Header Ads

ອາເມຣິກາ ໃຫ້ທຶນຊ່ວຍເຫຼືອ ວຽກງານເກັບກູ້ລະເບີດບໍ່ທັນແຕກ



ເພື່ອ​ສືບຕໍ່​ການ​ແກ້​ໄຂ​ລະເບີດບໍ່​ທັນ​ແຕກ​ທີ່​ຕົກ​ຄ້າງຢູ່ ​ສປປ ລາວ ອັນ​ເປັນ​ໄພ​ຂົ່ມຂູ່​ຕໍ່​ການ​ດຳລົງ​ຊີວິດ​ຂອງ​ປະຊາຊົນ​ລາວ ອົງການ​ຮາ​ໂລທຼາສທ໌ ປະຈຳ​ລາວ ໄດ້​ຮັບ​ທຶນ​ຊ່ວຍເຫຼືອ​ຈາກ​ລັດ​ຖະບານ​ສະຫະລັດ​ອາ​ເມ​ຣິ​ກາ ມູນຄ່າ 4,5 ລ້ານ​ໂດ​ລາ ປະມານ 37 ຕື້​ກວ່າ​ກີບ ເພື່ອ​ເຮັດ​ການ​ໂຄສະ​ນາ​ສຶກ​ສາ​ຄວາມ​ສ່ຽງ​ໄພ​ຈາກລະເບີດ​ບໍ່​ທັນ​ແຕກ ​ລບຕ ສຳຫຼວດ ແລະ ການ​ກວດ​ກູ້​ລະເບີດຢູ່ 4 ເມືອງເປົ້າ​ໝາຍ ມີ​ແຂວງເຊ​ໂປນ ວິລະ​ບູ​ລີ ພິນ ແລະ ເມືອງ​ນອງ ແຂວງ​ສະ​ຫວັນ​​ນະເຂດ.

ພິທີ​ເຊັນ​ສັນຍາ​ໄດ້​ຈັດ​ຂຶ້ນ​ໃນວັນ​ທີ 22 ກັນຍາ 2017 ທີ່​ຄະນະກຳມະການ​ແຫ່ງ​ຊາດ ເພື່ອ​ການແກ້​ໄຂ​ບັນຫາ​ລະເບີດ​ບໍ່​ທັນ​ແຕກທີ່​ຕົກ​ຄ້າງຢູ່ ​ສປປ ລາວ (​ຄຊກລ) ລະຫວ່າງ​ທ່ານ​ນາງ ຊູຊານ​ນາ ສະ​ມໍ ຫົວໜ້າ​ອົງການຮາ​ໂລທຼາສທ໌ ປະຈຳ​ລາວ ແລະ ທ່ານ ພູ​ຂຽວ ຈັນທະ​ສົມບູນ ຫົວໜ້າ​ຫ້ອງການ ​ຄຊກລ ໂດຍ​ມີທ່ານ​ນາງ ເຣນ​ນາ ບິດ​ເຕີ ເອກອັກ​ຄະ​ລັດ​ຖະ​ທູດ ສະຫະລັດ​ອາເມ​ຣິ​ກາ ປະຈຳ​ລາວ ຕາງໜ້າຈາກ​ກະຊວງ​ການ​ຕ່າງປະເທດ ອຳນາດ​ການ​ປົກຄອງ ແລະ ພາກສ່ວນ​ກ່ຽວຂ້ອງ​ເຂົ້າ​ຮ່ວມ.

ທີ່ມາ: ໜັງສືພິມວຽງຈັນໄໝ່
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



loading...

No comments

Powered by Blogger.