Header Ads

ຄ້າຍຄຸມຂັງ-ດັດສ້າງ ກອງບັນຊາການ ປກສ ແຂວງບໍ່ແກ້ວ ຈັດພິທີເຜີຍແຜ່ກົດລະບຽບວ່າດ້ວຍ ນັກໂທດ, ຜູ້ຖືກຫາ, ດັດສ້າງ.



ໃນວັນທີ່ 11 ກັນຍາ ນີ້ ຢູ່ທີ່ຄ້າຍຄຸມຂັງ-ດັດສ້າງ ກອງບັນຊາການ ປກສ ແຂວງບໍ່ແກ້ວ ໄດ້ຈັດພິທີເຜີຍແຜ່ກົດລະບຽບວ່າດ້ວຍ ນັກໂທດ, ຜູ້ຖືກຫາ, ດັດສ້າງ. ໂດຍການເປັນປະທານຂອງ ທ່ານ ພັຕ ບຸນມີ ສົມມະສັກ ຫົວໜ້າຄ້າຍຄຸມຂັງ-ດັດສ້າງ ປກສ ແຂວງບໍ່ແກ້ວ. ມີບັນດາອ້າຍນ້ອງພະນັກງານວິຊາການຕະຫຼອດຮອດນັກໂທດຜູ້ຖືກດັດສ້າງເຂົ້າຮ່ວມຮັບຟັງ.


ໃນພິທີທ່ານ ພັຕ ບຸນມີ ສົມມະສັກ ກໍ່ໄດ້ເຊື່ອມຊຶມກົດລະບຽບວ່າດ້ວຍ ນັກໂທດ ມີທັງໝົດ 4 ໝວດ. 17 ມາຕາ ກົດລະບຽບສະບັບນີ້ກໍານົດຫຼັກການ, ລະບຽບ, ທີ່ຕັ້ງ, ສິດ ແລະ ພັນທະ, ຂໍ້ຫ້າມ, ນະໂຍບາຍ ແລະ ມາດຕະການຕ່າງໆ ຕໍ່ຜູ້ລະເມີດ, ເພື່ອເປັນການສຶກສາອົບຮົມນັກໂທດ, ຜູ້ຖືກຫາ, ຜູ້ຖືກດັດສ້າງ ໃຫ້ເຄື່ອນໄຫວຖືກຕ້ອງຕາມລະບຽບກົດໝາຍ ແລະ ມີຄວາມຕັ້ງໜ້າຝຶກຝົນຫຼໍ່ຫຼອມຕົນເອງໃຫ້ກາຍເປັນພົນລະເມືອງດີຂອງສັງຄົມ.



ນັກໂທດແມ່ນຜູ້ທີ່ກຳລັງປະຕິບັດໂທດຈໍາຄຸກຢູ່ບັນດາຄ້າຍຄຸມຂັງ ເຊິ່ງໄດ້ຖືກສານປະຊາຊົນລົງໂທດຕັດອິດສະຫຼະພາບ ແລະ ມີຜົນບັງຄັບໃຊ້ຢ່າງເດັດຂາດ, ຜູ້ຖືກຫາໝາຍເຖິງບຸກຄົນທີ່ຖືກນຳມາດຳເນີນຄະດີ ໂດຍມີຄໍາສັ່ງສືບສວນ-ສອບສວນ ຂອງຫົວໜ້າອົງການສືບສວນ-ສອບສວນ ຫຼື ຫົວໜ້າອົງການໄອຍາການ ປະຊາຊົນ, ຜູ້ຖືກດັດສ້າງແມ່ນຜູ້ທີ່ກະທໍາຜິດຕໍ່ລະບຽບກົດໝາຍ ແລະ ລະເມີດຕໍ່ຄວາມສະຫງົບປອດໄພ ຄວາມເປັນລະບຽບຮຽບຮ້ອຍຂອງສັງຄົມ.


ລະບຽບການຕ່າງໆຂອງນັກໂທດ, ຜູ້ຖືກຫາ. ຜູ້ຖືກດັດສ້າງມີຄື : ທຸກຄົນຕ້ອງປະຕິບັດຕາມກົດລະບຽບຂອງຄ້າຍຄຸມຂັງດັດສ້າງ ແລະ ຄຳສັ່ງຂອງເຈົ້າໜ້າທີ່ຢ່າງເຂັ້ມງວດ, ວ່ອງໄວ ແລະ ທັນການ, ຕ້ອງມີທັດສະນະຄຸນສົມບັດທີ່ຖືກຕ້ອງຕາມຮີດຄອງປະເພນີອັນດີງາມຂອງຊາດລາວ, ມີຄວາມຊື່ສັດບໍລິສຸດ, ມີຄວາມສາມັກຄີຊ່ວຍເຫຼືອເຊີ່ງກັນ ແລະ ກັນ, ທຸກຄົນຕ້ອງຮັກສາອານາໄມຄວາມສະອາດ, ເຄື່ອງນຸ່ງຫົ່ມ ເຄື່ອງໃຊ້ສອຍຕ້ອງເປັນລະບຽບຮຽບຮ້ອຍ, ຕ້ອງປະຕິບັດໂມງເວລາທີ່ເຈົ້າໜ້າທີ່ກຳນົດໄວ້ໃຫ້ຢ່າງເຂັ້ມງວດ, ຕ້ອງເຄື່ອນໄຫວໄປຕາມຂອບເຂດທີ່ເຈົ້າໜ້າທີ່ໄດ້ກຳນົດໃຫ້ ແລະ ມີໜ້າທີ່ຊ່ວຍກັນປົກປັກຮັກສາຄວາມສະຫງົບ, ຄວາມເປັນບລະບຽບຮຽບຮ້ອຍ, ເປັນເຈົ້າການຕິດຕາມສະພາບການທີ່ຜູ້ບໍ່ດີຈະກໍ່ຂື້ນ, ຕ້ອງອອກແຮງງານ, ຝຶກວິຊາຊີບ ແລະ ຮ່ຳຮຽນ, ຈັດຕັ້ງເຄື່ອນໄຫວຫຼີ້ນກິລາ-ວັນນະຄະດີ ເພື່ອສຸຂະພາບ ແລະ ຈິດໃຈ, ຕັ້ງໜ້າຝຶກຝົນຫຼໍ່ຫຼອມດັດສ້າງຕົນເອງໃຫ້ກາຍເປັນຄົນດີຂອງສັງຄົມ. 



 

ໃນຕອນທ້າຍ ທ່ານ ກໍ່ໄດ້ເນັ້ນໜັກໃຫ້ບັນດາອ້າຍນ້ອງນັກໂທດຜູ້ຖືກດັດສ້າງຈົງຕັ້ງໜ້າປະຕິບັດກົດລະບຽບ ແລະ ຂໍ້ຫ້າມຕ່າງໆທີ່ວາງອອກໃຫ້ເຂັ້ມງວດ ແລະ ຈົ່ງຕັ້ງໜ້າຝຶກຝົນຫຼໍ່ຫຼອມຕົນເອງ ໃຫ້ກັບກາຍເປັນຄົນດີ ເມື່ອພົ້ນໂທດອອກໄປແລ້ວບໍ່່ໃຫ້ໄປກະທຳຜິດອີກ.

ຂ່າວ: ຮຕ ລິນດາ ດວງປະເສີດ/ປກສ ແຂວງບໍ່ແກ່ວ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.