Header Ads

ເຕືອນໄພ: ຕົ້ມຕຸນອ່ອນລາຍ ອ້າງສົ່ງສິ່ງຂອງມີຄ່າແລະເງິນມາໃຫ້! ແຕ່ຕ້ອງເສຍຄ່າສົ່ງ! ຢ່າຫຼົງກົນເດັດຂາດ




ບັນຫາແກ້ງຕົ້ມຕຸນ ທາງອ່ອນລາຍ ທີ່ພະຍາຍາມຕົ້ວະເອົາເງິນ ຈາກຄົນທີ່ ບໍ່ຮູ້ທັນພວກເຂົາ ໂດຍວິທີການ ແຊັດເຂົ້າມາຕີສະໜິດ ໃນສື່ສັງຄົມອ່ອນລາຍ ບໍ່ວ່າຈະເປັນ ເຟສບຸກ, ລາຍ, ວີແຊັດ ແລະ ອື່ນໆ.  ພວກມັນຈະສຶກສາຂໍ້ມູນຂອງເຫຍື່ອ ແລະ ຫາວິທີການ ເພື່ອໃຫ້ຫຼົງເຊື່ອວ່າ ພວກມັນມີເງິນ, ແລະ ຈະສົ່ງສິ່ງຂອງມີຄ່າ ພ້ອມເງິນ ມາໃຫ້. ຈະມີການຖ່າຍຮູບສິ່ງຂອງ ໃຫ້ເຫັນຈົນເຫຍື່ອ ຫຼົງເຊື່ອ ມາຫຼາຍຄົນ. ແລະ ວິທີການຕົ້ມຕຸນ ແມ່ນ ການໂອນເງິນ ຄ່າສົ່ງ ທີ່ເວລາສິນຄ້າມາຮອດ ປະເທດໄທ ຫຼື ປະເທດໃກ້ຄຽງ ເພື່ອ ໃຫ້ເຫຍື່ອ ໂອນຄ່າສົ່ງ ໂດຍທີ່ຈະເປັນແຜນຂອງແກ໋ງດັ່ງກ່າວ ທີ່ຈະໃຫ້ຄົນໂທມາຫາເຫຍື່ອ ເພື່ອອ້າງເປັນເຈົ້າໜ້າທີ່ ໃນສະໜາມບິນນັ້ນໆ. ຖ້າເປັນລັກສະນະນີ້ ຢ່າເຊື່ອເດັດຂາດ. ເພາະຫຼາຍຄົນທີ່ຫຼົງເຊື່ອ ແມ່ນຈະເສຍເງິນໄປລ້າໆ.






ແກ໋ງຕົ້ມຕຸນເຫຼົ່ານີ້ ຈະບໍ່ໃຊ້ຮູບແທ້ຂອງຕົນເອງ ແຕ່ຈະເອົາຮູບຄົນອື່ນ ມາເປັນພາບປະກອບ, ແລະ ທຸກຢ່າງແມ່ນການຈັດສາກ. ພ້ອມນີ້ ພວກມັນຍັງອາໃສ ກູເກີ້ນ ເພື່ອແປຄຳເວົ້າ ຈາກພາສາອັງກິດ ມາເປັນລາວ. ສະນັ້ນ, ຫາກທ່ານເຫັນ ຄຳເວົ້າສົ່ງມາອ່ານແລ້ວມັນຄັດໆ ຟັງແບບແປກໆ ນັ້ນແມ່ນພວກຕົ້ມຕຸນນີ້ແນ່ນອນ. ແລະ ດຽວນີ້ ພວກມັນອາດ ມີກຸ່່ມແກ໋ງ ທີ່ເປັນຄົນລາວ ຮ່ວມໃນຂະບວນການຂອງພວກເຂົາ.

ສະນັ້ນ, ຢ່າຫຼົງກົນເດັດຂາດ ຖ້າພວກມັນຊິສົ່ງເງິນ ແລະ ຂອງມີຄ່າ ມາເປັນຫຼາຍໝື່ນໂດລາ ແຕ່ບໍ່ມີປັນຍາ ຈາຍຄ່າສົ່ງ ພຽງ ສອງສາມຮ້ອຍ ໂດລາ, ນີ້ແມ່ນພວກຕົ້ມຕຸນເດີ ພີ່ນ້ອງ.

ເລື່ອງລາວຫຼ້າສຸດ ແມ່ນເກີດຂຶ້ນ  ຜ່ານມາ.
------------------------------------------
ເລື່ອງມີຢູ່ວ່າ ໃນອາທິດຜ່ານມາໄດ້ມີຕ່າງປະເທດທີ່ຊື່ Jonathan Tony ຊື່ ຂອງລາວ. ໄດ້ສົ່ງຫາຂ້ອຍວ່າ Hi ຂ້ອຍກໍ່ຕອບວ່າ ສະບາຍດີ .ລາວຕອບ ຍິນດີທີ່ໄດ້ຮູ້ຈັກກັບເຈົ້າໆງາມຫລາຍ ເຈົ້າໄດ້ຈັກປີ .ຂ້ອຍຕອບ ໄດ້25 .ລາວວ່າຂ້ອຍຮັກແພງເຈົ້າ ຂ້ອຍຈະຊື້ຂອງຂວັນຝາກໃຫ້ເຈົ້າ ຊື່ງຕອບແບບນີ້ເລີຍ ທີ່ສົ່ງຫາຂ້ອຍເປັນພາສາລາວນິລະ

ແລະແລ້ວບອກຂ້ອຍວ່າມີຫລາຍອັນຄືທີ່ໄດ້ບັນທຶກໄວ້
ລໍຖ້າ3ວັນ ລາວບອກຂ້ອຍ

ຂ້ອຍໄດ້ແຕ່ຂອບໃຈ

ແລະແລ້ວມື້ວານນີ້ວັນທີ  ເວລາປະມານ10ປາຍ ໄດ້ມີສາຍໂທເຂົ້າຫາຂ້ອຍວ່າມີຄົນຝາກເຄື່ອງມາໃຫ້ ດຽວນີ້ຢູ່ທີ່ສະໜາມບິນກຸງເທບ. ເບີໂທສາວຄົນລາວເວົ້າໄທ ວຽງຈັນ 0066640205160

ເນື່ອງຈາກວ່າຈະຕ້ອງໄດ້ເສຍພາສີຂ້າມໄປລາວກ່ອນເຄື່ອງຈັ່ງຊິສົ່ງຫາເຈົ້າໄດ້ .ຂ້ອຍຖາມວ່າເທົ່າໃດ ?.ນາງຕອບຂ້ອຍວ່າ 21.000฿ ເຈົ້າຕ້ອງໂອນຈາກທະນາຄານກຸງເທບເທົ່ານັ້ນຈື່ງຈະໄດ້ .ຂ້ອຍບອກວ່າຖ້າຄັນຊັ້ນເຈົ້າຝາກມາທີ່ທະນາຄານກຸງເທບເດີຂ້ອຍຈະໄປເອົາຢູ່ບ່ອນນັ້ນຂ້ອຍຕ້ອງການເຫັນເຄື່ອງຂອງຂ້ອຍກ່ອນ.ລາວວ່າ ບໍ່ໄດ້ຕ້ອງໄດ້ໂອນເງິນມາກ່ອນຈຶ່ງຈະຝາກໃຫ້ໄດ້ຖ້າເຈົ້າໂອນມາຕອນນີ້ເຈົ້າຈະໄດ້ຮັບເຄື່ອງໃນວັນສຸກເພາະເຄື່ອງທີ່tonyຝາກມາແມ່ນເຄື່ອງສາກແບັດຕ້ອງໄດ້ຈ່າຍຄ່າພາສີ .ຂ້ອຍຕອບວ່າຂ້ອຍບໍ່ມີເງິນ .ລາວບອກຂ້ອຍຊັ້ນເຈົ້າຕິດຕໍ່ຫາ tony ເດີ ລະກະວາງສາຍ

ຈາກນັ້ນຂ້ອຍສົ່ງຫາtony ລາວໃຫ້ຂ້ອຍລໍ5ນາທີ ແລະແລ້ວລາວກະບອກຂ້ອຍວ່າ ເຂົາບອກໃຫ້ເຈົ້າໂອນເງິນໃຫ້21.000฿ ເຈົ້າຕ້ອງໄດ້ໂອນ.ໄວໆ  ຂ້ອຍໃຫ້ເຈົ້າຢູ່ໃນນັ້ນ $30.000 ຖ້າເຈົ້າໄດ້ຮັບມັນເຈົ້າຈະພູມໃຈ. ຂ້ອຍບອກວ່າຂ້ອຍບໍ່ມີ

ລາວບອກອີກວ່າ  ຂໍຄວາມກາລຸນາທີ່ຮັກແພງຂ້ອຍຂ້ອຍ ເຈົ້າຕ້ອງໄປເອົາເຄື່ອງໃຫ້ໄດ້ເພາະມີ30.000ໂດລາຢູ່ໃນນັ້ນ .ຂ້ອຍຕອບວ່າ ຂ້ອຍບໍ່ມີປານໃດລາວກະຊູຊີ
ຈົນສຸດທ້າຍຂ້ອຍບອກລາວວ່າໃຫ້ໂອນເງິນມາໃຫ້ຂ້ອຍຢູ່ທີ່ທະນາຄານບ້ານຂ້ອຍ ລາວເລີຍມິດເລີຍບໍ່ຕອບເລີຍ

ລະແລ້ວເຟດລາວກະລຶບເຂົ້າເບີ່ງບໍ່ໄດ້ເລີຍ ແລະຕັດອອກບໍ່ເຫັນເລີຍ
ເລີຍທັນໄດ້ບັນທຶກແຕ່ເທົ່າຮູບພາບແລະເບີໂທນີ້ໄວ້ເພື່ອເປັນຫລັກຖານ
--------------------------------

ອ່ານຈົບແລ້ວ ສົ່ງຕໍ່ໆ ໃຫ້ທຸກຄົນໄດ້ຮູ້ ແລະ ບອກເພື່ອນ, ຄົນໃນຄອບຄົວ ແລະ ທຸກຄົນ ໃຫ້ລະມັດລະວັງ.  ດຽວນີ້ ພວກມັນຈະມີ ແກ໋ງຕົ້ມຕູນ ຕາມປະເທດອາຊຽນ ແລະ ຈະອ້າງເອົາທະນາຄານ ໃນເຂດໃກ້ຄຽງ. ນອກນີ້ ພວກມັນສ່ວນໜື່ງຍັງຢູ່ປະເທດລາວ ເພື່ອວາງແຜນຕົ້ມຕຸນເອົາເງິນຄ່າສົ່ງເຄື່ອງ.
Powered by Blogger.