Header Ads

ແຂວງບໍ່ແກ້ວໄດ້ຈັດພິທີຍ້ອງຍໍ-ປະດັບຫຼຽນໄຊຂອງປະທານປະເທດ ແຫ່ງ ສສ ຫວຽດນາມ ໃຫ້ແກ່ບຸກຄົນການນໍາ ແລະ ອາດີດການນໍາຂັ້ນແຂວງ ຢູ່ທີ່ຫໍວັດທະນະທໍາແຂວງ



ໃນວັນທີ 09 ກັນຍາ 2017 ນີ້ ແຂວງບໍ່ແກ້ວໄດ້ຈັດພິທີຍ້ອງຍໍ-ປະດັບຫຼຽນໄຊຂອງປະທານປະເທດ ແຫ່ງ ສສ ຫວຽດນາມ ໃຫ້ແກ່ບຸກຄົນການນໍາ ແລະ ອາດີດການນໍາຂັ້ນແຂວງ ຢູ່ທີ່ຫໍວັດທະນະທໍາແຂວງ. ໃຫ້ກຽດເຂົ້າຮ່ວມຂອງສະຫາຍ ຫງຽນຮືວດົງ ກໍາມະການສໍາຮອງສູນກາງພັກຄອມມູນິດຫວຽດນາມ ຮອງເລຂາພັກແຂວງເຊິນລາ, ມີທ່ານພົ.ວ ມະລີສານ ແສງຈັນທາ ຮອງເລຂາພັກແຂວງ ພ້ອມດ້ວຍຄະນະນໍາ, ພະນັກງານຫຼັກແຫຼ່ງ ຕະຫຼອດຮອດຊາວໜຸ່ມ-ເຍົາວະຊົນເຂົ້າຮ່ວມຢ່າງເປັນຂະບວນຟົດຟື້ນ.


ໃນທ່າມກາງບັນຢາກາດທີ່ເຕັມໄປດ້ວຍຄວາມເບີກບານມ່ວນຊື່ນຂອງການສະແດງສິນລະປະວັນນະຄະດີຂອງແຕ່ລະພາກສ່ວນ ເນື່ອງໃນໂອກາດສະເຫຼີມສະຫຼອງປີຄົບຮອບໃຫຍ່ ໃນການພົວພັນຮ່ວມມືລະຫວ່າງລາວ-ຫວຽດນາມ ກໍ່ຄື: ວັນເຊັນສົນທິສັນຍາມິດຕະພາບແລະ ການຮ່ວມມືລາວ-ຫວຽດນາມ ຄົບຮອບ 40 ປີ ແລະ ວັນສ້າງຕັ້ງສາຍພົວພັນການທູດລະຫວ່າງລາວ-ຫວຽດນາມ ຄົບຮອບ 55 ປີ. ສະນັ້ນ, ກົມການເມືອງສູນກາງພັກປະຊາຊົນປະຕິວັດລາວ ແລະ ກົມການເມືອງສູນການພັກຄອມມູນິດຫວຽດນາມ ຈຶ່ງໄດ້ຕົກລົງໃຫ້ສອງພັກ-ສອງລັດ ຈັດຕັ້ງການສະເຫຼີມສະຫຼອງໃຫ້ມີບັນຍາກາດຟົດຟື້ນ ມ່ວນຊື່ນ ນັບທັງສູນກາງ ແລະ ທ້ອງຖິ່ນ, ໄປພ້ອມກັບການສະເຫຼີມສະຫຼອງດັ່ງກ່າວ ທັງສອງພັກ-ສອງລັດ ກໍ່ໄດ້ຄົ້ນຄວ້າຜູ້ທີ່ມີຄຸນງາມຄວາມດີໃນການເພີ່ມພູນຄູນສ້າງສາຍພົວພັນຮ່ວມມືອັນສະເໝີຕົ້ນສະເໝີປາຍຂອງບຸກຄົນ, ການຈັດຕັ້ງຂອງສອງປະເທດເພື່ອຍ້ອງຍໍຊົມເຊີຍ.


 

ໃນພິທີປະດັບຫຼຽນໄຊໃນຄັ້ງນີ້ປະກອບມີບັນດາການນໍາ ແລະ ອາດີດການນໍາຂອງແຂວງ 5 ສະຫາຍຄື: ສະຫາຍພົ.ວ ມະລີສານ ແສງຈັນທາ, ສະຫາຍ ຄໍາກິ່ງ ເອື່ອຍມະນີຮັກ, ສະຫາຍ ອໍາພອນ ຈັນທະສົມບູນ, ສະຫາຍ ວິໄຊກອນ ວັນນະຈອມຈັນ ແລະ ສະຫາຍ ສີສຸພັນ ສີລິວົງ, ໃຫ້ກຽດຂື້ນປະດັບຫຼຽນໄຊ ຂອງປະທານປະເທດແຫ່ງ ສສ ຫວຽດນາມ ໂດຍສະຫາຍ ຫງຽນຮືວດົງ ກໍາມະການສໍາຮອງສູນກາງພັກຄອມມູນິດຫວຽດນາມ ຮອງເລຂາພັກແຂວງເຊິນລາ. ຈາກນັ້ນ, ທາງແຂວງບໍ່ແກ້ວ ກໍ່ໄດ້ມອບເງິນຊ່ວຍເຫຼືອອຸທົກກະໄພໃຫ້ທາງ ສສ ຫວຽດນາມ ຈໍານວນ 100.000.000 ກີບ. 

ຂ່າວ: ຮຕ ນາຊູ ອິນທະບັນດິດ/ປກສ ແຂວງບໍ່ແກ້ວ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com




loading...

No comments

Powered by Blogger.