Header Ads

ຮອງເຈົ້າແຂວງເຊກອງ ລົງເຄື່ອນໄຫວຊຸກຍູ້ ວຽກງານຢູ່ເມືອງກະລຶມ



ແຂວງເຊກອງ: ໃນວັນທີ 22 ກັນຍາ 2017 ຜ່ານມານີ້ ທ່ານ ເຫຼັກໄຫຼ ສີວິໄລ ກຳມະການປະຈຳພັກແຂວງ, ຮອງເຈົ້າແຂວງເຊກອງ ພ້ອມດ້ວຍຄະນະ ໄດ້ລົງເຄື່ອນໄຫວຊຸກຍູ້ ວຽກງານຢູ່ເມືອງກະລຶມ ໂດຍໃຫ້ກຽດຕ້ອນຮັບຢ່າງອົບອຸ່ນຂອງ ທ່ານ ບຸນໄຫຼ ບຸດຕະວົງ ກຳມະການພັກແຂວງ, ເລຂາພັກເມືອງ ເຈົ້າເມືອງກະລຶມ ພ້ອມດ້ວຍຄະນະພັກ ອຳນາດການປົກຄອງເມືອງທຸກຂັ້ນເຂົ້າຮ່ວມ.

ທ່ານ ບຸນໄຫຼ ບຸດຕະວົງ ເຈົ້າເມືອງກະລຶມ ໄດ້ລາຍງານ ການເຄື່ອນໄຫວຊີ້ນໍາ-ນໍາພາຈັດຕັ້ງປະຕິບັດໜ້າທີ່ວຽກງານ ໄລຍະໃຫ້ຮູວ່າ: ໂດຍລວມ ສະພາບການພັດທະນາເສດຖະກິດ-ສັງຄົມຂອງເມືອງມີທ່າຂະຫຍາຍຕົວດີຂື້ນເປັນກ້າວໆ, ໄລຍະ 6 ເດືອນຕົ້ນປີນີ້ ລວມຍອດຜະລິດຕະພັນພາຍໃນຫຼື ຈີດີພີ (GDP) ບັນລຸໄດ້ເກືອບ 90 ຕື້ກີບ ທຽບໃສ່ແຜນປີປະຕິບັດໄດ້ 80,75% ໃນນັ້ນໄດ້ຮັບຈາກຂະແໜງກະສິກຳ-ປ່າໄມ້ເກືອບ 80 ຕື້ກີບເທົ່າກັບ 84,06%, ຂະແໜງອຸດສະຫະກຳການຄ້າ 8 ຕື້ກວ່າກີບ ເທົ່າກັບ 63,22%, ຂະແໜງບໍລິການ 1 ຕື້ກວ່າກີບ ເທົ່າກັບ 49,09% ແລະ ລາຍຮັບທ້ອງຖິ່ນຂອງເມືອງ 600 ລ້ານກວ່າກີບ ເທົ່າກັບ 39,86%, ເຖິງແມ່ນວ່າການຈັດຕັ້ງປະຕິບັດໜ້າທີ່ວຽກງານຫຼາຍດ້ານໄດ້ຮັບຜົນສໍາເລັດ ແຕ່ກໍ່ຍັງມີຄວາມຫຍຸ້ງຍາກ ແລະ ທ້າທາຍຫຼາຍດ້ານ ເປັນຕົ້ນລະບົບເສົ້ນທາງຄົມມະນາຄົມເຊື່ອມຕໍ່ລະຫວ່າງບ້ານຫາບ້ານ; ບ້ານຫາເມືອງ; ເມືອງຫາແຂວງ ສ່ວນໃຫຍ່ສາມາດທຽວໄດ້ສະເພາະແຕ່ລະແລ້ງ ພ້ອມກັນນັ້ນຍັງຖືກໄພທຳມະຊາດຄຸກຄາມເຮັດໃຫ້ພື້ນຖານໂຄງລ່າງ ແລະ ຜົນຜະລິດຂອງປະຊາຊົນໄດ້ຮັບຄວາມເສຍຫາຍຢ່າງຫຼວງຫຼາຍ ຊຶ້ງເປັນບັນຫາກົດໜ່ວງຕໍ່ການພັດທະນາເສດຖະກິດສັງຄົມຂອງເມືອງ. 

ໂອກາດດັ່ງກ່າວ ທ່ານ ເຫຼັກໄຫຼ ສີວິໄລ ຮອງເຈົ້າແຂວງເຊກອງ ໄດ້ໂອ້ລົມ ແລະ ຊີ້ນໍາເນັ້ນໜັກໃຫ້ອຳນາດການປົກຄອງເມືອງກະລຶມ ສືບຕໍ່ເອົາໃຈໃສ່ຈັດຕັ້ງປະຕິບັດທິດທາງແຜນການ ຢ່າງມີຈຸດສຸມ ແລະ ຈັດບູລິມະສິດວຽກງານໃຫ້ມີຄວາມເໝາະສົມ ສອດຄ່ອງກັບສະພາບເງື່ອນໄຂ ແລະ ຈຸດພິເສດຂອງເມືອງເປັນຕົ້ນ: ສືບຕໍ່ຈັດສັນອາຊີບທີ່ໝັ້ນຄົງໃຫ້ພໍ່ແມ່ປະຊາຊົນ, ຊຸກຍູ້ສົ່ງເສີມວຽກງານການປູກ, ການລ້ຽງ, ວຽກງານຈັກສານ, ຕຳແຜ່ນທີ່ເປັນມູນເຊື້ອຂອງເຜົ່າທີ່ເປັນທ່າແຮງ, ພ້ອມນັ້ນ ກໍ່ຕ້ອງໄດ້ເປັນເຈົ້າການຄຸມຄອງຊັບສິນຂອງລັດບໍ່ໃຫ້ຮົ່ວໄຫຼ, ກວດກາການນໍາເຂົ້າ-ສົ່ງອອກບັນດາສິນຄາທັງພາຍໃນ ແລະ ຕ່າງປະເທດຢ່າງເຄັ່ງຄັດ, ເອົາໃຈໃສ່ເກັບກຳຂໍ້ມູນຜົນເສຍຫາຍຈາກໄພທຳມະຊາດຢ່າງລະອຽດ, ສືບຕໍ່ຕ້ານສະກັດກັ້ນການສໍ້ລາດບັງຫຼວງ ແລະ ປະກົດການຫຍໍ້ທໍ້ທາງສັງຄົມ ດ້ວຍການສຶກສາອົບຮົມການເມືອງແນວຄິດໃຫ້ແກ່ສະມະຊິກພັກ, ພະນັກງານ-ລັດທະກອນ ໃຫ້ເຂົ້າໃຈ ເຊື່ອມຊຶມຢ່າງເລິກເຊິ່ງຕໍ່ແນວທາງນະໂຍບາຍຂອງພັກ,ລະບຽບກົດໝາຍຂອງລັດ ເພື່ອເຮັດໃຫ້ເມືອງກະລຶມມີສະຖຽນລະພາບ, ມີຄວາມສະຫງົບເປັນລະບຽບຮຽບຮອຍ, ເສດຖະກິດສືບຕໍ່ຂະຫຍາຍຕົວຢ່າງຕໍ່ເນື່ອງ, ຊີວິດການເປັນຢູ່ຂອງປະຊາຊົນໄດ້ຮັບການພັດທະນາຫຼຸດພົ້ນອອກຈາກຄວາມທຸກຍາກເທື່ອລະກ້າວ.


ໂອກາດດັງກ່າວ ທ່ານ ຮອງເຈົ້າແຂວງເຊກອງ ຍັງໄດ້ ມອບອຸປະກອນການຮຽນ ແລະ ເຄື່ອງກິລາ ລວມມູນຄ່າ 1 ລ້ານ ກວ່າກີບໃຫ້ຫ້ອງການສຶກສາທິການ ແລະ ກິລາເມືອງກະລຶມອີກດ້ວຍ.


ຂ່າວ: ທ ອັດສະວິນ ແສງສີຈັນ/ຂ່າວແຂວງເຊກອງ 
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



loading...

No comments

Powered by Blogger.