Header Ads

ກອງປະຊຸມເຊື່ອມຊືມ ແລະ ເຊັນບົດບັນທຶກສັນຍາ ກອງທືນປະກັນສຸຂະພາບແຫ່ງຊາດຢູ່ຂັ້ນເມືອງ


ວັນທີ່ 1 ກັນຍາ 2017 ນີ້ ຢູ່ທີສະໂມສອນເມືອງເງິນ ແຂວງໄຊຍະບູລີ ໄດ້ຈັດກອງປະຊຸມເຊື່ອມຊືມເອກະສານສ້າງຕັ້ງກອງທືນປະກັນສຸຂະພາບແຫ່ງຊາດ. ເຂົ້າຮ່ວມເປັນກຽດມີ ທ່ານ ບຸນສົດ ອິນທະປັນຍາ ຮອງເລຂາພັກເມືອງ ຮອງເຈົ້າເມືອງ, ມີທ່ານ ປອ ລືໄຊ ພະດວງເດດ ຮອງຫົວໜ້າພະແນກສາທາລະນະສຸກແຂວງ, ມີຕາງໜ້າກະຊວງສາທາລະນະສຸກພ້ອມດ້ວຍທີມງານ, ມີຫົວໜ້າຫ້ອງການທີ່ກ່ຽວຂ້ອງ, ຫົວໜ້າສຸກສາລາ ແລະ ພະນັກງານແພດໝໍເຂົ້າຮ່ວມ.

        ກອງປະຊຸມ ທ່ານ ອານຸສອນ ດິນດາວົງ ຕາງໜ້າກະຊວງສາທາລະນະສຸກ ໄດ້ເຜີຍແຜ່ເອກະສານກ່ຽວກັບການສ້າງຕັ້ງກອງທືນປະກັນສຸຂະພາບແຫ່ງຊາດ. ເພື່ອແນໃສ່ເຮັດໃຫ້ພະນັກງານແພດໜໍໄດ້ເຂົ້າໃຈເນື້ອໃນແລ້ວນໍາໄປເຜີຍແຜ່ໃຫ້ ພໍ່ແມ່ປະຊາຊົນບັນດາເຜົ່າໄດ້ຮັບຮູ້ ເຖີງການບໍລິການດ້ານສຸຂະພາບຟີຢູ່ສຸກສາລາ ຫຼື ໂຮງໝໍ ມີຄວາມສະດວກສະບາຍຫຼາຍຂື້ນ.

ຈາກນັ້ນທ່ານ ທອງຈັນ ຫົວໜ້າຫ້ອງການວິຊາການພະແກນສາທາລະນະສຸກແຂວງ ກໍ່ໄດ້ຂື້ນຜ່ານບົດສະຫຼຸບ ການສ້າງຕັ້ງກອງທືນປະກັນສຸຂະພາບແຫ່ງຊາດ ໃຫ້ຜູ້ທີ່ຮັບຜິດຊອບວຽກງານກອງທືນຂັ້ນແຂວງ-ເມືອງ ໄດ້ຮັບຮູ້ໃນການຈັດຕັ້ງປະຕິບັດຂັ້ນຕອນ ສະຫຼຸບ ລາຍງານເປັນແຕ່ລະງວດ, ແຕ່ລະເດືອນ ໃຫ້ລະອຽດຊັດເຈນ. ເຮັດໃຫ້ກອງທືນດັ່ງກ່າວມີຄວາມຍືນຍົງ. ຕອນທ້າຍຄະນະປະທານ ກໍ່ໄດ້ຮ່ວມກັນເຊັນບົດບັນທຶກສັນຍາ ໃນການສ້າງຕັ້ງກອງທືນປະກັນສຸຂະພາບແຫ່ງຊາດ ເຊີ່ງຈະເລີ້ມຈັດຕັ້ງປະຕິບັດແຕ່ ວັນທີ່ 1 ຕຸລາ 2017 ເປັນຕົ້ນໄປ.


ພາບ+ຂ່າວ ໂດຍ ສຸລິຍາ ແສງເດືອນ.





------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.