Header Ads

ປະຊາຊົນບ້ານສູງ ເມືອງສາລະວັນ ປົບຕາຍເກືອບບໍ່ທັນ ຫຼັງພາຍຸພັດເຂົ້າໝູ່ບ້ານແບບກະທັນຫັນໂດຍບໍ່ທັນຕັ້ງຜົນກະທົບ !


ອີງຕາມແຫຼ່ງຂ່າວຈາກແຂວງສາລະວັນເປີດເຜີຍໃຫ້ຮູ້ວ່າ: ປະຊາຊົນຊາວບ້ານສູງ ເມືອງ ແລະແຂວງສາລະວັນ ຕົກອົກຕົກໃຈ ແລະຢ້ານຕໍ່ກັບເຫດການພາຍຸພັດເຂົ້າບ້ານຢ່າງຮຸນແຮງ, ຫຼາຍຄອບຄົວປົບໝີເອົາຊີວິດ ໂດຍບໍ່ໄດ້ຫ່ວງນຳສິ່ງຂອງເຮືອນຊານບ້ານຊ່ອງ ຍ້ອນພາຍຸພັດເຂົ້າຢ່າງກະທັນຫັນ ໃນຕອນແລງວັນທີ 19 ກັນຍານີ້.



ຕາມການບອກເລົ່າຂອງຊາວບ້ານໃຫ້ຮູ້ວ່າ: ເວລາປະມານ 18:30 ນາທີ ໄດ້ເກີດມີພາຍຸພັດເຂົ້າບ້ານສູງຢ່າງໄວວາ ແລະກະທັນຫັນ ເຮັດໃຫ້ປະຊາຊົນເກືອບເອົາຊີວິດບໍ່ລອດ, ໂຊກດີທີ່ທຸກຄົນມີສະຕິ ເຮັດໃຫ້ບໍ່ມີຜູ້ໃດໄດ້ຮັບບາດເຈັບ, ແຕ່ກໍ່ໄດ້ສ້າງຄວາມເສຍຫາຍໃຫ້ເຮືອນຊານຂອງປະຊາຊົນ ຖືກກະທົບເສຍຫາຍຈຳນວນ 25 ຫຼັງຄາເຮືອນ, ໃນນັ້ນຮຸນແຮງ 5 ຫຼັງ, ສ່ວນໃຫຍ່ແມ່ນຫຼັງຄາເຮືອນທີ່ຖືກລົມພັດຮື້ອອກ, ສັງກະສີ, ກະເບື້ອງ.

 
ສຳລັບສິ່ງຂອງເຄື່ອງໃຊ້ແມ່ນເປ້ເພເລັກໜ້ອຍ, ຂະນະທີ່ເຄື່ອງປູກຂອງຝັງກໍ່ໄດ້ຮັບຜົນເສຍຫາຍຈຳນວນໜຶ່ງ ແລະສາຍໄຟຟ້າຖືກຕັດຂາດໃນບາງຈຸດ, ຄາດຄະເນມູນຄ່າເສຍຫາຍໃນເບື້ອງຕົ້ນ ປະມານ 20 ລ້ານກວ່າກີບ.


ຈາກເຫດການດັ່ງກ່າວເຖີງຈະເຮັດໃຫ້ເຮືອນຂອງປະຊາຊົນຖືກກະທົບບໍ່ໜັກປານໃດຕໍ່ຕາມ, ແຕ່ໄດ້ສ້າງຄວາມຢ້ານກົວໃຫ້ກັບປະຊາຊົນພາຍໃນບ້ານພໍສົມຄວນ, ເນື່ອງຈາກເຫດການນີ້ຖືວ່າເປັນເຫດການຮຸນແຮງໃນຮອບຫຼາຍປີ.


ທີ່ມາ: ແນວລາວ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



loading...

No comments

Powered by Blogger.