Header Ads

ອົງການກາແດງລາວ ຮັບການບໍລິຈາກເລືອດຢູ່ໂຮງຮຽນ ມສ ທ່າແຕງ



ສູນບໍລິຈາກເລືອດອົງການກາແດງລາວ ປະຈໍາແຂວງ ເຊກອງ ນໍາໂດຍທ່ານ ດຣ ໄພວັນ ສຸກກະເສີມ ຮອງຫົວໜ້າຫ້ອງການກາແດງ ແຂວງ ເຊກອງ ພ້ອມດ້ວຍວິຊາການຂອງສູນບໍລິຈາກເລືອດຂັ້ນແຂວງ, ຂັ້ນເມືອງ ໄດ້ລົງຮັບການບໍລິຈາກເລືອດ ຢູ່ທີ່ໂຮງຮຽນ ມ.ສ ເມືອງທ່າແຕງ ໃນຕອນເຊົ້າຂອງວັນທີ 27 ກັນຍາ 2017 ນີ້. ໂດຍມີທ່ານ ດຣ ຄອນສະຫວັນ ພັນທະວົງ ອໍານວຍການໂຮງໝໍເມືອງ ທ່າແຕງ, ມີທັງພະສົງສໍາມະເນນ, ພະນັກງານຫ້ອງການສຶກສາທິການ ແລະ ກິລາເມືອງ ພ້ອມດ້ວຍນ້ອງນັກຮຽນເຂົ້າຮ່ວມ.

ທ່ານ ດຣ ໄພວັນ ສຸກກະເສີມ ຮອງຫົວໜ້າຫ້ອງການກາແດງແຂວງ ເຊກອງ ໄດ້ຍົກໃຫ້ເຫັນຄວາມໝາຍ ຄວາມສໍາຄັນ ຂອງຄວາມສະໝັກໃຈຕື່ນຕົວ ແລະ ມີນໍ້າໃຈບໍລິຈາກເລືອດ ເພື່ອປະກອບສ່ວນຊ່ວຍເຫຼືອປະຊາຊົນ ກໍ່ຄືທຸກຄົນທີ່ຕ້ອງການເລືອດ, ຂາດເລືອດ. ເຊິ່ງການບໍລິຈາກເລືອດຂອງຕົນເອງເພື່ອຊ່ວຍຊີວິດຂອງຄົນ ຄົນໜື່ງ ຫຼື ຫຼາຍຄົນ ທີ່ມີຄວາມຈໍາເປັນ ແລະ ຕ້ອງການ, ການຊ່ວຍເຫຼືອເພື່ອນມະນຸດດ້ວຍກັນ ແມ່ນເປັນການປະກອບສ່ວນຊ່ວຍສັງຄົມ, ຊ່ວຍເຫຼືອຄົນທີຂາດເລືອດເຊັ່ນ: ຄົນທີ່ຖືກຜ່າຕັດ, ຄົນເກີດລູກ, ຄົນປະສົບອຸປະຕິເຫດ ແລະ ອື່ນໆ. 


ຈາກນັ້ນ ພະສົງສໍາມະເນນ, ຄູອາຈານ ແລະ ນ້ອງນັກຮຽນ ກໍ່ໄດ້ກວດສຸຂະພາບ ຜ່ານການກວດສຸຂະພາບ ເຫັນວ່າມີຜູ້ສະມັກບໍລິຈາກເລືອດທັງໝົດ 60 ຄົນ, ຍິງ 37 ຄົນ, ໃນນີ້ ຜູ້ທີ່ໄດ້ຜ່ານການກວດສຸຂະພາບ ທີ່ສາມາດບໍລິຈາກເລືອດໄດ້ ຕົວຈິງ ມີຈໍານວນ 37 ຄົນ, ຍິງ 19 ຄົນ, ໄດ້ເລືອດທັງໝົດ 37 ຖົງ ຫຼື ເທົ່າກັບ 12.950 ມິນລີລີດ.



ຮອງຫົວໜ້າຫ້ອງການກາແດງປະຈຳແຂວງ ເຊກອງ ຍັງໄດ້ສະແດງຄວາມຂອບໃຈເປັນຢ່າງສູງ ຕໍ່ຜູ້ທີມີຄວາມສະມັກໃຈໃນການປະກອບສວນບໍລິຈາກເລືອດ ໃນຄັ້ງນີ້, ພ້ອມທັງໄດ້ມອບໃບຍ້ອງຍໍໃຫ້ໂຮງຮຽນ ມ.ສ ທ່າແຕງ ຕື່ມອີກ.


ຂ່າວ-ພາບ: ພອນ ບຸນອຸທິດ/ຂ່າວແຂວງເຊກອງ 
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



loading...

No comments

Powered by Blogger.