Header Ads

ພະແນກກວດກາ ແລະ ຄວບຄຸມຢາເສບຕິດ ປກສ ແຂວງບໍ່ແກ້ວລົງເຜີຍແຜ່ຄວາມຮູ້ ແລະ ຜົນຮ້າຍຂອງຢາເສບຕິດທີ່ບ້ານມົກກະຈອກ ເມືອງຫ້ວຍຊາຍ ແຂວງບໍ່ແກ້ວ




ໃນວັນທີ 21 ກັນຍາ 2017 ທີ່ຜ່ານມານີ້ ພະແນກກວດກາ ແລະ ຄວບຄຸມຢາເສບຕິດ ປກສ ແຂວງບໍ່ແກ້ວ ພ້ອມດ້ວຍຄະນະ ໄດ້ລົງເຜີຍແຜ່ຄວາມຮູ້ ແລະ ຜົນຮ້າຍຂອງຢາເສບຕິດ ໃຫ້ແກ່ພໍ່ແມ່ປະຊາຊົນບ້ານມົກກະຈອກ ເມືອງຫ້ວຍຊາຍ ແຂວງບໍ່ແກ້ວ ໂດຍການນຳພາຂອງທ່ານ ຮທ ຈັນທີ ຄຸນປະເສີດ ຮອງພະແນກກວດກາ ແລະ ຄວບຄຸມຢາເສບຕິດ ປກສ ແຂວງ, ໃຫ້ກຽດເຂົ້າຮ່ວມຂອງທ່ານ ບຸນໄຕ ຄານສຸວົງ ນາຍບ້ານໆ ມົກກະຈອກ ພ້ອມດ້ວຍພໍ່ແມ່ພີນ້ອງ ປະຊາຊົນບ້ານມົກກະຈອກເຂົ້າຮ່ວມຮັບຟັງ.



ຈາກນັ້ນ, ທ່ານ ຮຕ ກົມແສງ ວັນນະຈອມຈັນ ຫົວໜ້າໜ່ວຍງານຫຼຸດຜ່ອນການນໍາໃຊ້ຢາເສບຕິດ ກໍ່ໄດ້ຂື້ນເຜີຍແຜ່ເອກະສານລົງໂຄສະນາຜົນຮ້າຍຂອງຢາເສບຕິດ ໂດຍປະຕິບັດຕາມຂໍ້ຕົກລົງຂອງກອງບັນຊາການ ປກສ ແຂວງບໍ່ແກ້ວ ວ່າດ້ວຍການແຕ່ງຕັ້ງຄະນະຊີ້ນໍາ, ພະນັກງານລົງໂຄສະນາຢູ່ບັນດາບ້ານ, ບໍລິສັດ ໃນລະຫວ່າງວັນທີ 11–29 ກັນຍາ 2017 ເພື່ອເຮັດໃຫ້ພໍ່ແມ່ປະຊາຊົນ, ຊາວໜຸ່ມ–ເຍົາວະຊົນ ພາຍໃນບ້ານໄດ້ຮັບຮູ້ເຊື່ອມຊຶມເນື້ອໃນເອກະສານກ່ຽວກັບຄວາມໝາຍຂອງຢາເສບຕິດ, ປະເພດຂອງຢາເສບຕິດເກືອດຫ້າມ, ຢາເສບຕິດ ແລະ ສານເຄມີທີ່ຖືກຄວບຄຸມການນໍາໃຊ້, ຜົນຮ້າຍຂອງຢາເສບຕິດຕໍ່ຜູ້ເສບ, ຕໍ່ຄອບຄົວ, ຕໍ່ສັງຄົມ, ຕໍ່ປະເທດຊາດ, ຕໍ່ຜູ້ຜະລິດ ແລະ ຜູ້ກະທຳອື່ນໆ, ວິທີສະກັດກັ້ນຢາເສບຕິດໂດຍການລົງໂຄສະນາ, ການສຶກສາອົບຮົມ, ການບໍ່ອານຸຍາດໃຫ້ປູກ, ຜະລິດ ແລະ ປຸງແຕ່ງຢາເສບຕິດ, ການບໍ່ອານຸຍາດໃຫ້ຊື້–ຂາຍ, ຈໍາໜ່າຍ, ຄອບຄອງ, ເກັບຮັກສາ, ນໍາເຂົ້າ–ສົ່ງອອກ, ຂົນສົ່ງຢາເສບຕິດຜ່ານ ສປປ ລາວ, ການບໍ່ອານຸຍາດໃຫ້ນໍາໃຊ້ຢາເສບຕິດເກືອດຫ້າມ, ການມີສ່ວນຮ່ວມຂອງຄອບຄົວ ແລະ ສັງຄົມ, ການພົວພັນ ແລະ ການຮ່ວມມືສາກົນ. 


 


ໃນຕອນທ້າຍ ທ່ານ ບຸນໄຕ ຄານສຸວົງ ນາຍບ້ານໆ ມົກກະຈອກ ກໍ່ໄດ້ຮຽກຮ້ອງໃຫ້ພໍ່ແມ່ປະຊາຊົນ ຊາວໜຸ່ມ–ເຍົາວະຊົນພາຍໃນບ້ານຈົ່ງພ້ອມກັນກໍາແໜ້ນເນື້ອໃນເອກະສານ ແລະ ນໍາໄປເຜີຍແຜ່ ສຶກສາອົບຮົມສະມາຊິກໃນຄອບຄົວໃຫ້ຮູ້ເຖິງຜົນຮ້າຍຂອງຢາເສບຕິດ ບໍ່ໄປຫຍຸ້ງກ່ຽວກັບຢາເສບຕິດ, ບໍ່ເສບ, ບໍ່ຊື້, ບໍ່ຂາຍ ແລະ ບໍ່ຜະລິດຢາເສບຕິດທຸກປະເພດ.



ຂ່າວ: ຮຕ ນາຊູ ອິນທະບັນດິດ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com




loading...

No comments

Powered by Blogger.