Header Ads

ຖ້າທ່ານຜະລິດ, ຊື້-ຂາຍ, ລັກ, ຍັກຍອກ ຫຼື ປຸ້້ນເອົາອາວຸດເສິກ ຫຼື ວັດຖຸລະເບີດ ແບບຜິດກົດໝາຍ ຈະຖືກໂທດ!!!


ທ່ານໃດ ທີ່ມີ ຜະລິດ, ການຄອບຄອງ, ຊື້ຂາຍ ອາວຸດ ໂດຍບໍ່ຖືກຕ້ອງ ຈະຖືກດຳເນີນຄະດີດັ່ງນີ້

ມາດຕາ 76: ການຜະລິດ, ການມີໄວ້ໃນຄອບຄອງ ແລະ ການໃຊ້ອາວຸດເສິກ ຫຼື ວັດຖຸລະເບີດ ໂດຍບໍ່ຖືກຕ້ອງກົດໝາຍ: ບຸກຄົນໃດ ຫາກໄດ້ຜະລິດ, ມີໄວ້ຄອບຄອງ, ຮັກສາ, ຖື ຫຼື ໃຊ້ອາວຸດເສິກ ຫຼື ວັດຖຸລະເບີດໂດຍບໍ່ຖືກຕ້ອງຕາມກົດໝາຍ ຈະຖືກລົງໂທດ ຕັດອິດສະລະພາບ ແຕ່ 6 ເດືອນ ຫາ 5 ປີ ແລະ ຈະຖືກປັບໃໝ່ ແຕ່ 5 ແສນ ຫາ 10 ລ້ານກີບ.

ມາດຕາ 77:  ການຊື້ຂາຍອາວຸດເສຶກ ຫຼື ວັດຖຸລະເບີດ ໂດຍບໍ່ຖືກຕ້ອງຕາມກົດໝາຍ: ບຸກຄົນໃດ ຫາກໄດ້ຊື້, ຂາຍອາວຸດເສິກ ຫຼື ວັດຖຸລະເບີດ ໂດຍບໍ່ຖືກຕ້ອງຕາມກົດໝາຍ ຈະຖືກລົງໂທດຕັດອິດສະຫຼະພາບ ແຕ່ 6 ເດືອນ ຫາ 5 ປີ ແລະ ຈະຖືກປັບໃໝ່ ແຕ່ 1 ລ້ານ ຫາ 20 ລ້ານກີບ

ໃນກໍລະນີທີ່ຜູ້ກະທຳຜິດ ຫາກໄດ້ຖືເອົາການ ຊື້, ການຂາຍອາວຸດເສິກ ຫຼື ວັດຖຸລະເບີດ ເປັນອາຈີນ, ມີການຈັດຕັ້ງເປັນກຸ່ມ ຫຼື ໃນກໍລະນີທີ່ໄດ້ຊື້, ຂາຍວັດຖຸດັ່ງກ່າວເປັນຈຳນວນຫຼວງຫຼາຍ ຈະຖືກຕັດອິດສະຫຼະພາບລົງໂທດ ແຕ່ 5 ປີ ຫາ 10 ປີ ແລະ ຈະຖືກປັບໃໝແຕ່ 5 ລ້ານ ຫາ 50​ ລ້ານກີບ.

ມາດຕາທີ່ 78: ການລັກ,​ ການຍັກຍອກ ຫຼື ປຸ້ນເອົາອາວຸດເສິກ ຫຼື ວັດຖຸລະເບີດ: ບຸກຄົນໃດຫາມີການລັກ, ຍັກຍອກ ຫຼື ປຸ້ນເອົາອາວຸດເສິກ ຫຼື ວັດຖຸລະເບີດ ຈະຖືກຕັດອິດສະຫຼະພາບແຕ່ 2 ປີ ຫາ 5 ປີ ແລະ ຈະຖືກປັບໃໝ ແຕ່ 2 ລ້ານ ຫາ 25 ລ້ານ.

ໃນກໍລະນີທີ່ຜູ້ກະທຳຜິດ ຫາກໄດ້ຖືເອົາການ ລັກ, ຍັກຍອກ ຫຼື ປຸ້ນເອົາອາວຸດເສິກ ຫຼື ວັດຖຸລະເບີດ ເປັນອາຈີນ, ມີການຈັດຕັ້ງເປັນກຸ່ມ ຫຼື ໃນກໍລະນີທີໄດ້ລັກ, ຍັກຍອກ ຫຼື ປຸ້ນເອົາວັດຖຸດັ່ງກ່າວເປັນຈຳນວນຫຼວງຫຼາຍ ຈະຖືກຕັດອິດສະຫຼະພາບລົງໂທດ ແຕ່ 5 ປີ ຫາ 10 ປີ ແລະ ຈະຖືກປັບໃໝແຕ່ 5 ລ້ານ ຫາ 50​ ລ້ານກີບ.




------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



loading...

No comments

Powered by Blogger.