphou Park ທີ່ກໍາລັງປັບປຸງ ເພື່ອຕ້ອນຮັບ ເອົາບັນດາລູກຄ້າທີ່ມັກ ຮັກບັນຍາກາດ Colonial Style ປະສົມ ປະສານ ຍຸກໃໝ່. ກຽມພ້ອມສົ່ງຄືນຄວາມ ເປັນສວນ ສາທາ ໃຫ້ກັບບັນດາແຂກ ແລະ ນັກທ່ອງທ່ຽວທັງພາຍໃນ ແລະ ພາຍນອກພ້ອມ ກັບ ອາຫານເຄື່ອງດື່ມ ທີ່ ຫຼາກຫຼາຍ ໃນວັນທີ່ 1 ເດືອນພະຈິກ 2017 ນີ້.

ເຊື່ອວ່າ ການບູລະນະ ແລະ ປ່ຽນແນວຄວາມຄິດ ຈາກສວນຮ້ານອາຫານແບບປິດ ມາເປັນແບບໃໝ່ນີ້ ຄົງຈະຖືກໃຈມວນຊົນແນ່ນອນ.

ພາບແລະຄລິບ ສວນນໍ້າພຸປະຈຸບັນ (ພາຍຫຼັງຖືກສຳປະທານ)




\


ພາບສວນນໍ້າພຸກ່ອນຈະຖືກສໍາປະທານ


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com







1 comment:

  1. ຫວັງວ່າການບູລະນະໃຫມ່ຈະດຳເນີນໄປດ້ວຍຄວາມເຫັນໃຈ ແລະ ເຄົາລົບຕໍ່ປະຊາຊົນຜູ້ອາໃສ ແລະ ຜູ້ດຳເນີນທຸລະກິດອ້ອມຂ້າງນ້ຳພູ ບໍ່ແມ່ນການກໍ່ສ້າງແບບເຫັນແກ່ຕົວ ເຫັນແກ່ຜົນປະໂຫຍດຕົວເອງ ປິດບັງຫ້າງຮ້ານຄົນອື່ນ ປິດບັງທາງອອກ-ເຂົ້າຮ້ານ ແລະ ເຮືອນຊານຂອງຄົນອື່ນ ໂດຍບໍ່ສົນໃຈວ່າການກະທຳດັ່ງກ່າວ ໄດ້ສ້່າງຄວາມເສຍຫາຍ ແລະ ຄວາມລຳບາກໃຫ້ຄົນອື່ນ ເຊິ່ງເປັນການກະທຳທີ່ເຫັນແກ່ຕົວ ແລະ ໄຮ້ຈັນຍາບັນ ແລະ ກໍ່ບໍ່ເຂົ້າໃຈວ່າເປັນຫຍັງຫລາຍປີທີ່ຜ່ານມາ ສວນນ້ຳພຸມິກສ ຈິ່ງສາມາດດຳເນີນໄປໄດ້ແບບນີ້ ໂດຍບໍ່ມີການຈັດຕັ້ງທີ່ກ່ຽວຂ້ອງເລື່ອງຮັກສາຄວາມເປັນລະບຽບ ແລະ ຄວາມລຽບລ້ອຍຂອງຕົວເມືອງວຽງຈັນ ເຂົ້າມາຈັດແຈງ.

    ReplyDelete

Powered by Blogger.