Header Ads

ທ່ານ ພັນທອງ ພິດທຸມມາ ຮອງລັດຖະມົນຕີກະຊວງ ອຸດສາຫະກຳ ແລະ ການຄ້າ ພົບປະກັບທ່ານ ອະດີດເອກອັກຄະລັດຖະທູດ ສປ ຈີນ ປະຈຳ ສປປ ລາວ.



ໃນຕອນເຊົ້າວັນທີ 25 ກັນຍາຜ່ານມານີ້, ທີ່ກະຊວງອຸດສາຫະກຳ ແລະ ການຄ້າ ນະຄອນຫຼວງວຽງຈັນ ທ່ານ ພັນທອງ ພິດທຸມມາ ຮອງລັດຖະມົນຕີກະຊວງ ອຸດສາຫະກຳ ແລະ ການຄ້າ, ຮອງປະທານສະມາຄົມມິດຕະພາບລາວ-ຈີນ ໄດ້ພົບປະໂອ້ລົມກັບທ່ານ Liang Feng ອະດີດເອກອັກຄະລັດຖະທູດ ສປ ຈີນ ປະຈຳ ສປປ ລາວ ມີທູດໃຫຍ່ 8 ທ່ານ, ພ້ອມດ້ວຍຄະນະເຂົ້າຮ່ວມ.


 
ຈຸດປະສົງໃນການພົບປະໂອລົມ ໃນຄັ້ງນີ້ ເພື່ອເປັນການເສີມສ້າງ ແລະ ເພີ່ມທະວີຄວາມເຂົ້າໃຈເຊິ່ງກັນ ແລະ ກັນ ໃນການເສີມຂະຫຍາຍສາຍພົວພັນມິດຕະພາບລະຫວ່າງປະຊາຊົນລາວ ແລະ ປະຊາຊົນຈີນ ເພື່ອຜົນປະໂຫຍດແຫ່ງສັນຕິພາບ ແລະ ການຮ່ວມມືໃນການພັດທະນາລະຫວ່າງລາວ-ຈີນ ໃນຖານະທີ່ເປັນເພື່ອນມິດຍຸດທະສາດຮອບດ້ານ ທີ່ຍາວນານ, ຄູ່ຮ່ວມຊະຕາກຳດຽວ ແລະ ສະມາຄົມມິດຕະພາບຈີນ ກັບສະມາຄົທມິດຕະພາບໃນບັນດາປະເທດອາຊຽນ. ເຊິ່ງສະມາຄົມມິດຕະພາບລາວ-ຈີນ ນັບຕັ້ງແຕ່ເລີ່ມມີການສ້າງຕັ້ງຂຶ້ນເປັນຕົ້ນມາ ກໍ່ໄດ້ຮັບການປັບປຸງໃຫ້ເຕີບໃຫຍ່ຂະຫຍາຍຕົວມາເປັນລໍາດັບນັບຕັ້ງແຕ່ຂັ້ນສູນກາງ ແລະ ທ້ອງຖິ່ນ ກໍ່ໄດ້ມີການຂະຫຍາຍສາຂາຂອງສະມາຄົມຢູ່ທົ່ວທຸກແຂວງຂອງປະເທດລາວ ແລະ ໄດ້ມີການແລກປ່ຽນການຢ້ຽມຢາມກັນເປັນປະຈຳກັບສະມາຄົມມິດຕະພາບຂອງ ສປ ຈີນ ກັບຕ່າງປະເທດ ແລະ ເປັນຕົວແທນໃຫ້ແກ່ລັດເຂົ້າຮ່ວມການເຄື່ອນໄຫວກິດຈະກຳທີ່ອີກຝ່າຍໜຶ່ງຈັດຂຶ້ນ ທີ່ສຳຄັນກໍ່ໄດ້ມີການລະດົມກຳລັງແຮງຂອງສັງຄົມເພື່ອໃຫ້ການຊ່ວຍເຫຼືອຢ່າງທັນການໃນຍາມທີ່ອີກຝ່າຍໜຶ່ງຖືກປະສົບໄພພິບັດທີ່ເກີດຂຶ້ນຈາກທໍາມະຊາດ.



ທີ່ມາ: CRI-FM93
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



loading...

No comments

Powered by Blogger.