Header Ads

ມອບເງິນອຸດໜູນນະໂຍບາຍ ໃຫ້ຜູ້ມີຜົນງານ ແລະ ຄຸນງາມຄວາມດີຕໍ່ປະເທດຊາດ.



ອີງຕາມດຳລັດຂອງລັດຖະບານ ວ່າດ້ວຍການປະຕິບັດນະໂຍບາຍຕໍ່ຜູ້ມີຜົນງານ ແລະ ຄຸນງາມຄວາມດີ ໃນພາລະກິດຮັບໃຊ້ປະຕິວັດຊາດ ປະຊາທິປະໄຕ ຂໍ້ຕົກລົງຂອງລັດຖະມົນຕີກະຊວງແຮງງານ ແລະ ສະຫວັດດີການ-ສັງຄົມ ວ່າດ້ວຍການປະຕິບັດນະໂຍບາຍເງິນອຸດໜູນເສຍສະຫຼະຊີວິດ ຂໍ້ຕົກລົງຂອງລັດຖະມົນຕີວ່າດ້ວຍການປະຕິບັດນະໂຍບາຍເງິນອຸດໜູນນາມມະຍົດ ນັກຮົບແຂ່ງຂັນ ພະແນກແຮງງານ ແລະ ສະຫວັດດີການ-ສັງຄົມ ນະຄອນຫຼວງວຽງຈັນ ໄດ້ມອບເງິນນະໂຍບາຍອຸດໜູນນາມມະຍົດ ນັກຮົບແຂ່ງຂັນ ທັງໝົດ 50 ຄົນ ຍິງ 2 ຄົນ ລວມມູນຄ່າທັງໝົດ 1.069.672.000 ກີບ ໃນນີ້ ປະກອບມີນະໂຍບາຍເສຍສະຫຼະຊີວິດໃນການສູ້ຮົບ ຈຳນວນ 49 ຄົນ ຍິງ 1 ຄົນ ຈຳນວນເງິນ 1.059.672.000 ກີບ ແລະ ນະໂຍບາຍເງິນອຸດໜູນນາມມະຍົດ ນັກຮົບແຂ່ງຂັນ 1 ຄົນເປັນຍິງ ຈຳນວນເງິນ 10 ລ້ານກີບ ເພື່ອຕອບບຸນແທນຄຸນຄຸນງາມຄວາມດີຂອງບັນດາພະນັກງານບຳນານ ອາວຸໂສ ທີ່ໄດ້ປະກອບສ່ວນເຂົ້າໃນການສ້າງສາພັດທະນາປະເທດຊາດ ໃຫ້ມີຄວາມສີວິໄລເປັນກ້າວໆມາ.

ພິທີມອບເງິນໄດ້ຈັດຂຶ້ນວັນທີ 3 ສິງຫາ 2017ຜ່ານມາ, ທີ່ພະແນກແຮງງານ ແລະ ສະຫວັດດີການ-ສັງຄົມ ນະຄອນຫຼວງວຽງຈັນ ໃຫ້ກຽດມອບຂອງທ່ານ ສີຫຸນ ສິດທິລືໄຊ ຮອງເຈົ້າຄອງນະຄອນຫຼວງວຽງຈັນ ມີທ່ານນາງ ລຳພອຍ ສີອັກຄະຈັນ ຫົວໜ້າພະແນກແຮງງານ ແລະ ສະຫວັດດີການ-ສັງຄົມ ນະຄອນຫຼວງວຽງຈັນ ພ້ອມດ້ວຍຫົວໜ້າຫ້ອງການສະຫວັດດີການ ແລະ ສັງຄົມເມືອງອ້ອມຂ້າງ ແລະ ພະນັກງານບຳນານອາວຸໂສເຂົ້າຮ່ວມ.


 ພາບ ແລະ ຂ່າວ: ກະຊວງແຮງງານ ແລະ ສະຫວັດດີການສັງຄົມ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



loading...

No comments

Powered by Blogger.