Header Ads

ອາສາ ມູນນິທິຊ່ວຍເຫຼືອຜູ້ປະສົບໄພ ແຂວງຄຳມ່ວນ ເຮັດວຽກໜັກ ເພື່ອເຄື່ອນຍ້າຍໄມ້ທີ່ຫັກຂວາງທາງ ຍ້ອນພາຍຸ DOKSURI


ຄຳມ່ວນ: ລາຍງານຈາກ ມູນນິທິຊ່ວຍເຫຼືອຜູ້ປະສົບໄພ ແຂວງຄຳມ່ວນ ໃຫ້ຮູ້ວ່າ ໃນຄືນວັນທີ 15 ກັນຍາ 2017 ທາງອາສາສະໝັກ ໄດ້ອອກເຫດ ຊ່ວຍເຫຼືອປະຊາຊົນ ໃນການເຄື່ອນຍ້າຍຕົ້ນໄມ້ ທີ່ຫັກລົ້ມຂວາງທາງ ເນື່ອງຈາກຜົນກະທົບ ຂອງພາຍຸ ດົກສຸຣິ ທີ່ ພັດຜ່ານ ແຂວງຄໍາມ່ວນ ໃນວັນທີ 15 ກັນຍາ 2017.



ຕົ້ນໄມ້ໃຫຍ່ ທີ່ຫັກຂວາງທັງ ແມ່ນມີ 3​ ຈຸດໃຫຍ່ ຄື ຢູ່ເສັ້ນທາງ ບ້ານ ໂພນພິມ ເມືອງ ທ່າແຂກ, ຢູ່ເສັ້ນທາງ ບ້ານ ໂພນພິມ ເມືອງ ທ່າແຂກ ແລະ ບ້ານ ນາເມືອງ ເມືອງ ທ່າແຂກ ແຂວງ ຄຳມ່ວນ.

ຄວາມຫຍຸ້ງຍາກ ໃນການປະຕິບັດວຽກງານ ແມ່ນ ທາງທີມງານແມ່ນມີ ຈັກຕັດໄມ້ ບໍ່ພຽງພໍ, ແລະ ບໍ່ມີລົດ ຍູ້ ທີ່ຈະຊ່ວຍເຄື່ອນຍ້າຍໄມ້ໜັກ,​ຈຳຕ້ອງໄດ້ໃຊ້ແຮງງານເປັນຫຼັກ.

ເຖິງຢ່າງໃດກໍ່ຕາມ ທາງອາສາ ໄດ້ຮ່ວມກັບປະຊາຊົນ ແລະ ພາກສ່ວນກ່ຽວຂ້ອງ ໄດ້ພ້ອມກັນ ເຄື່ອນຍ້າຍໄມ້ ແລະ ສິ່ງກີດຂວາງອອກຈາກທາງ ເພື່ອໃຫ້ພໍ່ແມ່ປະຊາຊົນ ໄດ້ເດີນທາງໄປມາສະດວກ.

ຫາກທ່ານໃດ ມີຄວາມປະສົງ ຢາກຊ່ວຍປະກອບສ່ວນ ຊື້ ອຸປະກອນ ຕ່າງໆ ທີ່ຈໍາເປັນ ໃນການປະຕິບັດ ວຽກງານ ກູໄພ ແລະ ຊ່ວຍເຫຼືອ ແບບນີ້ ກໍ່ສາມາດໂທຫາໄດ້: ໂທ: ສາຍຕົງ 020 55330065 ( ສາຍດ່ວນ 1624 ໂທຟຣີ )ບໍລິການຟຣີ 24ຊົ່ວໂມງ

ພາບແລະຂ່າວ:​ ມູນນິທິຊ່ວຍເຫຼືອຜູ້ປະສົບໄພ ແຂວງຄຳມ່ວນ


















------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



loading...

No comments

Powered by Blogger.