Header Ads

ນະຄອນຫຼວງວຽງຈັນເນັ້ນປະຕິບັດ 7 ຂໍ້ ໃນການສະເຫຼີມສະຫຼອງບຸນອອກພັນສາປະວໍລະນາ ແລະ ຊ່ວງເຮືອ ປະເພນີປະຈຳປີ 2017 ທີ່ທ່າວັດຈັນ ເມືອງຈັນທະບູລີ ນະຄອນຫຼວງວຽງຈັນ


ອີງຕາມການລາຍງານຂ່າວຂອງ ໜັງສຶພິມເສດຖະກິດ-ສັງຄົມ ໃນວັນທີ 28 ກັນຍາ ຜ່ານມານີ້ ວ່າ :  ເພື່ອເປັນການສະເຫຼີມສະຫຼອງບຸນອອກພັນສາປະວໍລະນາ ແລະ ຊ່ວງເຮືອ ປະເພນີປະຈຳປີ 2017 ທີ່ທ່າວັດຈັນ ເມືອງຈັນທະບູລີ ນະຄອນຫຼວງວຽງຈັນລະຫວ່າງຕົ້ນເດືອນໜ້ານີ້ ໃຫ້ມີຄວາມສະຫງົບເປັນລະບຽບຮຽບຮ້ອຍ ແລະ ສຳເລັດຈົບງາມນະຄອນຫຼວງວຽງຈັນໄດ້ອອກແຈ້ງການສະບັບເລກທີ1609/ຄຊ.ຈລ ລົງວັນທີ 15 ກັນຍາ 2017 ໃຫ້ສຳນັກງານອົງການບັນດາຫົວໜ່ວຍທຸລະກິດຊາວຄ້າຂາຍຕະຫຼອດ ຮອດພໍ່ແມ່ປະຊາຊົນທຸກພາກສ່ວນປະຕິບັດ 7 ຂໍ້ທີ່ທາງຄະນະກຳນົດອອກ.


ຂໍ້ກຳນົດປະຕິບັດ 7 ຂໍ້ ອັນທຳອິດແມ່ນ ໃຫ້ຊ່ວຍກັນຮັກສາຄວາມສະດວກ ແລະມອບສະຖານທີ່ເຊັ່ນບໍລິເວນໜ້າເຮືອນ ນອກຮົ້ວກຳແພງທີ່ຕິດກັບທາງໃຫຍາທາງຮ່ອມຂອງເຂດບໍລິເວນຈັດງານບຸນອອກພັນສາປະຈຳປີ 2017 ມອບໃຫ້ຄະນະຮັບຜິດຊອບຈັດງານເພື່ອຈັດສັນສະຖານທີໃນການສະແດງ ແລະຂາຍສິນຄ້າຂອບເຂດສ່ວນເຈົ້າອານຸວົງແຕ່ 3 ແຍກປ່າປາກສັກລົງຮອດສີແຍກໂຮງໝໍມະໂຫສົດໜ້າໂຮງແຮມລ້າງຊ້າງຟຸດບາດທັງສອງຟາກເສັ້ນທາງ3ແຍກໄຟແດງສີຫອມສອງຟາກຟຸດບາດເສັ້ນທາງເຊດຖາທິລາດບັນດາວັດທີ່ຢູ່ຂອບເຂດຈັດງານ ແລະບ່ອນຈອດລົງຕໍ່ໜ້າໂຮງໝໍມະໂຫສົດແມ່ນໄດ້ກຳນົດເປັນບ່ອນຝາກລົດຜູ້ທ່ຽວຊົມງານບຸນ.




1. ຖ້າຫາກທ່ານໃດຫາກຕ້ອງການຂາຍເຄື່ອງແມ່ນໃຫ້ພົວພັນນຳຄະນະກຳມະການຈັດງານແລ້ວຄະນະກຳມະການຈັດສັນສະຖານທີ່ຂາຍເຄື່ອງໃຫ້ຕາມຄວາມເໝາະສົມ ພ້ອມເສຍຄ່າພັນທະໃຫ້ຄະນະກຳມະການຕາມລະບຽບການຈັດງານໃນຄັ້ງນີ້.
2. ສຳລັບຂອບເຂດບໍລິເວນພື້ນທີ່ຈັດງານບຸນອອກພັນສາປະວໍລະນາ ແລະຊ່ວງເຮືອປະເພນີ ປະຈຳປີ 2017 ທີ່ທ່າວັດຈັນ: ທາງດ້ານເໜືອໃຫ້ກຳນົດເອົາແຕ່ຈຸດປ່ອຍເຮືອເຂດເມືອງສີໂຄດຕະບອງ ລົງໄປຫາໂຮງໝໍມະໂຫສົດ.


3. ສຳລັບເສັ້ນທາງເຈົ້າຟ້າງຸ່ມແຕ່ 3 ແຍກປາກປ່າສັກລົງຮອດ 4 ແຍກໂຮງໝໍມະໂຫສົດ ທັງສອງຟາກຟຸດບາດ ແມ່ນອະນຸຍບາດໃຫ້ວາງສິນຄ້າ ແລະຂາຍເຄື່ອງໄດ້ຍົກເວັ້ນບໍ່ອະນຸຍາດໃຫ້ຂາຍເຄື່ອງຢູ່ສອງຈຸດສະເພາະເສັ້ນທາງດັ່ງກ່າວນີ້ຄື: ຕໍ່ໜ້າສຳນັກງານປະທານປະເທດດ້ານຂ້າງສຳນັກງານປະທານປະເທດ ແລະຢູ່ຈຸດທາງຂຶ້ນເບື້ອງສວນເຈົ້າອະນຸວົງ ນັບແຕ່ກົກໂພໃຫຍ່ຈົນຮອດກົກໂພນ້ອຍ (ໝາຍຄວາມວ່າ: ເບື້ອງກົງກັນຂ້າມຕໍ່ໜ້າວັດຈັນຂຶ້ນໄປຫາກົກໂພນ້ອຍແມ່ນບໍ່ອະນຸຍາດໃຫ້ວາງຂາຍສິນຄ້າ ແມ່ນຈົ່ງໄວ້ໃຫ້ແກ່ມວນຊົນຍ່າງທ່ຽວຊົມງານ.




4. ສໍາລັບເສັ້ນທາງແຕ່ 4 ແຍກໄຟແດງວັດອິນແປງຫາ ເສັ້ນທາງເຈົ້າຟ້າງຸ່ມ ແລະສີ່ແຍກໄຟແດງກະຊວງແຜນການ ແລະການລົງທຶນຫາເສັ້ນທາງເຈົ້າຟ້າງຸ່ມ ຕາມທາງຍ່າງຟຸດບາດແມ່ນໃຫ້ຂາຍເຄື່ອງຜະລິດຕະພັນທີ່ຜະລິດຢູ່ພາຍໃນປະເທດ ແລະ ຫ້າມຊາວຕ່າງປະເທດຂາຍສິນຄ້າທຸກຊະນິດພາຍໃນງານ.

5. ກໍານົດເວລາມອບສະຖານທີ່ໃຫ້ຄະນະກໍາມະການນຈັດງານບຸນແມ່ນນັບແຕ່ວັນທີ 1 ຕຸລາ 2017 ຫາ ວັນທີ 7 ຕຸລາ 2017.




6. ສໍາລັບຄົນລາວຜູ້ທີ່ຈະນຳເອົາຜະລິດຕະພັນສິນຄ້າຂອງລາວເຂົ້າໄປວາງສະແດງຂາຍອາຫານ ແລະເຄື່ອງດື່ມ (ຍົກເວັ້ນເຄື່ອງດື່ມມຶນເມົາ ປະເພດເຫຼົ້າເບຍ) ຕ້ອງໄດ້ຮັບອະນຸຍາດນຳໃຊ້ສະຖານທີ່ຈາກຄະນະຮັບຜິດຊອບຈັດງານບຸນ ແລະຕ້ອງຈ່າຍເງິນຄ່າພັນທະສະຖານທີ່ຕາມລະບຽບການທີ່ທາງຄະນະກຳມະການໄດ້ກຳນົດໄວ້.


7. ຂໍ້ສຸດທ້າຍແມ່ນມອບໃຫ້ຄະນະຮັບຜິດຊອບແຕ່ລະອະນຸກຳມະການຈັດງານທີ່ຖືກແຕ່ງຕັ້ງ ແລະອົງການຈັດຕັ້ງທີ່ກ່ຽວຂ້ອງເຮັດວຽກງານສຶກສາອົບຮົມນຳພາການເມືອງ-ແນວຄິດໃຫ້ປະຊາຊົນບັນດາເຈົ້າຂອງຫ້າງຮ້ານສຳນັກງານ ອົງການຫົວໜ້າທຸລະກິດຕ່າງໆທີ່ຢູ່ໃນຂອບເຂດຈັດງານຮັບຮູ້ເຂົ້າໃຈ ແລະຊ່ວຍອຳນວຍຄວາມສະດວກ ແລະໃຫ້ການຮ່ວມມືກັບຄະນະກຳມະການຈັດງານບຸນຄັ້ງນີ້ໃຫ້ດຳເນີນຕາມແຜນການທີ່ວາງອອກ ແລະມີຜົນສຳເລັດຢ່າງຈົບງາມ.




ທີ່ມາ: ໜັງສຶພິມເສດຖະກິດ-ສັງຄົມ 
ພາບ : Sourioudong Sundara
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



loading...

No comments

Powered by Blogger.