Header Ads

ເຊັນສັນຍາ ພັດທະນາລະບົບການຈັດເກັບອາ ກອນມູນຄ່າເພີ່ມ



(ຂ​ປລ) ດ່ານ​ພາ​ສີສາກົນ​ຂົວ​ມິດຕະພາບ 1 ຈະ​ນໍາ​ໃຊ້​ລະບົບ​ ຈັດ​ເກັບ​​ພາສີ-ອາກອນຜ່ານລະບົບ​ອີ​ເລັກ​ໂທ​ນິກ. ​ສະກັດ​ກັ້ນ​ການ​ນໍາ​ເຂົ້າ​ເຄື່ອງ​ຂອງ​ຕິດ​ຕົວຜູ້​ໂດຍສານ​ ທີ່​ມີ​ລັກສະນະ​ທາງ​ການ​ຄ້າ ​ແລະ ມີ​ການ​ເຂົ້າ-ອອກ​ຜ່ານ​ດ່ານ​ເປັນ​ປະ​ຈໍາ ​ຫັນ​ມາ​ຈັດ​ຕັ້ງ​ປະຕິບັດຕາມ​ກົດໝາຍ ​ແລະ ລະບຽບ​ການ​ກໍານົດ​ຢ່າງ​ເຂັ້ມ​ງວດ, ປົກ​ປ້ອງ​ຜູ້​ປະກອບ​ການ​ທີ່​ດໍາ​ເນີນ​ທຸລະ​ກິດ​​ໃຫ້ຖືກ ຕ້ອງ​ຕາມ​ກົດໝາຍ​ພາຍ​ໃນ ສປປ ລາວ​.

ໃນ​ວັນ​ທີ 19 ກັນຍາ 2017 ນີ້ ​ທີ່ດ່ານ​ພາ​ສີສາກົນ​ຂົວ​ມິດຕະພາບ 1 ​ໄດ້​ມີ​ພິທີ​ເຊັນ​ສັນຍາ ລະ ຫວ່າງ ທ່ານ ບຸນປະ​ເສີດ ສີ​ກຸນ​ລະ​ບຸດ ຮັກສາ​ການ​ຫົວໜ້າ​ກົມ​ພາສີ, ກະຊວງ​ການ​ເງິນ ​ແລະ ທ່ານ ພູ​ຂົງ ຈັນທະ​ຈັກ ຜູ້​ອໍາ​ນວຍ​ການ​ໃຫຍ່​ ທະນາຄານ​ການ​ຄ້າ​ຕ່າງປະ​ເທດ​ລາວ ມະຫາຊົນ ວ່າ​ດ້ວຍການ​ພັດທະນາ​ລະບົບ​ການຈັດ​ເກັບ​ອາກອນ​ມູນ​ຄ່າ​ເພີ່ມ ​ເຄື່ອງ​ຕິດ​ຕົວ​ຜູ້​ໂດຍສານ​ຂາ​ເຂົ້າ ​ແລະ ຄ່າ​ທໍານຽມ​ຜູ້​ໂດຍສານ, ພາຫະນະ​ເຂົ້າ-ອອກ ທີ່​ດ່ານ​ພາ​ສີສາກົນ​ຂົວ​ມິດຕະພາບ 1 (Smart VAT ​ແລະ Fees), ​ໂດຍມີ​ບັນດາ​ຫົວໜ້າ​ກົມ-ຮອງ​ກົມ, ຫົວໜ້າ​ແນ​ກ, ພ້ອມ​ດ້ວຍພາກສ່ວນ​ທີ່​ກ່ຽວຂ້ອງ ​ເຂົ້າ​ຮ່ວມ.

​ທ່ານ ບຸນປະ​ເສີດ ສີ​ກຸນ​ລະ​ບຸດ ​ກ່າວ​ວ່າ: ເພື່ອ​ຜັນ​ຂະຫຍາຍ​ຍຸດ​ທະ​ສາດ​ ໃນ​ການ​ຫັນ​ພາສີ​ເປັນ​ທັນ​ສະ​ໄໝ​ເຂົ້າ​ສູ່​ລວງ​ເລິກ ​ແລະ ​ຮອບດ້ານ​ ໂດຍ​ສະ​ເພາະ​ການຈັດ​ເກັບ​ບັນດາ​ຄ່າ​ທໍານຽມ​ຕ່າງໆ​ໃຫ້​ຫັນ​​ໄປ​ສູ່​ການຈັດ​ເກັບ​ດ້ວຍ​ລະບົບ​ເອ​ເລັກ​ໂທ​ນິກ. ສະ​ນັ້ນ​, ພາຍ​ໃຕ້​ການ​ສະໜັບສະໜູນ​ຂອງ​ລັດຖະບານ ກໍ​ຄື​ກະຊວງ​ງການ​ເງິນ ​ແລະ ການ​ຮ່ວມ​ມື​ ໃນ​ການ​ພັດທະນາ​ຂອງ​ທິມງາ​ນພັດທະ​ນາ​ລະບົບ ​ຂອງ​ທະນາຄານການ​ຄ້າ​ຕ່າງປະ​ເທດ​ລາວ​ມະຫາຊົນ ​ໄດ້​ສ້າງ​ລະບົບ​ຈັດ​ເກັບ​ອາກອນ​ມູນ​ຄ່າ​ເພີ່ມ​ ເຄື່ອງ​ຕິດ​ຕົວ​ຜູ້​​ໂດຍສານ​ຂາ​ເຂົ້າ ຫລື ລະບົບ Smart VAT, ຊຶ່ງ​ໄດ້​ຮັບ​ການ​ພັດທະນາ ​ແລະ ນໍາ​ໃຊ້​ທີ່​ດ່ານ​ພາສີ​ສາກົນ ​ຂົວ​ມິດຕະພາບ 1 ນະຄອນຫລວງ​ວຽງ​ຈັນ, ​ເປັນ​ດ່ານ​ທໍາ​ອິດ​ ນັບ​ແຕ່​ທ້າຍ​ປີ 2016 ຜ່ານ​ມາ. ຈຸດປະສົງ​ໃນ​ການຈັດ​ເກັບ​ອາກອນ​ມູນ​ຄ່າ​ເພີ່ມ​ດັ່ງ​ກ່າວ,​ ​ເພື່ອ​​ສະກັດ​ກັ້ນ​ການ​ນໍາ​ເຂົ້າ​ເຄື່ອງ​ຂອງ​ຕິດ​ຕົວຜູ້​ໂດຍສານ ​ທີ່​ມີ​ລັກສະນະ​ທາງ​ການ​ຄ້າ ​ແລະ ມີ​ການ​ເຂົ້າ-ອອກ​ຜ່ານ​ດ່ານ​ເປັນ​ປະ​ຈໍາ​ ຫັນ​ມາ​ຈັດ​ຕັ້ງ​ປະຕິບັດຕາມ​ກົດໝາຍ ​ແລະ ລະບຽບ​ການ​ກໍານົດ​ຢ່າງ​ເຂັ້ມ​ງວດ, ປົກ​ປ້ອງ​ຜູ້​ປະກອບ​ການ​ທີ່​ດໍາ​ເນີນ​ທຸລະ​ກິດ​ຖືກຕ້ອງ​ຕາມ​ກົດໝາຍ​ພາຍ​ໃນ ສປປ ລາວ​, ຕ້ານການ​ຮົ່ວ​ໄຫລ​ຂອງ​ງົບປະມານ. ນອກ​ຈາກນີ້, ກໍ​ເປັນ​ການສົ່ງ​ເສີມ​ໃຫ້​ປະຊາຊົນ ຫລື ​ຜູ້​ໂດຍສານ​ ມີ​ການ​ໃຊ້​ບໍລິການ ຫລື​ ຈັບ​ຈ່າຍ​ສິນ​ຄ້າ, ​ເຄື່ອງ​ຂອງ​ພາຍ​ໃນ​ໃຫ້​ຫລາຍ​ຂຶ້ນ; ຫລຸດຜ່ອນ​ການ​ນໍາ​ເອົາ​ເງິນຕາ​ອອກ​ນອກ​ປະ​ເທດ ​ແລະ ອື່ນໆ. ​ຜູ້​ຊົມ​ໃຊ້ ຫລື ຜູ້​ເສຍ​ຄ່າ​ພາສີ​ອາກອນ​ມູນ​ຄ່າ​ເພີ່ມ​ ສາມາດ​ມີ​ທາງ​ເລືອກ​ໃນ​ການ​ຊໍາລະ​ອາກອນ​ມູນ​ຄ່າ​ເພີ່ມ ​ໄດ້​ງ່າຍ​ຂຶ້ນ ​ເຊັ່ນ: ຜ່ານ​ທາງ BCEL one ​ແລະ ຜ່ານ​ບັດ​ສະມາດ​ແວັດ (Smart VAT Card) ​ເຊິ່ງສະດວກ​ສະບາຍ ​ແລະ ​ໄວ​ກວ່າ​ໃຊ້​ແບບ​ຟອມ​ແຈ້ງ​ແບບ​​ດັ່ງ​ເດີມ ​ເພາະ​ໄດ້​ຫັນ​ມາ​ຊໍາລະ​ຜ່ານ​ລະບົບ​ອີ​ເລັກ​ໂທ​ນິກ. 

ຂ່າວ: ຂັນ​ໄຊ, ພາບ: ສະຫວາດ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



loading...

No comments

Powered by Blogger.