Header Ads

ຄຸນຄ່າຂອງເງິນ ແລະ ການທໍາມາຫາກິນດ້ວຍຄວາມຊື່ສັດບໍລິສຸດ ແລະ ຢາດເຫື່ອແຮງກາຍຂອງພໍ່ແມ່ທີ່ລູກທຸກຄົນຕ້ອງເບິ່ງຄລິບນີ້ !!!



"ຄລິບ ປ້າສອງຄົນພາກັນໄປຫາໜໍ່ໄມ້ໃນປ່າເພື່ອເອົາມາຂາຍນໍາກັນ ແລະ ເມື່ອໄດ້ເງິນມາ ທັງສອງກໍພາກັນແບ່ງປັນເງິນກັນຕາມສ່ວນແບ່ງ 50/50  ແຕ່ 50 ທີ່ຖຶກແບ່ງປັນກັນນີ້ມັນແມ່ເງິນທີ່ຕ້ອງສົ່ງລູກເຂົ້າໂຮງຮຽນ, ຄ່າອາຫານ, ເສື້ອຜ້າ ແລະ ອື່ນໆ.... "



ນີ້ແມ່ນຄລິບທີ່ຢາກໃຫ້ລູກຫຼານຄົນລຸ່ນໄໝ່ ຫຼື ຄົນທີ່ເຖົ້າແລ້ວແຕ່ຍັງບໍ່ຮູ້ທໍາມາຫາກິນດ້ວຍຕົນເອງໄດ້ເບິ່ງ ພິເສດແມ່ນລູກທີ່ຍັງຄິດວ່າເງິນຄໍາດປັນສິ່ງຫາມາງ່າຍດາຍສໍາລັບເຂົາ ເຊິ່ງຈະມີລູກຈັກຄົນທີ່ຮູ້ວ່າ ເງິນທຸກກີບທີ່ພໍ່ແມ່ນັ້ນຫາມາໃຫ້ໃຊ້ຈ່າຍຕ້ອງລໍາບາກພຽງໃດ. ຫາເງິນມາໃຫ້ລູກຮຽນໜັງສືຍັງບໍ່ແລ້ວ ຍັງຕ້ອງຫາເງິນຊື້ສິ່ງຂອງທີ່ບໍ່ຈໍາເປັນໃຫ້ອີກ  ຊໍ້າບໍ່ໜໍາລູກບາງຄົນກັບທໍລະຍົດພໍ່ແມ່ອີກດ້ວຍການໂດດຮຽນ, ຕິດໝູ່ທີ່ບໍ່ດີ, ໃຊ້ຈ່າຍເກີນກໍາລັງຄອບຄົວ, ມົວເມົາສິ່ງເສບຕິດ ແລະ ຄິດແຕ່ຈະເອົາຄວາມສຸກເຂົ້າຕົນເອງ ຈົນລືມເບິ່ງຄືນວ່າພໍ່ແມ່ລໍາບາກປານໃດກອນຈະໄດ້ເງິນຄໍາ, ອາຫານ ແລະ ເສື້ອຜ້າງາມໆມາໃຫ້ລູກສວມໃສ່ໃຫ້ຄືບ້ານຄືເມືອງ.



ຄລິບນີ້ສອນໃຫ້ເຮົາເຫັນມຸມໜຶ່ງຂອງຄົນໃນສັງຄົມບ້ານເຮົາ ທີ່ບາງຄົນຫາເຊົ້າກິນແລງ, ຫາມື້ແລງກິນມື້ອື່ນ, ນອນທັງຫຼັບທັງຕື່ນຊອກຢູ່ທໍາກິນ ແຕ່ຊີວິດກໍຍັງເກືອບຮອດບໍ່ມີເຂົ້າໜ່າແລງ  ໃນຂະນະທີ່ບາງຄົນກັບຫາເງິນໄດ້ຫຼາຍແບບເຫຼືອບໍ່ເຄີຍພໍ  ແລະ ໃນບາງຄົນທໍ້ກັບຊີວິດຈົນຂ້າໂຕຕາຍກໍມີ.

ສົມມຸດວ່າ ຜູ້ຍິງສອງຄົນເປັນແມ່, ເປັນປ້າ, ເປັນຍາດພີ່ນ້ອງ ແລະ ເປັນຄົນທີ່ເຈົ້າຮູ້ຈັກ  ... ເຈົ້າຈະຄິດຈັກໃດ?  ຖ້າຄິດວ່າເປັນເລື່ອງໄຮ້ສະຫຼະ ຊີວິດນີ້ເຈົ້າອາດຕ້ອງຢູ່ແບບຂາດມິດ ແລະ ຄົນຮັກເຈົ້າແທ້....

ແຕ່ຖ້າຜູ້ຍິງໜຶ່ງໃນສອງຄົນນັ້ນເປັນ "ແມ່" ເຈົ້າ...  ມື້ນີ້ເຈົ້າຈະເຮັດຫຍັງຕອບບຸນແທນຄຸນເພີ່ນ ຫຼື ມື້ອື່ນເຈົ້າຈະຂະຫຍັນເຮັດວຽກ, ໄປໂຮງຮຽນ ,​ ຊ່ວຍວຽກເພີ່ນ ແລະ ເຫັນຄຸນຄ່າຂອງເງິນບໍ .... ?


ຖ້າມື້ນີ້ ແມ່ ຍັງຢູ່ກັບເຈົ້າ ຈົ່ງເລີ່ມເຮັດຫຍັງຈັກຢ່າງເພື່ອ ແມ່
ຢ່າປ່ອຍໃຫ້ເວລາໝົດໄປໂດຍທີ່ເຈົ້າຍັງບໍ່ໄດ້ເຮັດຫຍັງເພື່ອ ແມ່  ຫຼື ຕ້ອງລໍຖ້າຍົກພາເຂົ້າທິບ ເຄາະຫົວໂລງ ແລ້ວເອິ້ນແມ່ມາກິນເຂົ້າ ຕອນທີ່ເພີ່ນບໍ່ຢູ່ກັບເຈົ້າ ແລະ ເຈົ້າກະບໍ່ສາມາດເຫັນເພີ່ນ...

ທີ່ສໍາຄັນກວ່ານັ້ນ ອາຫານທີ່ເຈົ້າເຮັດໃຫ້ເພີ່ນກິນຕອນເຄາະຫົວໂລງ ບາງທີເພິ່ນອາດບໍ່ໄດ້ກິນ, ບໍ່ຄວາມຮູ້ສຶກ, ບໍ່ສາມາດສໍາພັດ.... !!!

ລອງຖາມໂຕເຈົ້າເອງວ່າ:  ເຈົ້າຮັກແມ່ຕອນທີ່ເພີ່ນຫາຍໃຈ ຫຼື ຕອນທີ່ເພີ່ນໝົດລົມຫາຍໃຈ [?]

ກັບໄປເລິ່ມເຮັດຫັຍງເພື່ອແມ່ ຊະ... ! ແລ້ວເຫັນຄຸນຄ່າຂອງສິ່ງອ້ອມຂ້າງ ແລະ ເງິນທຸກກີບທີ່ເຈົ້າກໍາລັງຈະຈົກຈ່າຍຄ່າບິນຮ້ານອາຫານມື້ແລງນີ້ວ່າທີ່ມາມັນລໍາບາກປານໃດ !!!




ທີ່ມາ: Saeng Keo Duangmexay
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com







loading...

No comments

Powered by Blogger.