Header Ads

ເມືອງນໍ້າບາກ ແຂວງຫຼວງພະບາງໄດ້ຮັບລົດມອດໄຟ




ວັນທີ 14 ກັນຍາ 2017ນີ້ ທີ່ເມືອງນໍ້າບາກ ແຂວງຫຼວງພະບາງ ໄດ້ຈັດພິທີມອບ-ຮັບລົດມອດໄຟຂື້ນ ເປັນກຽດເຂົ້າຮ່ວມຂອງທ່ານ ພົນຈັດຕະວາ ສົມຈັນ ແກ້ວຈັນດາ ຄະນະປະຈໍາພັກແຂວງ ຫົວໜ້າກອງບັນຊາການປ້ອງກັນຄວາມສະຫງົບແຂວງລວງພະບາງ,ທ່ານ ຄໍາວອນ ແກ້ວລຸນໜູນ ຮອງເລຂາພັກເມືອງ,ຮອງເຈົ້າເມືອງນໍ້າບາກ,ມີຫົວໜ້າ-ຮອງຫົວໜ້າຫ້ອງການ,ນາຍ ແລະ ພົນຕໍາຫຼວດ,ນາຍບ້ານ ແລະ ນັກທຸລະກິດກຸ່ມເທດສະບາານເມືອງ,ກຸ່ມບ້ານປາກມອງ ແລະ ກຸ່ມນໍ້າຖ້ວມເຂົ້າຮ່ວມ.

ໃນພິທີ ທ່ານ ພັນໂທ ພິລະນິນໂສ ສີພັນທອງ ຫົວໜ້າພະແນກສະກັດກັ້ນ ແລະ ຕ້ານອັກຄີໄພ ກອງບັນຊາການປ້ອງກັນຄວາມສະຫງົບແຂວງຫຼວງພະບາງ ໄດ້ຜ່ານບົດສະຫຼຸບການຝຶກອົບຮົມວຽກງານສະກັດກັ້ນ ແລະ ຕ້ານອັກຄີໄພ,ການນໍາໃຊ້ອຸປະກອນມອດໄຟ,ລົດມອດໄຟ ຊຸດອົບຮົມແມ່ນໄດ້ຮຽນພາກທິດສະດີ ແລະ ລົງປະຕິບັດເຫດການຈໍາລອງໃນເວລາເກີດເຫດໄປພ້ອມ ຈາກນັ້ນກອງບັນຊາການປ້ອງກັນຄວາມສະຫງົບແຂວງຫຼວງພະບາງ ກໍ່ໄດ້ມອບລົົດມອດໄຟສີແດງ 1 ຄັນ,ລົດບັນທຸກນໍ້າ 1 ຄັນ ແລະ ອຸປະກອນກ່ຽວກັບການມອດໄຟຈໍານວນໜຶ່ງ ໃຫ້ກອງບັນຊາການປ້ອງກັນຄວາມສະຫງົບເມືອງນໍ້າບາກ ເພື່ອໄປນໍາໃຊ້ ທັງເປັນການຮັບປະກັນຄວາມປອດໄພ ແລະ ກຽມພ້ອມຮັບມືກັບເຫດການສຸກເສີນ ທີ່ອາດຈະເກີດຂື້ນຢູ່ພາຍໃນເມືອງຂອງຕົນ ແລະ ເວລາເກີດເຫດ ພໍ່ແມ່ປະຊາຊົນສາມາດຕິດຕໍ່ມາຍັງຫ້ອງການປ້ອງກັນຄວາມສະຫງົບເມືອງໄດ້ຕະຫຼອດ 24 ຊົ່ວໂມງ.


ຂ່າວ: ພອນສັກ ສິງດາລັກ/ຂ່າວສານຫຼວງພະບາງ


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



loading...

No comments

Powered by Blogger.