Header Ads

ຫົວໜ້າກົມກວດການ ກະຊວງຕໍາຫຼວດ ສສ ຫວຽດນາມ ເຂົ້າຢ້ຽມຂໍ່ານັບຮອງ ລມຕ



ພົຕ ຫງວຽນ ວັນ ລິວ ຫົວໜ້າກົມກວດການ ກະຊວງຕໍາຫຼວດ ສສ ຫວຽດນາມ ພ້ອມຄະນະ ໄດ້ເຂົ້າຢ້ຽມຂໍ່ານັບ ພົຈວ ປອ ສົມຫວັງ ທໍາມະສິດ ຮອງລັດຖະມົນຕີກະຊວງປ້ອງກັນຄວາມສະຫງົບ ສປປ ລາວ ໃນວັນທີ 27 ກັນຍາ 2017 ເພື່ອລາຍງານການເຄື່ອນໄຫວເຮັດວຽກຮ່ວມກັບກົມກວດກາ-ກວດການ ກະຊວງປ້ອງກັນຄວາມສະຫງົບ ໃນລະຫວ່າງວັນທີ 25-29 ກັນຍານີ້.

ພົຕ ຫງວຽນ ວັນ ລິວ ໄດ້ກ່າວສະແດງຄວາມຂອບໃຈຕໍ່ທ່ານຮອງລັດຖະມົນຕີກະຊວງປ້ອງກັນ ຄວາມສະ ຫງົບ ພ້ອມຄະນະ ແລະ ລາຍງານການເຄື່ອນໄຫວເຮັດວຽກຮ່ວມກັບກົມກວດກາ-ກວດການ ວ່າ: ທັງສອງຝ່າຍ ໄດ້ຈັດ ກອງປະຊຸມແລກປ່ຽນບົດຮຽນວຽກງານວິຊາສະເພາະ ໃນວັນທີ 26 ກັນຍາ 2017 ເຊິ່ງຝ່າຍກົມກວດກາ- ກວດ ການນໍາໂດຍ ພົຈວ ດວງປີ ດາມະນີວົງ ຫົວໜ້າກົມກົມກວດກາ-ກວດການ ແລະ ສອງຝ່າຍໄດ້ຍົກໃຫ້ເຫັນ ທີ່ຕັ້ງ, ຂອບເຂດສິດ ແລະ ໜ້າທີ່ຂອງຕົນ, ພ້ອມທັງຍົກໃຫ້ເຫັນຜົນງານການຈັດຕັ້ງປະຕິບັດວຽກງານວິຊາສະເພາະໃນ 6 ເດືອນຕົ້ນປີ 2017 ຜ່ານມາ; ສຳລັບບົດຮຽນທີ່ຄະນະຜູ້ແທນສອງຝ່າຍໄດ້ມີການ ແລກປ່ຽນກັນໃນ ຄັ້ງນີ້ ແມ່ນ ກ່ຽວກັບກົງຈັກການຈັກຕັ້ງວຽກງານກວດກາ, ການກໍ່ສ້າງກໍາລັງວິຊາສະເພາະວຽກງານ ກວດກາ – ກວດການ; ການຕິດຕາມ, ກວດກາ, ການລົງວິໄນຕໍ່ສະມາຊິກພັກທີ່ລະເມີດລະບຽບກົດໝາຍ; ວຽກງານກວດ ກາລັດ ແລະ ຕ້ານການສໍ້ລາດບັງຫຼວງ; ວຽກງານແກ້ໄຂຄໍາສະເໜີ-ຄໍາຮ້ອງຟ້ອງ ເພື່ອເຮັດໃຫ້ການຈັດຕັ້ງປະຕິບັດວຽກງານ ກວດ ກາຂອງສອງກໍາລັງໄດ້ຮັບໝາກຜົນສູງຍິ່ງຂຶ້ນ.
ໂອກາດດຽວກັນ ພົຈວ ປອ ສົມຫວັງ ທໍາມະສິດ ໄດ້ຕີລາຄາສູງຕໍ່ການເດີນທາງມາເຮັດວຽກຂອງທ່ານຫົວໜ້າກົມ ກວດການ ກະຊວງຕໍາຫຼວດ ສສ ຫວຽດນາມ ພ້ອມຄະນະ ໃນຄັ້ງນີ້ ແລະ ພ້ອມທັງຊີ້ນໍາໃຫ້ສອງກົມຈົ່ງສືບຕໍ່ສ້າງ ສາຍພົວພັນຮ່ວມມືພິເສດຮອບດ້ານ ແລະ ພ້ອມກັນສ້າງກໍາລັງຕໍາຫຼວດ ໃຫ້ມີຄວາມຮູ້ຄວາມສາມາດທາງດ້ານ ວິຊາ ສະເພາະ ເພື່ອເຮັດໃຫ້ວຽກງານກວດກາ ແລະ ຕ້ານການສໍ້ລາດບັງຫຼວງ ຂອງສອງກໍາລັງມີຄວາມປອດໃສ ໜັກແໜ້ນເຂັ້ມແຂງ ແລະ ທັນສະໄໝຂຶ້ນໄປເລື້ອຍໆ.



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



loading...

No comments

Powered by Blogger.